السؤال

قبل 11 شهر (9 اجابه)
9 اجابه

عدم ثقه اهلي وشكوك امي!

مشكلتي آنآ مع اهلي اول شي ببدأ لكم مع ابوي .. ابوي انسان متعلم مثقف بس انه عنده تفكير الي البنت لآزم تصير هاديه دايم مع امه مآتطلع مآتروح لحاله مآتلبس اي لبس مآتروح لأي احد ..وآمي .. نفس الشي وأمي زود مآعنده ثقه بي ابدا تفتش الجوال من وراي تفتش اغراضي .. آنآ بعين امي اني انسانه لعابه وبس مآهمتني إلا الطلعات والروحات .. آنآ مآتحمل مسؤليه انا انسانه فاشله انا مآيثق بي آبدا .. مع اني متوفقه بدراستي واساعد في شغل البيت بس انا مآ أملي عنه ابد ..دايم تحطمني شوفي فلانه وفلانه مع اني احسن منهم باشياء كثير ومو شرط اصير مثلهم انا فالحه باشياء ثانيه غير الي هم فالحين فيها .. اهلي .. صار عندهم قانون لا صار باليل ياخذون مني انا واخواتي كل الاجهزه جولات اللاب آي جهاز يعني لهلحد ماعندهم ثقه فينا ,,كل ليله يجين تحطيم زود عن اليله الي قبله ..آنآ قبل مستحيل اسوي شي غلط لآني بحس اني اخون ثقت اهلي فيني بس الحين هم خلقه مآيثقون بي يعني لو زينت الخطأ مآفيه شي بتحسف عليه .. اهلي ومو وآثقين فيني مآفيه شي بخسره ..وفوق هذا انا عندي اخوان صغار كلهم نفسياتهم زفت دايم من اقوم لين انام وهم هواش وكل واحد مو طايق من الثاني كلمه طبعا هم صغار بس مآفيهم براءه ابد بس هواشهم الدايم يحبطني يكرهني بالعيشه يعني إلا متى كل يوم هواش وطق .. قسم احسه عقبه بحياتي هالاخوانلدرجه لما اكون ادرس لاختبار واسمع هواشهم اصك الكتاب ,, ابي بيت جواها هاادي نآس تعاملهم رآقي ..وفوق ع كذا مع انه عندنا خدامه إلا ان اهلي مآيبون كل شي عليه فأنآ اشتغل واحط غداء وعشاء ..وبعد جدتي ام ابوي ساكنه معنا بنفس البيت احس اني اشتغل خدامه عنده وعند ابوي ..ودآيم تكنسل روحاتي وطلعاتي علشانه ..احس نفسي عشت حيات الي اكبر مني بصصراحه بديت اكره اهلي يعني تسلط ابوي شكوك امي طلبات جدتي هواش خواني مآفيه آسلوب بيننا آمي ابوي مستحيل يقولون لي كلآم يطيب الخآطر .. آنآ مراهقه وآحتآج مراعاة شعور .. ومآحس ان لي خصوصيه اختي تشاركني بالغرفه جوالي لابي يخذونهم مني .. انا انسانه طموحه بس أهلي عايقينني عن تحقيق طموحاتيدايم اتمنى اصير انسانه ناجحه بس مستحيل وهذي حياتي قسسم احس بالكبته مليييت خآيفه لآيجي يوم وآزين شي انا مآودي ازينه ..مدري كييف اتعامل مع هالعيشه مدري كيف اكسب ثقة اهلي ..؟آبي تصير هالاشياء مآتهمني  

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

الحياة امامك طول وعرض لتثبتي نفسك وهذه مرحلة وتعدي ولانك مراهقة لا تحتملي هذه الاجراءات مع العلم انها تعلمك المسؤوليات والانضباط والتحمل ومن حقهم في هذه المرحلة ان يخافوا عليك ولكن بعد فترة عندما يطمئنوا عليك ستخف اجراءاتهم ومتابعتهم فعليك بالصبر والامتثال لان التمرد يطيل من امد هذه الفترة

قبل 11 شهر

مشكلتك تعاني منها معظم بنات الخليج والوطن العربي اجمالا، فيه تفاوت ثقافات بين الاجيال، العالم تغير والعقلية الشرقية الذكورية لا زالت مثل ما هي، هناك مبادئ لا شك، يلزمك تتصرفين مثلي، تعيشي حياتك بالقدر اللي تحاوليه بدوون تصادم مع الوالد، وهذه مهارة، تحايلي على الواقع اختي

قبل 11 شهر

اعانك الله أختي الكريمة هاذة الحياة اختبار ومن حقهم الخوف عليكي صدقيني إلى مو عندة مشاكل فهو انسان فاشل صحيح فية أهل أن شافون الصح لايشجعون علية وان شافون الغلط لا مو علية أو يعني صرخو المهم ريحي بالك ولأت فكري في هاذة الأمور والجوال عادي اتركية ماهو ضروري راح تعودي اماء قولتك حاسة انك خدمة هداك الله انتي مسولة أمام الله سبحانه وتعالى عليهم اعتبري الخدامة ليست في الوجود هاذا أهلك يبقون والله العظيم راح يجي يوم تذكري هاذة لأيام وتنبسطي راح تقولي سقاء ذيك ليام أو لا سقاها لأنها ايام الشباب والمراهقة

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه