السؤال

قبل 7 شهر (10 اجابه)
10 اجابه

انا بنت حبيت شاب يرفض علاقه الحب

انا بنت في شب حكالي انه معجب في والشب معي بالجامعة بس انا كنت ارفض وضل بس يحكي معي من باب الصداقة وتقريبا صرنا نعرف كل شي عن بعض والشب بجنن من كل النواحي وشخصيته كتير حلوة وفي كل المواصفات الي بحبها وعلمني كتير شغلات لأنه حدا مثقف وصريح وصادق ومتدين وكان حاكيلي انه كان بحب بنت وخانته والقصة صارلها سنة وصرنا نحكي تقريبا كل يوم واشوفه بالجامعة من بعيد وقعدنا مع بعض بالواقع يمكن تسع مرات والحدا كتير منيح وعيونو لما يحكي معي بلمعو وحسيت حالي بلشت احبه واتعود عليه واتعلق فيه بدون ما احكيله اي شي عن شعوري بس بعد فترة تغير وبطل متل اول وبيوم اجا وحكالي انه ما بدو اي حب مشان ما يرجع يتدمر متل ما تدمر اول مرة حب فيها وخبيت شعوري جواتي وضليت اعامله ع اساس الصحبة وبعد فترة تطاوشت معه واجا حكى معي وصالحني وبعدها بكم يوم اعترفلي انه في شعور جواته الي وهاد الشعور بداية حب وانه لما تغير بهاي الفترة كان خايف يحبني وتزكر كل شي بشع صار معه مع هديك البنت ومرقت فترة وصرنا قراب من بعض اكتر وكان يلمحلي انه يحبني وكنا مبسوطين كتير مع بعض وكل شي تمام وبيوم من الايام اجت بنت حكت معي وكنت بعرف البنت من بعيد لبعيد واكتشفت انها حبيبته الي زمان وتدايقت مع اني ما كنت سألته عن اسمها او مواصفاتها بس كنت احس انه لسا بحس بشي الها لأنه صعب الحب الاول ينتسى وخصوصا ازا كان صادق معها وصارحته اني عرفت وحكالي كل شي واستغرب ليش البنت تفتح الموضوع معي بس بهاي الفترة كنت احسه متدايق وكأنه رجع تزكرها باول كم يوم كنت تاركتيه ع راحته بعدين حكيت رحت وحكيت معه ورجع طبيعي بس انا كنت متغيرة معه لأني مو مستوعبة الموضوع وكنت محتارة وبعدها بأسبوع تغير معي وصرت احاول افهمه من بعيد بدون ما احكي معه لأني كنت احس الموضوع رح يقلل من كبريائي وبعد هيك حكى معي وحكالي انه كان غلطان وانه ما بدو يحب حدا وبدو نرجع صحبة مو اكتر وانه معجب فيي بس من ناحية شخصيتي وهيك شغلات بس ما بدو حب بسبب القصة القديمة وهلأ انا بطلت اعرف اتصرف وبطلت اعرف اتعامل معه وشو لازم اعمل لأني مو عارفة ازا جد حبني بس بدو يخبي حبه والا ما حبني وكان بتوهم وخايفة يحبني مشان ينسى هديك البنت وتروح مشاعري وقلبي واندم والا احاول اهتم فيه وانسيه البنت الي زمان والا اقطع كل علاقتي فيه مع العلم انه حدا بعز علي وما بدي اخسره فحابة مساعدتكم في انه شو لازم اعمل وكيف لازم اتعامل معه وشكرا

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

المسالة تحتاج الى وقت ياعزيزتي. انا ارى تفاهما حلوا بينكما وارى حبا خاءفا مترددا من الطرفين،، والحب الحقيقي يبدا بعد صداقة جيدة وخصوصا كا الامور جيدة بالنسبة للشاب هو كما يقول لك يخشى الحب والصور الذهنية للحب السابق تعذبه رغم انه لا اظن يهواها الان ولكنه بالضبط لا يعرف مشاعره ويخاف ان يبدا من جديد ويصدم من جديد ويفقدك كصديقة. راءي ان تبقى على مبدا الصداقة ليرتاح ولا يحسب ويفكر كثيرا وابقي صديقة محبة مخلصة ولكن قربيه تدريجيا اليك وبعد فترة سيتعلق اكثر وسينسى الالم ووجع الخب ولن يرى الا اللذة والمحبة معك وعندها قد يصارحك وان لم وقتها اطلبي منه ان تكفوا عن بعض لانك تجدين مشاعرك قد تحولت نحوه وفي تلك اللحظة سيدرك انه يحبك ولا يقدر على البعاد عنك حيث اعتاد وارتاح لوجودك في حياته. الشب جيد ويحتاج بعض الصبر والجهد والله الموفق

قبل 7 شهر

بسم الله والصلاة والسلام على رسول الله أختي الفاضلة.. هذا التردد الكثير عند الشاب يوضح مدى عدم إستقراره الداخلي، مما قد يسبب لك مشكلة كبيرة. أعتقد لو ان الفتاة التي كان يحبها، طلبت الرجوع إليه فلن يتردد والله أعلم، وعليه أنتي حالياً مثل الوسيلة، حتى ينسى فيوم يعتبرك صديقة او زميلة ويوم حبيبة ومره اخرى زميلة. أعتقد عليك إتخاذ قرار بالإبتعاد عن حبه وكذلك محاولة التخفيف من التواصل معه ورؤيته، حتى تستطيعين تكملة حياتك. أما إذا رجع واخبرك انه يحبك، فأخبريه اين موقع منزلكم حتى يذهب ويخطبك من أهلك وهذا هو الفيصل. هذا والله أعلم وصل اللهم وسلم وبارك على نبينا محمداً وعلى آله وصحبه وسلم

قبل 3 شهر

دها تعلقت باكثر من فتاه انا شاب احببت فتاه وخانتني والقصة من سنة تقريبا بعديها تعرفت عبنت وبلشت احب شخصيتها واعجبت فيها كثير وبندرس مع بعض بنفس الكلية وبفترة كنت احكيلها اني بحبها بس لما اتذكر الماضي ابعد وفي شغلة بحس اني بحبها بعقلي فقط يعني مواصفاتها مثل ما بدي وشخصيتها حلوة بس قلبي دايما برفضها وفي بنتين ما بعرفهم بس لما اشوفهم من بعيد قلبي بدق وانا حاليا ضايع بين عقلي الي بدو البنت الاولى وقلبي الي بدو البنتين الي عارف اني مستحيل اقدر اوصللهم والي ما بعرف شخصيتهم وكل ما اتذكر اني صعب اوصللهم بنكد وحاليا انا مارق بحالة نكد لا قلبي راضي يحب الاولى ولا عقلي قابل ينساها وانا مش حابب اخسرها بكل الحالات شو ممكن اعمل وشو احسن حل وقرار ؟ احسست ان الشاب الذي تتحدثين عنه هو من كتب هذا النص.هل هاته صدفة؟؟؟؟

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه