السؤال

قبل 4 شهر (14 اجابه)
14 اجابه

صدمتي بحقيقه الانسان الذي احببته كبيره !

السلام عليكم...ممكن اطرح مشكلتي وتساعدوني فيها بالنصح والارشاد لو سمحتم. مو عارفة من وين ابلش... بس اليوم بصيرلي 10 اشهر فاسخة خطبتي ..مش مشكلتي بالتاريخ مشكلتي هي النسيان واني افتح صفحة جديدة بحياتي واني انسى اللي صار بكل تفاصيله ووجعو .. عمري تلاتين وخطبتنا تمت تقريبا لشهر وتركته قبل كتب كتابي وحفلة الخطبة بساعات وكنت مجهزة كل شي وبستنى بهال يوم الي سنين او اصح مجهزين ومرتبين مع بعض كل شي...متفقين لابعد حد وما عمرنا اختلفنا وحياتي معاه بنيتها عالصراحة والصدق من اول يوم وما شفت منه الا كل خير بعلاقتنا... بس كلام الناس عليه والتشهير به بسمعتو واخلاقو وامور كتير بتوجع عرفوها اهلي عنه وعن ناس ثقة عقولهم انصدمت بالشي اللي سمعتو كنت بين نارين داخلة عشي مجهول والله اعلم اذا صح او لا ..كنت بموقف صعب لا احسد عليه ما قدرت اوقف بوجه اهلي واعاندهم وما قدرت اكذب اللي بسمعو لانها صدمة عمري كانت وليش يضحك علي وانا كنت صريحة معاه بكل شي يشهد الله... و صدمتي هاي شلتني وانا بيني وبين فرحة عمري ساعات..صراحة ما قدرت اصدق اللي بسمعو اولها .. النتيجة استخرت وضحيت بفرحتي عشان ما اخسر اهلي اللي هم سندي بالدنيا واجيب سمعة سيئة لهم زي ما صار ينحكى... خطيبي اعتبرني بعتو ..انا ما شفت منو اذية واحنا خاطبين بعترف بالعكس كان بدو كل شي يتم بسرعة ودايما يسمعني اني اغلى شي بحياتو... اذيتو بعدها صعبه كتير ما ترك شي الا اهاني فيه واهان اهلي واقرب الناس الي...نفسيتي تعبت وسمعت حكي كتير عكس كلام كتير كان يحكيه الي ..ببساطة انخدعت واناذيت وانجرحت! ..الحمد لله مؤمنة انو ابتلاء ويشهد الله اني ما اذيته ولا اهلي اذوه بشي الواحد بعمل باصلو واخلاقو وانا حكيتلو قبل دوّر عالناس اللي اذوك وما بريدولك الخير وحسبي الله باللي كان السبب...بس انا حاليا مو قادرة انسى هالوجع من جوة بالعكس بتذكرو كل يوم وببكي كل يوم لانه صعب تكون باني احلام بالسما وكل شي فجاة بين يوم وليلة يروح وبضلني الله يهديني افتح الذكريات القديمة واقرا محادثات الواتس وكل شي بذكرني فيه لغاية هلا ! وبترجع نفسيتي تسوء اكتر من الاول ..عارفة انو الماضي ما حيرجع ولا شي بيوم حيتصلح بس.. مو قادرة اقتنع معقول اللي بحب وبعشق حد ممكن ياذيه ويكرهو كل هالقد ..ليه؟ صدمتي بحقيقه الانسان الذي حبيتو كبيره واللي ما كنت اقتنع برفض اهلي له لانه اتقدملي اكتر من 3 مرات قبل ما اهلي يقتنعو فيه وما اقتنعو فيه الا بعد ما واجهوه وقعدت 6 اشهر لغاية ما اعطوه الموافقة وقراو الفاتحة اللي ما دامت شهر.. بس لمحة عن الخطيب عمره اربعين سبق له الزواج لمدة شهر من انسانه عقولو خدعتو بمرضها واخفاء هالحقيقة عنه ..مع انه بعد ما تركت كتير ناس اكدو انه قصتو كلها كذب وتاليف من عندو وظلم البنت اللي تزوجها ..وضعو المادي والاجتماعي ممتاز وحاجج بيت الله...انسان عليه علامات استفهام هو انكر كل شي وبحكي انه اذيه من طليقتو السابقة وانها ضريبة شهرة ونجاح وناس غيرانين منه...ما قدرت بنفسي اتبين من اي شك.. كله حكي ناس ثقة وصل لاهلي وكانت السبب بالانفصال.

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

عزيزتي، اشعر بحزنك وضيقك وخيبة املك وأتفهم ذلك تماما لكني صراحة شعرت بارتياح لانفصالك عن هذا الشاب. حسن فعلت باتباع نصيحة اهلك فلا احد في الدنيا يريد مصلحتك ويحبك مثلهم. هناك عدة أمور تثير الرييه في هذا الشخص، طلاقه بعد شهر بسبب غير مقنع، اجماع عدة آراء لناس تقولين انهم ثقة على اخلاقه وسمعته، وأخيرا طلبه تعجيل الخطبة وكتب الكتاب يدل على محاولته اخفاء شيى لا يريدك ان تكتشفيه انت واهلك الا وانت عالقة معه! احمدي الله كثيرا على انك نجوت منه. لا تنغري بالاحلام والكلام المعسول وشهرته وغيره، فقد تكون ستارا لأمور سيئه. نصيحتي لك ان تعتبريها تجربة انقضت وتعلمي منها درسا في الا تعطي ثقتك لأي كان او بسهوله. امحي كل رسائل الواتساب وتخلصي من كل الذكريات بكل اشكالها. اشغلي نفسك كثيرا بالعمل ومع اهلك وصديقاتك ومارسي الرياضة واعقدي العزم على فتح صفحة جديدة في حياتك وستجدين نفسك مرتاحة وقد تغلبت على هذه التجربة. قد يكون بانتظارك نصيب افضل بكثير فاحسني الظن بالله ولا بد ان يعوضك خيرا باذنه تعالى.

4 شهر

شكرا دكتورة عالرد ..هاد الكلام اللي بحاول اقنع نفسي فيه الي اشهر...بس فيه نقطتين كتير ماخدين حيز من تفكيري خوفي اني اكون ظلمتو انا واهلي برغم الاذية الكبيرة وتفاصيل كتير ما ذكرتها احتراما للعشرة اللي كانت بينا لانو ردة فعلو كانت هجومية وعدوانية بشكل..فهالموضوع مسببلي هاجس كبير ...والنقطة التانية ثقتي باي انسان جديد مهزوزة لما اسمع فيه عريس جديد برفض اقابل اي حد خوفا من تكرار هالتجربة برغم انو ربنا فتح علي الحمد لله هالسنة كتير بحياتي وشغلي واتقدمت فيهم كتير بس هالموضوع هاد مش قادرة انساه واطوي هالصفحة بحياتي للابد...


قبل 4 شهر

أنتي مكبره الامور في الوقت اللي لازم تحمدي الله اللي أنقذك منه ...شخص عمره 40 صاحب خبره وممثل مراوغ وبمجرد ان إنفصلتوا ظهر على حقيقته فأخذ يشتم ويسب --أزيلي كل شيء بذكرك فيه وأبدأئي صفحه جديده في حياتك --طيب إنتي ما بتعرفي إنه نسبة الطلاق في الاردن 32% وفي مصر والسعوديه تتجاوز النسبه 38% فلماذا تنزعجين وثلث النساء يعانين

قبل 4 شهر

انت اعملتي الصح واكسبتي حالك واهلك ...لا تندمي

4 شهر

يارب ان شا الله..اللهم رضني بقضائك وعوضني خير


المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه