السؤال

قبل 7 شهر (2 اجابه)
2 اجابه

تورطت في حب فتاة واصبحت حياتي بخطر

أول اشي السلام عليكم ورحمة الله وبركاته مشكلتي متشعبة ومعقدة وهدت حيلي كثير بصراحة انا في البداية شاب عمري 21 سنة طالب جامعي حبيت بنت في منطقتنا واتعلقت فيها كثير وهي كمان بتحبني كثير ومتتعلقة فييه البنت اكتشفت انه عائلتها مش ناس محترمين اخوانها مدمنين مخدرات وزعران وابوها نسونجي البنت عكس عائلتها تماما وانا حبيتها بصدق وقررت انه هي الي راح تكون شريكة حياتي في اقرب وقت لغض النظر عن اهلها انا الي بهمني البنت وبس بعد فترة من علاقتنا وبعد ما كنا متفقين انه انا رح اول ما اخلص جامعتي ادق باب بيتها و اتقدملها رسمي بس الي صار غير هاض تماما البنت ابوها عرف انه بعلاقتنا واخوانها برضه رحت على طول بعتت اهلي لعندهم ع شان نثبت حسن النية و عشان اثبت لابوها انه انا ما كنت اتسلى بي ابوها طبعا رفض الفكرة نهائيا وصدني وهددني كمان بعدنا عن بعض فترة لبين ما تهدى الامور ابوها سافر و الوضع صار امن واستمرينا في علاقتنا وزاد حبنا لبعض رجع ابوها من السفر و مرت فترة قصير واكتشف كمان مرة انه لساتنا بنحكي مع بعض و بلشت المصايب تتراكم بطلت امشي في الشارع مطمن لانه اخوانها بترصدولي مع انه صرت طالب البنت 4 مرات واثبتلهم حسن نيتي بس برضه ما زبط معهم انا حطيت حالي في وضع جدا صعب مش عارف شو اعمل دراستي لسا ما خلصت ومصاريف الجامعة عالية زي ما بتعرفو وبنفس الوقت بدي البنت وبنفس الوقت بطلت احس ب أمان نهائيا شو اعمل انا مش قادر ابعد عنها وبنفس الوقت اذا صار وابوها وافق راح احط حالي في موقف مادي صعب جدا وراح يكون علي حمل كبير انا بجوز مش قده وما رح اقدر عليه شو اعمل لا البعد حل ولا القرب بريح ولا النفسية مرتاحةو انا زي التايه كثر التفكير تعبني وخرب علي دراستي وحياتي كلها شو اعمل يا ريت حد يقدر يساعدني او يقترح علي شو اعمل وشكرا

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

من الواضح انك لا تستطيع الارتباط الان فانت تمر بمرحله دقيقه من حياتك يتوقف عليها مستقبلك كله وان اضعت فرصتك بالتخرج ستندم بعد ذلك كل عمرك. تستطيع ان تتفق مع الفتاه لكي تنتظرك حتى تتخرج وعندما تجد عملا بعد تخرجك يمكنك التقدم لها مجددا. حينها أهلها سينظرون اليك نظره مختلفة ويوافقون على زواجكم كونك أصبحت تملك شهاده ووظيفه. لا تتسرع في الارتباط بهذه الظروف لأنك ستواجه مشاكل كثيره وانتبه الى مستقبلك وان كانت الفتاه تحبك فعلا فستنتظرك.

قبل 7 شهر

الله يعينك بس انت اذا فعلا بتحبها ارجع حاول اكتر من مرة و اثبت لاهلها انك قد المسؤولية و انك بجد تريد البنت ..الله يهديهم يعني اذا بتحبها شو بدهم احسن من هيك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه