السؤال

قبل 7 شهر (14 اجابه)
14 اجابه

تعرفت على شاب استغلالي و اريد ان انساه

انا عندى ١٨سنه هو الموضوع طويل بس بطلب منكوا أنكوا تساعدونى وتنصاحونى لانى بحاجه لمساعدتكم ..انا اتعرفت ع شاب من حوالي سنتين كنّا بنكلم أصدقاء وكدا بس الحال اتغير وقالى بحبك وانتى الإنسانه اللى هكمل حياتى معاها وانا كنت حبيته واتعلقت بيه كنّا كويسين اول سنه وكنت بحس فعلا انه بيحبنى وبيخاف عليا بس بعدها أتعرف عَ بنات من ع الفيس فيهم المتجوزين واللى مش متجوزين وبقى يكلمهم بس كان فيه واحده منهم مجوزه ومطلقه ودى هو كان دايما بيعلقلها ع منشوراتها بكلام حب ولما سألته قالى هى اللى طلبت منى كدا عشان تغيظ جوزها قولتيله ابعد انت ع الطريق دا البنات دى مش كويسين بس هو ماخدش بكلامى بس بدء يقلل من التعليقات وانا صدقته وعديت الموضوع وهو مر عليه شويه ظروف وعمل حادثه وقعد من الشغل وبدء يشتكى ويقول اهلى وحشين معايا ورميين طوبتى المهم قاعدت أقوله دول اهلك قرب منهم واعرف ايه اللى مضيقم منك وصلح منه قالى ريحى نفسك عندك كلمه حلوه قوليها معندكيش اسكتى قالى دا انا ماضى ع نفسى شيك ب١٠٠٠ج وهتسجن ومش معايا فلوس وكان زعلان صعب عليا وقلت لو انا بداله أكيد هيقف جنبى وقولتيله متزعلش نفسك وبعتيله الفلوس وكل مره يعيد نفس الموقف يقولى سالف فلوس من صاحبى ومصاريف الجامعه وانا بقيت أديله فلوس أساعده ولما بقيت احتاجه وأقوله انا تعبانه وزهقانه يقولى ايه الجديد ما انتى طول عمرك تعبانه أقوله ماشى اسمعنى سبنى افضفض يقولى انا ممكن اسمعلك اللى انتى بتقوليه ومره واحده اتغير من نحيتى خالص انتى دايما عايشه دور المظلومه (مع العلم انى عايشه حاله نفسيه بسبب ان بابا بيسافر ومش أخده عليه بحس بنقص فيمكن عشان كدا اتعلقت بيه ومش قادره ابعد عنه ) وهو من يومين كلمينى وقالى انا عايزك ف حاجه قولتيله خير قالى انا عايز ٣٠٠ج سلف مع انه اصلا مرجعش الفلوس اللى هو أخدها قولتيله والله انا مش معايا دلوقتى بس هحاول اصرف قالى خلاص خلاص وقام قافل ف وشى انا مش مصدقه انه ممكن يكون ولد مش كويس لانه حافظ القرأن ويخطب بالناس ف الصلاه معقول يكون كدا وبعدها حصل حاجه غريبه انا اتعرفت ع اخته ع الفيس وكلمتها عادى ومتعرفش انا مين وكنت بحكيله وانا مبسوطة اتلقيته بيقولى مين قالك كلميها ملكيش دعوه بأى حد من طرفي قولتيله ليه انا عشان حبيتك حبيت أتعرف ع حد من اهلك قرايبك قالى انتى عايزه تقرفيهم وتوجعى دماغهم زى ما وجعه دماغى قلتى أسله ع حد من أهله انا ساعتها اتجنيت من كلامه مكنتش مصدقه انه هو مكنتش عارفه أرد أقول ايه قولتيله انا عارفه ناس لما بيحبوا بعض هو بيعرفها ع أهله قالى الكلام دا لما يكون هتشرفه قدام أهله اما انا بصراحه متشرفش بيكى قدام اهلى مع انى كويسه مش وحشه انا ف ٣ثانوى ومتفوقة ف دراستى وكل الناس بتحترمنى عشان عارفه اخلاقى قالى ما انا لو عارف انك مش كويسه وأخلاقك مش حلوه مكنتش كلمتك قولتيله اومال ليه بتقول كدا قالى انتى متعرفيش تكلمى ولا تتصرفى كلامك متكرر مع ان انا هكلمه ف ايه يعنى دا حتى مش خطيبى ولا حاجه ازيك وأخبارك ويحكى عن يومه وبس ووقفت جنبه كتير واتلقيته بيقول انا كنت اعرف بنات من كلمه آلو بحس بحب وحنيه انا ف الثانوية وقولتيله لو بزعلك فأنا أسفه بس خليك جنبى لان الامتحانات قربت والثانوية دى بتبقا ضغط ونفسيه لانها كمان اخر سنه وهى اللى بتحدد المصير قالى انتى مش فالحه وبيهبط فيا انا عايزه اعرف هو دا حبنى اصلا ولا لا ليه عمل كدا وهو إنسان كويس لما قبل الفلوس ولا لا انا واللى عايزه ابعد عنه نهائي لانى بصراحه بحس بالذنب عشان بكلم ولد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

انا حاسة بك وبزعلك على الوقت والجهد والمال الذي بذلتيه في هذه العلاقة. صعب جدا ان تعرفي وتواجهي فكرة ان هذا الشخص لا يبادلك الحب والاهتمام بالطريقة التي تُحبين. انت وقفت معه بشتى الطرق اعطيتيه الدعم النفسي باستماعك وتقبلك وتعاطفك معه والدعم المالي الذي لم يتوقف. اي علاقة يجب ان تقوم على مبدأ الأخذ والعطاء. الأخذ بدون عطاء غير صحيح وغير مقبول. فهذا الشخص تعود على الأخذ منك بدون ان يعطي لهده العلاقة اي اهتمام او رعاية او حتى مجرد الاستماع لك وما يدور في حياتك. انصحك ان تنهي علاقتك به. وان تعرفي قدرك وقيمتك واهميتك وأنك انسانه معطاءة ومحبة. حافظي على هذه الصفات الجميلة ولكن كوني ذكبة في اختيارك المرة القادمة وتذكري ان العلاقة يجب ان تقوم على مبدأ الأخذ والعطاء. اهتمي بدروسك وأعطها الأهمية والأولوية لمستقبلك الان هو الان اهم من اي شي اخر.

قبل 7 شهر

انتي اللي رخصتي نفسك لشخص مثلة وربنا هيجزية في اختة اللي عملة فيكي ابتعدي عنة فورا وعوضك علي الله في فلوسك وشوفي مستقبلك لان نضوجك الحالي سن مرهقة ولسة بعدين هتعرفي معني اللي بيحبك بعد نضوجك الفكري وبلاش تخسري نفسك وتقربي الي الله وصلي الاستخارة هتلاقي انة انتهازي وبيضحك عليكي -تحياتي -البرنس

قبل 7 شهر

اسمعى اقفلى صفحة الفيس دى نهائيا وانتبهى لدراستك بلا كلام فاضى بلاحب بلا نيله حب ايه وانتى فى هذا العمر وهذه المرحله من الدراسه انتى الان مراهقه لاتدركين ماتفعلين كل كلامك يعيبك ابعدى عن تعارف النت

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه