بعد ما فلست زوجي تزوج امرأة كبيرة عشان فلوسها!

انا سيدة متزوجة وكنت متيسرة المال وجوزى يعنى شوية يشتغل واحيانا لا المهم عادى كل شئ يطلبها كنت بجبها حتى اخواتى واخواته لو طلبوا منى اى حاجة مكنتش بتاخر وعشنا مع بعض اكتر من 25 سنة بدون اولاد وكتير نصحوه بالجواز رفض وقال مش عاوز اطفال العيب كان مننا احنا الاتنين بس هو ممكن يتعالج لكن بصراحة انا لا مستحيل مع انى حاولت مع الدكاتره وصرفت كتير لغاية مالرحم سقط يعنى خلاص كده مفيش اولاد انا عندى حوالى 54 سنة بدا جوزى يتغير هو واخواتى وكتير من الناس والسبب انى فلست مبقاش عندى اى فلوس وبدات المشاكل بس كنت متمسكه انا بيه وهو كمان رفض يطلقنى بعد مده حسيت ان فى انسانة فى حياتة قولت نزوه ياما عرف بنات وكان هيخطب كذا مره وانا وقفت الموضوع وكان بيقول للبنات فى الفيس او اى بنت يعرفها انى نكية ومش بخلف وكلام كتير عشان يريح ضميره من سنتين قالى هتجوز انا رفضت وقولتله طلقنى لانى مقدرش اعيش مع ضره قالى خلاص مش هتجوز فى الوقت ده كان متجوز وكل اهله عارفين ومخبين عليه ومن سنة اتصلت بيه واحدة وقالتلى جوزى موجود قولتلها النمره غلط قلتلى لا صح جوزى فلان اتصدمت بس قولت عادى ياما حالى رسايل ومكالمات تليفون وهو واهله كانوا بيقولولى دى ناس عاوزة تخرب عليكى ساعتها كان واقف جنبى بساله مين دى قالى مراتى وسبنى وخرج انهرت وطلبت الطلاق بس الكل قالى هتروحى فين كل فلوسك خلصت وبعتى كمان الشقتين التمليك ومالكيش حد اكتشفت ان اللى اتجوزها اصغرمنى ب 4 سنين وجده ومش هتخلف لكن غنية وتشفوها تحس انه فى العشرين بصراحة حلوة بدا يقولى مش هيحصل تغير كل يوم هنام فى البيت وبعد كام شهر قسم الايام وبعد كده خلاها يوم ويوم بس فى ايامى بيروح ليها صبح وعصر بيفطر ويتغدى عندها وفى ايامها بيعمل اى حجة ويجيلى 5 دقايق واحيانا لا وانا تعبت لان كل يوم هى بتشده اكتر بفلوسها وجمالها وانا لا عندى فلوس ولا جمال اعمل ايه باله عليكم