السؤال

قبل 3 شهر (10 اجابه)
10 اجابه

علاقة على الفيس بوك دمرتلي حياتي !

السلام عليكم مشكلتي اتعبتني كتير وهي بدات من كان عمري 18 سنة في هاي الفترة والدي اتوفى واتاثرت كتير واجلت دراستي ولكن لاكملها بتفوق وما انه ما كان عندي شي فكنت كتير استخدم الفيس بوك وهاد الحكي قبل 4 سنين بالزبط وفي مره شب بعتلي طلب صداقه وبصراحه انا كنت معجبه فيه كتير لانه كنا بنفس الجروب بس انا كنت مقتنعه انه الحب غلط وحرام ولما انا اعجبت تركت حبه في دعاء وكنت كل صلاة ادعيله والله يرزقني اياه لانه اهلي كانوا ابعد الناس عني واحنا عايشين في نفس البيت والارتباط كان هو املي بالكون كله وكنت مجتهده كتير وبس علشان اكون احسن وحده في عيون الي رح ارتبط فيه وكتيييييير تعبت على حالي ولكن وفاة والدي خلتني اترك دراستي والله لظروف اصعب من انه اتحملها والمشاكل الي صارت وهاد الشب بس بعتلي طلب صداقه وافقت عليه لاول مره بحياتي وبنفس اللحظه حسيت انه مستحيل اتصرف متل هيك تصرف وعلى طوووووول لغيت طلب الصداقه وحكيت لاني( بخاف الله ) وكنت بشوفه احسن شب وأدب شب وفي اللحظه الي لغيت الطلب هو كان اون لاين وشافني لما ضفته وحذفته وهو كتير اتضايق وحقد علي للاسف وصار يعمل صفحات ويحكي معي وفي مره حكيت وين انا ساكنه وهو وصل لبيتي مع انه والله العظيم وصفت بيتي بدون ما انتبه وهو صار يجي على مكان سكني وكل يوم اشوفه كان قلبي يتقطع مع العلم هو ساكن 80 كيلو عن منطقتي بس انا كنت حزينه كتير انه معقول من الحقد يجي لعند بيتي بس علشان يعلقني فيه وفي اللحظه الي اشوفه فيها شي يحكيلي( اجى لحتى يروح ) وهيك ضل اكتر من 5 اشهر على الحاله كل يوم اشوفه وانا كبنت ما بقدر ابادر في الاول وفي مره حبيت اتاكد انه هو بحبني وله بس بده ينتقم مني عملت حساب باسم تاني وحكيت معه وهو على طول طلب الرقم انا استغربت يعني ازا بتيجي لعندي وبنفس الوقت بدك تحب وتحكي مع اي بنت يعني هاد مو حب وانااا كتير تعبت لانه عمري ما اذيت حدا وبس غلطت غلطه صغيره واجى بده ينتقم مني 😔😔😔 والله كنت كل يوم ادعي ربنا يبعتلي ياه قبل كل هاد المهم قررت ابعده عني على الاخر اعملت حساب تاني وحكيتله انت معجب في بنت او بتحبها حكى لا وسألته عن منطقتي ازا بيجي عليها فحكى لا وبكل كبرياااااااء 😔😔 والسيارة الي دايما بيجي فيها بس غيرهااا وصار يجي بسيارة تانيه وانا هووون خلصت كنت بموت من الحزن يعني هو بحبني وانا بحبه بس مو قادر يتنازل والله هو املي الوحييييد فهالدنيا وكنت اشوفه وما اطلع عليه لانه هو هيك بده وضل فتره على هالموال وبعدين صار يجي مع صاحبه وبرضوا اعمل حالي مو شايفه وانا من جواتي بحترق وقدر يجيب رقمي وللاسف وزع رقمي او هو كان عندوا اكتر من خط الله اعلم وانا زعلت كتييييير والله ما شفت حدا قبله ولا شفت حدا بعده لهاد الوقت وصار يغلط ويسب على اساااااس انه مو هو واناااااا صبرت كتير لا قادر احكي لاهلي ولا قادره اواجه لانه هو جبان وخيبلي املي بالكون كله ولا قدر يوقف في وجهي لو للحظه وحده وبعد مشكلة الرقم هو عايش على انه مو الغلطان ولا اعتذر ولا شي وكان في حساب تاني اله ميت من الحزن والفراق تعبه وبس الحساب الي انا بعرفه يعمل حاله مو فارقه معه وهو هلا بنتقل من بنت لبنت وخرب سمعته وسمعت اهله وبضل ينزل صور بناااااات يعني على اساس انه مو فارق معه شي وانااااا تعبت نفسي انسى الي صااار نفسي ارجع اثق بحدا والله عمري بعدي والله تعبانه يعني لما يكون هو اول حدا بحياتي وهيك يتصرف ولا انا عارفه اقتنع في فكرة الارتباط كلها ولا عارف ادرس واجتهد في دراستي في جامعتي متل زماااان لانه ما عندي امل بشي لا ماضي ولا حاضر ولا حتى حب وارتباط بالمستقبل بعرف انه الله كريم وبعرف العوض من رب العالمين بس والله تغيرت كتير للاسوء والمشكله عندي انه لازم اجتهد وامن نفسي بنفسي لانه للاسف اهلي ولا بعرفوا عني شي وحااااولت اتقرب منهم بس للاسف قلوبهم اقسى من الحجر وشكرا الكم .

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

كلامك يدل على انك بحاجة كبيرة للخبرة في التعامل مع الناس وكشف نواياهم وعدم التعرض للاستغلال من اي احد. هذا الشاب يتسلى لا اكثر، يتنقل من بنت لأخرى في الوقت ذاته، لقد اخطأت في أسلوبك معه وأخضعت نفسك لارادته وهو استغل سذاجتك تماما. اقطعي علاقتك به تماما دون رجعة او اي ندم، هكذا علاقة اخرها الندم والخسارة لك فكوني واعية. عزيزتي، انت بحاجة لأمرين، ينقصك حنان وعطف وتفاعل مع اخرين، عائلتك هي المصدر الطبيعي والامين لذلك. ربما عشتم ظروفا صعبه بعد وفاة الوالد فشاع جو من التوتر في البيت، لا تيأسي وتقربي مرارا وتكرار من اهلك وقوي علاقتك بهم. ابدئي بوالدتك وافتحي لها قلبك، قد تكون انشغلت عنك بعد ان كثرت مسؤولياتها بعد وفاة الوالد، كوني الصديقة والمعينة لها وستسعدين وترتاحين بقربها. اجعلي دراستك هدفك الرئيسي، الشهادة الجامعية مفتاحك للنجاح في كثير من جوانب الحياة، ركزي على الدراسة وتطوير خبراتك ومهاراتك وصقل شخصيتك، حينها لن تقعي فريسة لشاب طائش لا يريد غير التسلية. لا تحزني على مافات بل اعتبري وتعلمي حتى تحسني اختيار شريكك في المستقبل والله الموفق.

قبل 3 شهر

انا كدلك احببت شخصا عن طريق الفيسبوك يااختي و للاسف ندمت كتير لاني تعلقت به و لم اجني سوى الشوك من هده العلاقة لقد اخطأت في حق نفسي عندما احببته و عندما تنازلت عن كرامتي من اجله لقد جرحني و شريت من كأس الالم اياااااك اختي ان تدخلي في علاقة معه اياك تم اياك ﻻ اريدك ان تقعين في نفس ماوقعت فيه لانه وهمني بحبه الزائف عودي لربك قبل فوات الاوان وتتعلقين به و يصعب عليك تركه كما حدث معي انت الان في بداية حبك وتعلقك به ارجعي وﻻ تفكرين به انسيه كلهم ذئاب بشرية.

قبل 3 شهر

يعني ليش معلقة حياتك فيه ؟ مين هو ؟ وشو عملك ؟ انتي معيشة نفسك بأوهام حبه ؟ فينك تتخلصي منها بلمح البصر ؟ شو صار بينكم مشان تتعلقي فيه هيك ؟؟ و ليش حتى يأثر على مستقبلك ؟ كله بعقلك تقدري تتخلصي منه بثواني

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه