أحب شاب أصغر مني وقد بدأ بالتهرب

مرحبا انا بنت عمري ٢٤ مشكلتي اني بحب شب عمره ٢١ لسا بيدرس وهاي السنه بتخرج مهندس والشب من اول يوم شفته فيه دخل قلبي وهو بكون اخو مرت اخوي وقرايبنا من بعيد .. بعد ما شفته بحوالي ال ٩ اشهر وزادت علاقة العيلتين عنا وطلعنا رحله وحسيته قريب مني اكتر وبعتله وصرنا نحكي عالفيس وصرنا اصدقاء كتير وحبيت طريقة تفكيره كتيير وهو بحكي عني طفله وما بصدق اني اكبر منه اصلا ما حد بصدق اني ٢٤ كل الناس بتفكرني بالكتير ٢٠ او ٢١ بس هو انا دايما بشوفه اكبر من عمره يمكن لانه مش تافه زي هالشباب .. المهم ضلينا نحكي كصداقه بعدين احنا التنين استوعبنا انه لازم نبعد وبعدنا حوالي الخمس اشهر ما حكينا فيهم ٦ او ٧ مرات عبعض وهلا قبل حوالي الشهرين رجعنا نحكي عالواتس وصارحني بانه معجب فيي بس طبعا اكتر من الاعجاب ما بقدر وكان دايما يتغزل فيي وبس يشوفني يضل صافن ومبسوط فيي ويبتسملي بعدين فجأه من اسبوع الشب شكلو استوعب انه علاقتنا غلط لهيك رجع بعد بحجة الامتحانات وعنده مشاريع هندسه وانه مش فاضي ولغى الواتس والفيس ومن يومين رجع الواتس وانا ما حكيت معه ولا شفته من حوالي شهر ومش عارفه شو اعمل كتيير مشتاقتله والصراحه بغض النظر عن فرق العمر انا بحبه كتيير ومو قادره ابعد عنه والمصيبه انه ما بكون مبسوطه غير وهو يحكي معي ولما اشوفه بحس حالي طايره من الفرح بس فيه مصيبه اني انا وياه حاملين ثلاسيميا بس حكينا قبل وهو مو فارقه معه لا العمر ولا الثلاسيميا ولا انا الصراحه كل اللي بدي اياه انه بدي اكون معه وهو ما بقدر يكون معي لانه مو متخرج ولا بشتغل لسا ولا عارف وضعه وخايف ييجيني عريس منيح ويأثر علي انا جد مش عارفه شو اعمل مع انه بعدت عنه حوالي خمس اشهر وما شفته فيهم بس ضل بقلبي ما قدرت اشوف غيره شب ساعدوني احكولي شو اعمل