السؤال

قبل 7 شهر (3 اجابه)
3 اجابه

احبه ولا امل من هذا الحب

تعرفت على شاب و بلشنا نعجب ببعض صدقا كانت اول مرة بحياتي حدا بلمس ايدي غير امي حبيتو و عشقتو كان حنون طيب ما يمر يوم ما يحكي يسال ازا متدايقة يهون عليي و يخليني اروقو كنا كل اسبوع نلتقي مرة بيوم اجازتو، فجأة بعد تلات اشهر تغير و بطل متل قبل، سالتو ليش هيك صار، اعترفلي انو حب وحدة قبلي كانت كثير سيئة و اذتو كثير و اخر اشي تركها و حلف يمين ما يحب الا لما يكون جاهز للزواج و هو هلا شغلو يا دوب يصرف عليه و صعب يتزوج و ما بدو يظلمني و يخليني اتعلق فيه اكثر و نرجع التنين ننصدم بالواقع و نتدمر، صراحة كان معو حق و انا وافقت و حكيتلو انو لما يكون جاهز اهلا فيك ببيت اهلي بالحلال ، و طلبت منو يروح و يختفي من حياتي خلص، رفض و حكالي انو ما رح يروح الا ازا كان مؤذي الي، مرت الايام و ضلينا على تواصل، زاد حبي الو من موقف لموقف و شو ما احاول اكبت مشاعري تجاهو اضل افشل بس هو يكون اقوى مني، رجعنا شفنا بعض بعد شهور و ما قدرنا نسمك شهوتنا و قبلنا بعض بشكل جنوني كانت اول مرة بحياتي بجرب هيك اشي و بحس بهيك نشوة لكن بعدها ندمنا و بكيت كتير و من وقتها لهل ساعة و انا بستغفر، صار يبعد اكتر و اكتر و كل ما افتح الموضوع يرجع يزكرني انو الزواج قسمة من رب العالمين ما بدنا نغلط و نكرر الي صار و برضو معو حق سالتو ازا لسا عندو مشاعر تجاهي قلي لا و انو بس اكون معو بس بحس تجاهي بالحب اما لما اكون بعيدة ما بتزكرني ولا بشتاقلي، تعبت نفسيتي حاولت امنع حالي حتى اني ارد عليه لما يبعتلي يسأل عني و بكل مرة بفشل، بدعي بسجودي و بقيامي و قعودي بصلي الصلاة على وقتها ما بقطع فرض و التزمت بصلاةالضحى و الوتر و الأدعية و الماثورات على نية انو رب العالمين يغفرلي الزلة و يكتبلي فيه الخير، دعيتلو اكتر ما دعيت لحالي ربي يوسع رزقو و يردلي ياه بالحلال و يكونلي زوج صالح تقي . يرزقنا الذرية. الصالحة، بعمري ما تعاملت مع رجل بصلابتو و قوتو ولا بجمالو ولا بحنانو، كذبت عليه كزا مرة لاني كنت بحاول الفت انتباهو و اكسب اهتمامو لكن حبل الكزب قصير و كنت افشل لكن ما كان يعرف انو كنت بكزب. و هلا تبت و ما عدت اكزب عليه و صفيت نيتي، و استودعتو لرب العالمين عندو ما بتضيع الودائع، حاليا بكمل دراسات عليا بحاول اشغل حالي و ابعد حالي عن الفراغ حتى ما ارجع اكتءب او اغلط او حتى ارتبط او انخطب لحدا تاني بالفترة هاي، بس بين فترة و فترة برجع بشتاق و بلاقيه هو باعتلي يسأل عني. و بوقت احس انو فيه اشي اسالو و يكون عنجد في اشي مدايقو و كان بحاجتي بس ما بدو يحكي، الليلة كنت بختنق مو عارفة ادرس ولا اكتب حرف بعتلو بلحظة جنون و لقيت انو هو كمان تعبان و مكتئب 😔 طولت كثير ، انصحوني او ادعولي دعوة غائب بالفرج

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

مواقف هذا الشاب مذبذبة وغالب الظن انه يتسلى معك لا اكثر ويستغل مشاعرك. كيف يحبك وانت معه وينساك وانت بعيده عنه؟ هذا يدل على انه غير ناضج وغير جاهز لتحمل المسؤولية. انت بتعلقك به تفوتين على نفسك فرصه الارتباط بشخص يليق بك قد يتقدم لك ويكون جاهزا للارتباط. انصحك ان تقطعي علاقتك به فورا وتلتفتي لدراستك واعلمي ان نصيبك سيأتي اليك ان كان هو او غيره لكن في الوقت الحالي انتبهي ان لا تنجرفي في علاقات وهمية ولا تدعيه يستغل طيبتك وقلة خبرتك.

قبل 5 شهر

دا واحد بيستغل طيبتك ولو مواخده بيتسلى بيكى ده بيضحك عليكى اتركيه ولا تقولى عليه اسفه

قبل 7 شهر

لو بيحبك عنجد لازم يدخل البيوت من ابوابها وما يمد ايده على بنات الناس بالحرام. واللي بيحب بصدق مافي شيء بيوقفه لا قلة ذات اليد ولا شيء. الخطبة أو كتب الكتاب ببلاش واللي نيته صادقه بيعيش بكوخ والله بيفتح عليه. ما بيلعب بمشاعر البنات بالحرام وبعدها بيتحجج. أنا برأيي امامك الحل التالي. اقطعيه من حياتك كليا حتى وإن صعب عليك الموضوع في البداية. إن كان صادق هوه لحاله حيدخل من الباب ويطلبك بالحلال عن طريق أهله وإن كان غير هيك بتكوني سديتي باب الشيطان وارتحتي. وأخيرا من ترك شيئا لله عوضه الله خيرا منه.

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه