السؤال

قبل 6 شهر (6 اجابه)
6 اجابه

تعرفت على شب بطريق الصدفه و بعد ذلك !!!

السلام عليكم ..بدي احكي عن مشكلتي الي استمرت 10 سنوات...تعرفت على شب بطريق الصدفه أكبر مني ب 9 سنوات حبينا بعض كثير وعلاقتها كانت حلوة لحد ما دخلت أنا الجامعه بلشت المشاكل وصار يحكيلي أنا حطيتك ع أول الطريق الصح وشوفي مستقبلك..كنا نترك ونرجع لبعض بسبب مشاكل تافهة..استمرت العلاقة وتخرجت من الجامعه وصار وقت الجد الي هو الزواج...ولما فتحت الموضوع صار يأجل فيه ويخلق اعذار برغم انه الشب اخلاقه عاليه وكان محافظ علي جدااااا... كان سببه الرئيسي أنه أهله دقة قديمة وما بزوجوه وحدة بحبها...إلا هما يختاروله زواج تقليدي يعني...أنا بعد الصبر الطويل اخترت اني أبعد عنه واشوف حياتي لأنه ما في أمل نكون مع بعض..تركت وضل هو كل فترة يبعت يطمن علي ومتل دائما بفكر أنه نتخانق ونرجع...في الفترة الي بعدت عنه اشتغلت بوظيفة وعرفني شب قدي بالعمر صار يهتم فيا وتعلق فيا وحبني كتير وخبر أهله عني وحاليا هو خطيبي... لما عرف الشب الي حبيته اني خطبت حاول يدخل حياتي من جديد وخلاني اعمل مشاكل مع خطيبي وبرغم هيك خطيبي حافظ على وحاول ما نخسر بعض...إلا أنه وصلت للطلاق... والشب الي كنت احبه صار بده ا ترك خطيبي وبده يتقدم لخطبتي هو بس بده استنى لحد ما يقنع اهله فيا لأنه عن حب ومن مبدأ مثل ما عرفتك بتعرف غيرك أنا هون تعبت نفسيتي وكرهت كل اشي بالدنيا حتى اهلي ما بحكي معهم ... بعد هيك خطيبي ما تركني بحالي وحاول يرجعني كثير لأنه بحبني أنا رجعتله والامور مشيت... والشب الي حبيته خطب على اختيار أمه وخواته الي رفضوني رفض كلي وهو حاليا مبسوط كتير وخبرني أنه خطب وفرحان وأنه فعليا بنت بتنسي بنت وأنه الدنيا نصيب..وأنا مش قادرة اسامحه وبحتسب فيه رب العالمين مع كل وقت اذان وليل نهار ما بقول غير حسبي الله ونعم الوكيل فيه وفي أهله..

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

قبل 6 شهر

بسم الله والصلاة والسلام على رسول الله أختي الفاضلة.. الحمد لله رب العالمين انه في النهاية انك بقيت مع خطيبك الذي احبك فعلا وتمسك بك. أما الشاب الآخر واهله من الدقة القديمة فأيضاً هو تزوج وفرح بما كتبه الله له، وهذا يعني في النهاية ان كل شخص أستقر ولله الحمد، فقط قولي الحمد لله رب العالمين، ولا تنسين انه كما قلتي انه حافظ عليك طوال 9 سنوات. أختي.. ما حدث فقد إنتهى وعليك بالإهتمام بحياتك وترتيب امورك عليك بالفرحه والإستمتاع بحياة الزوجية المقبله عليها إن شاء الله. ولا تنسين الدعاء لهم ولكم ولنا. حفظكم الله ووفقكم

قبل 6 شهر

عفكرة هوة لما حكالك بنت بتنسي بنت هوة كزاب وهوة كان بدو يخليكي تتركي خطيبك عشان غروره ماسمحله انو انتي تتركيه وتخطبي بس بعد ماتركتي هوة خطب ماشي خطب بس هوة مو مبسوط معاها وانا متاكدة من هالشي هوة بس بدو يردلك اياها مو اكتر وهوة عمرو ماحينساكي بس انت حافظي علی خطيبك الي بحبك وانسي وعيشي حياتك

قبل 6 شهر

اختي فوضي امرك لله وانسي ما حدث وابدئي مع خطيبك الانسان المحترم وعوضيه فتره المشاكل لانك اخطاتي بحقه بتفكيرك بشخص اناني ضيع من عمرك سنين ماتبصي للماضي وتفائلي بالمستقبل اللي ربنا هيعوضك به

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه