السؤال

قبل 7 شهر (7 اجابه)
7 اجابه

اريد الارتباط بها ولكن اهلها ..

أنا شاب الحمد لله ناجح ف دراستى و شغلى و شغال وظيفة كويسة و أخلاقى الحمد لله كويسه بس كان عندى مشكلة و تابعت مع الدكاتره و عرفت أن فيه أحتمال كبير مخلفش الحمد لله طبعا بس سألت دكاترة متخصصة و قالولى فيه أمل و أن فيه عمليه ممكن تعملها و ربنا يكرمك. المهم كنت ف دورة تدريبية و كان معانا بنات كتير كان تعاملى مع البنات عدى جدا الحمد لله يعنى تقريبا كنت صارف نظر عن الجواز عشان ظروفى لأن حاسس أن مفيش حد هيوافق عليا عشان الخلفة و أن الاحسن ليا أنى أدور على مطلقة أو على أرملة. و تخلص الدورة التدريبية و يعدى سنتين و أنا ف مشوار مع والدتى أقابل واحدة كانت زميلتى فى الدورة و تتصاحب ع والدتى و عملت معاها مواقف جدعنة بصراحة و بعدها بأربع شهور أمى تقولى أنها فاتحت البنت ف أرتباط و قالتلها على المشكلة و البنت سألت ع الموضوع و موافقة بس تقريبا والدتى محكتش الموضوع مظبوط قوى فالبنت وافقت على الاساس ده. بعدين لما قعدت معاها فى أول قعده شرحت ليها الموضوع كله و بعدين قعدنا نتكلم بقى فى المواضيع العادية بصراحة كنت حاسس قبول من ناحيتها ليا و قبول من ناحيتى ليها بس أكيد كانت عايزه تسأل بناء ع المعلومات الجديدة. دلوقتى هيا بقالها حوالى أكتر من شهرين بتحاول تقنع أهلها و البنت موافقة و راضية و مقتنعة بس أهلها شايفين أن مفيش أمل و حتى مش راضيين يروحوا معايا لدكتور متخصص يسألوه و يسمعو منه رأيه. و أنا بصراحة البنت عجبانى و مقتنع بيها هيا مؤدبة و محترمة و جميلة و ناجحة و كل حاجة كويسة و مقتنعة بيا كشخص بحكم التعامل ف الدورة التدريبية. دلوقتى انا محتار مش عارف أساعدها أزاى أبعد و أسبها و هيا أصلا بنت محترمة جدا و مش هلاقى حد زيها و يكون عارفنى و مقتنع بيا كده و كمان هيا بتحاول تقنع أهلها فأنا هحس أنى بخذلها لو أنسحبت دلوقتى و صرفت نظر و لا أفضل أحاول و أتمسك بيها و أحاول يكون فيه أتصال " مفيش أى أتصال و لا مقابلات ما بينا و الله هيا محترمة جدا " يطمنها أنى لسه عايزها بس خايف أكون بضغط عليها و بحملها فوق طاقتها مهو أهلها مش موافقين و هيا مش هتقدر تواجه لوحدها. بجد مش عارف أزاى أساعدها و أزاى أقنع أهلها و الله أقترحت أنهم يجو معايا عند الدكتور يسألوه بنفسهم و مفيش رد خالص. برضو أزاى أطمنها انى عايزها هيا رغم أن مفيش أتصالات ما بينا " بسهوله الواحد ممكن يجوز مطلقة أو أرمله و معاها طفل بس الفكرة أنى لقيت ديه كويسة و حسيت بجدعنتها و مقتنعة بيا " فى الاخر كده انا عارف طلباتى كتير قوى محتاج دعواتكم ان ربنا يكرمنى بيها و يجعلها زوج صالح ليا و يكرمها بيا و يجعلنى زوج صالح ليها و يرزقنا الذرية الصالحة يا رب

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

ان شاء تتحقق امانيكما وتوفقان وتنعمان معا. يمكنك ان توصل اليها رسالتك ودعمك عبر والدتك، عدا ذلك اتركها تتفاهم مع أهلها على طريقتها. ان كانت من نصيبك فلن يبعدها عنك احد، احسن الظن بالله وان شاء الله تسمعنا الاخبار الطيبة. في جميع الأحوال، تأكد من تشخيصك من عدة أطباء فقد يكون التشخيص الأول خاطئا، وان كان العلاج متوافرا فقم به ومن ثم اقبل على الزواج وبذلك تختصر على نفسك الكثير من الجدل.

قبل 7 شهر

تكلم معها وفهمها انك رح تنسحب من حياتها ليس لأنك لا تحبها بل للحفاظ على علاقتها مع اَهلها وعلى أساس ردة فعلها تصرف

7 شهر

طب لو والدتى عملت حاجة زى كده و حسيت بتمسك قووى من البنت ناحيتى ف كلامها مع والدتى .


قبل 7 شهر

الفتاة ادرى منك بأهلها فإذا قالت لك ان لا يوجد أمل منهم فاقطع اتصالك بها لأنها تعلم عقليتهم وتفهم تفكيرهم اكثر منك

7 شهر

مقلتش أصلا أنهم رافضيين بس بتقول حجة تانية و أنها فاهم أنها بتحاول تكسب وقت عشان تقنعهم و بتقول نروح للدكتور و يطمنا و بتقول يا رب و بحسها من جوه قلبها قوووى كأنها بتقولها من الوجع. و أنا مش عايز أكون بضغط عليها قوووى عشان هيا بنت رقيقة. و بصراحة هيا مستسلمتش و مامتى حاولت تنهى الموضوع البنت كانت متمسكة فصعبان عليا أخذلها أنا و أستسلم قبليها و متمسكش زى مهيا متمسكة


المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.