السؤال

قبل 7 شهر (1 اجابه)
1 اجابه

محتارة بكل مواضيع حياتي و رغباتي متغيرة !

انا فتاة محتارة بكل مواضيع حياتي ما بعرف مشاعري اتجاه اي شي احيانا بكون عندي رغبة اعمل شغلة بعد فترة قليلة وممكن تكون اقل من ساعة ببطل عندي هاي الرغبة، في شب احيانا بحس اني بحبه واحيانا لا نفسي اعرف شعوري اتجاه كل شي اعرف شو بدي بالزبط اعرف شو لازم اعمل، قبل فترة الشب راح لأسباب شخصية بتتعلق بمشاعره كمان ، عندي خربطة كبيرة مو عارفة انا بحبه او لا والا انا بس بحب اهتمامه الي كان موجود ويعطيني اياه والا بس بحب تفكيره وشخصيته لأنها بتتماشى معي احيانا بحس اني بحبه حب كبير واحيانا لا مش عارفة هاي الشغلات الها علاقة بتصرفاته والا شي بخصني انا من جوا ، احيانا بفكر انه لو بحبني ما راح واحيانا بحكي انه بحبني بس كمان بخاف لأنه علاقتنا كانت كتير قوية ومنيحة بس الشب كان يحب بنت وخانته ولما عرفته كان صارله سنة ما بحكي معها وبعد فترة لما عرفت بالقصة فتحت الموضوع معه وكان قبلها بكم يوم حاكيلي انه بحبني وبعدها كل شي بحياتنا تخربط صار دايما يخربطني بكلامه مرة بحسسني انه بحبني ومرة لا وانا اصلا عندي هالخربطة من قبل ولما صار هيك صرت اتخربط بزيادة ومن اسبوع ما حكينا لأنه حكالي انه حاب يقعد فترة مع حاله بس ما بده يخسرني واني بهمه كتير وانا هلأ مو عارفة شو قيمتي عنده ومرات بحس اني بدي يرجع يحكي معي واحبه ومرات بحس انه لا، شو لازم اعمل ؟ كيف بدي اعرف مشاعري ؟ كيف بدي اتخلص من هالحيرة والخربطة ؟ كيف بدي اتخلص من افكاري السيئة ؟ كيف لازم اتصرف ؟ مشان الله حدا يساعدني :(

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

قبل 7 شهر

بسم الله والصلاة والسلام على رسول الله أختي الفاضلة.. تقولين مشان الله حدا يساعدني!! إين انتي من علاقتك بالله، نعم هل انتي محافظة على عباداتك ، لانها مهمة في حياتنا لانه العبادات هي التي تضبط لنا طريق الحياة اليومية التي نعيشها وهي منهجنا في الحياة، فمن لا منهج له كيف يعيش؟؟ ومع كل إحترامي إنن لا أقول بأنك لا تؤدينها ولكن كيف تؤدينها جسديا ام روحيا؟ كما ذكرنا من لا منهج له طبعا يعيش متخبطاً لا يعرف إي إتجاه يسلك، يمين ام يسار وان سلك احداهما، بعد فترة يتراجع ولا يكمل الطريق، ما هو الهدف الذي تريدينه؟ هل وضعتي لنفسك هدف محدد سواء من الناحية العلمية أو الإجتماعية؟ أختي الفاضلة.. من العادة إذا الشاب كان على علاقة سابقة مع فتاة وانقطعت هذه العلاقة، وبعد فترة عادت له الفتاة، وإن كان على علاقة بفتاة جديدة، طبعا يخبرها التالي ( إنني احتاج لوقت للتفكير، انا احبك ولا أريد ان اخسرك، أنتي مهمة بالنسبة لي، لا أستطيع العيش من دونك) ومن هذا الموال والذي اعتبره مهدئات لا أكثر, وعليه تأكدي لو الفتاة التي كان يحبها اعادت نفس الموضوع وتركته سيعود لك او لفتاة اخرى وإن عادت له سيقطع أي علاقة ويعود لها وهكذا. أختي.. الأمر بسيط ولا يحتاج كل هذا التعب والتفكير، يجب ان نحلل المشكلة ومن ثم نحلها. أولا مشكلتك الأساسية والله أعلم إلتزامك بعباداتك وهناك فرق بان تؤديها كعبادة وليست عادة. وتأكدي متى ما إلتزمتي بها كعبادة فستحل المشكلة الرئيسية وما بعدها ستحل المشاكل الفرعية بطريقة سلسة لانها مرتبطة بالمشكلة الأولى. لا بد من التركيز على دراستك او عملك وضعي اهداف لتطوير ذاتك وعندها لن تجدي متسع من الوقت للشاب او لغيره من الذين يمارسون هواياتهم مع الفتيات. حفظكم الله ووفقكم

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه