السؤال

قبل 4 شهر (3 اجابه)
3 اجابه

سعادتي اقترنت به

صباح الخير راح احكيلكون مشكلتي ببساطه انا بنت متفوقه بدراستي ودائما لحالي وبعمري ما حبيت ولا كان الي صديقات لانه عندي ازمة ثقه وشخصيتي الضعيفه وبعرفش احكي مع الناس لانه من البيت او الجامعه وهكذا ..وتولدت عندي فكرت اني عايشه هباء منثورا وهذا ما يبرر محاولاتي الانتحاريه وتفكيري الدائم بالانتحار ... ولو الله اعطى هاي الروح لحدا غيري يستفيد منها لانه انا ولا شي صفر ع الشمال ومش عامله شيء عايشه بلا هدف ... . واجا الوقت وتعرفت ع شاب عن طريق الفيسبوك واخرجني من عزلتي وقربني لله وغيرني كثير ... ومع العلم اننا لا نتحدث الا كتابيا ولانني لا اثق به ... ولن اسمح بغير هذا وع اية حال بطرح علي سؤال دائما متى راح نخلي علاقتنا ترى النور ورسميه من هاد الحكي وان البدو برضوش بالحرام وهيك شغلات ؟زمان كنت بدي بس لاخلص من جو عائلتي يلي كله قوانين وعصبيه ومشاككل وتعليم وبس ... انا لما قبلت ادخل هاي العلاقه دخلتها مش تسلاي بس كنت حابه احس انه في حدا يحبني في حدا داعمني روحيا في حدا يعيشني بدون قوانين وتزمت وعصبيه يعني يخليني اعيش مثل ما بدي يفكر بما افكر فيه بيقراء افكاري بحس في وهاد يلي لقيته عنده ... ويمكن هاد غلطته لانه دائما يعطيني زمام هاي العلاقه مع انه اكبر مني بس لاني متعلمه وهو لا ومن نقاشاتنا الثقافيه والسياسيه اشعرني بهاد الشيء ... كثير حكتله لازم نترك لانه والدي مش راح يقبل فيك وبرد علي بعمل اي شيء وبخلي ابوكي يرضى في واذا بده ادرس بدرس ... وبرجع بحكيلوا ضميري بأنبني لانني اعلم ان ابي مش راح يرضى فيك مع العلم اني حكيت لاهلي عنه وبابا حكالي خليه يجي بس انا كذبت عليه لانه عندي عقده من الرجال وبعرفش اتعامل معه لو شفته وجها لوجه يعني لما اكتبله بطلع ثرثاره بس اذا لقيته وجها لوجه مش راح يصدق انه انا يلي كنت بكتبله طول هالسنتين ...مستحيل ارتبط لا فيه ولا في غيره( وانا كنت دائما ابحث عن مبرر حتى ما اتزوج وكان هو رأس الخيط لانه استحاله ارتبط فشخص لا اكن له ادنى مشاعر الحب والاحترام ولا اعلم هل سألتقي معه بالفكر ) وانا بعرف قلبي لشخص ثاني هيك بكون خنت حالي وخاينه للسنتين وللوعود يلي قطعتهم .... واقسم انه مش راح يرتبط الا في وحرم كل البنات عليه ... بس بمجرد ما اتركه بتبلش المصايب معي يعني الخلاصه سعادتي اقترنت به يعني هو كرت الحظ وكرت السعاده اذا بتركه بغرق بالوحده والكآبه اكثر ... وانا بديش ارتبط في حدا وكثير ضميري بأنبني وبدي اتركه وكمان بحاول اقنع قلبي وعقلي بضرورة تركه بس في عندهم مبررات بتموتني

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

لا تهربي من اهلك بالزواج من اي شخص لست مقتنعه به ، لا تظني ان الزواج ليس له قيود وقوانين ، ربما الان يسهل لك كل شيء ويوافقك على كل ما تقولينه ولكن عندما تتزوجين سيتغير كل ذلك ، كونه غير متعلم سيشكل حاجزا فيما بعد بينكما فقد تكبر الهاويه وقد يخف إعجابك به عندما ترين انه يعطيك دائما زمام الأمور . الحل الأمثل هو ان تتشجعي وتسمحي له بالتقدم لك لتدرسيه عن كثب. طبعا هناك فرق بين المراسلة على النت والتعامل الشخصي ، ثقي بنفسك بما انك تحبينه وحاولي و لن تخسري شيئا . والدك موافق ان يتقدم لك فلماذا تتركيه من دون ان تعطي نفسك فرصه . لا تدعي الفرصه تمر امام عينيك دون ان تستغليها ، كوني ايجابيه ولا تغلقي كل أبواب الامل في وجهك . تفاءلي واحبي الحياه وانظري حولك ، انت فتاه متعلمه تملك الكثير ، اهل يحبونها وشاب متعلق بها ، لماذا هذه الأفكار السوداويه . حسني علاقتك بأهلك واحبيهم فهم نعمه من عند الله. تسمينه "كرت السعاده وكرت الحظ " فهل هناك من يتخلى عن السعاده والحظ . عقلك وقلبك ياتمرون بارادتك، اعقدي النيه على تغيير حياتك للافضل ولا تخافي من رده فعله وسيكون لديك متسع من الوقت اثناء الخطوبة لتدرسيه ويدرسك جيدا .

قبل 4 شهر

بما انه سعادتك اقترنت به و ما بتفكري بحدا غيره اذا انت بتحبيه لدرجة كبيرة و مستحيل تتقبلي اي رجل غيره ..اتركي مجال لعواطفك تتحكم فيك و لا تفكري بعقلك كثييير لانه انت عندك عقدة من الرجال و هذا رح يمنعك تتقبلي اي شخص

قبل 4 شهر

يعني انت انسانة سلبية على الاخر اذا فعلا بتحبيه و اهلك موافقين عليه ليش تصرفتي بهذه الطريقة ؟ ؟ راجعي نفسك و فكري بعقل يعني اذا الانسان منيح و محترم توكلي على الله ولا تفكري بطريقة تشاؤم

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه