السؤال

قبل 3 شهر (6 اجابه)
6 اجابه

تعبت منه هل اطلبه لشرطه

صباح الخير هي بالنسبه لالي مش مشكله بس البنات يلي معي عاملينها مشكله ... انا وحيده بين أب وام منفصلين وكل واحد فيهم بحاول يكون احسن من التاني فبيتصارعوا ع مين بده يلبي رغباتي اسرع من مصاري وسفر وسياره واستضافة صحباتي وكل شي بتتخايلوا صرلن تئريبا 21سنه بيطاوشوا وبستعملوني اداتهم لهاد الشي ... ولحتى اخلص من هاد الجو اشتغلت مع صديقاتي بالجامعه بمول كاشير منه بشوف عالم واخلص من مشاكل ماما وبابا ... وبتزكر بيوم عطلتي رحت زور صديقاتي بالمول وكان في مشكله مع زبون وخلصناها ... ما كنت بعرف انه هاد اللطف يلي عاملة فيه الزبون راح يتأمل في ... انا مشيت معه وصرت اتقبل نظراته وكلماته وسؤاله عني حتى صرت حديث الموظفين ... المهم كملت معه بدوامة لاجا بلحظه وحكالي بدي ارتبط فيكي بالحلال وبدك تلبسي الحجاب وتتركي الشغل وفش تشوفي صاحباتك ... لما حكالي هاد الشي صرت اضحك لانه بيني وبين حالي مش ستيلي ... وما عنده القدره يعيشني بنفس المستوى يلي انا عايشته عند امي وابي ... وازا رضيت بشي بس حتى اقطع وقت مش اكتر ... وما توقعت انه غبي لدرجة يطلب هاد الشي ... وانا تركت الشغل لانه صار كتير يحرجني وهو عم يشحت موافقتي ... اضف انه مستحيل اتزوج وجيب ولاد يتعذبوا بس لحتى صير ام .. وانا هيك حياتي احلى ... بس هو مش عم بحل عني وتعبلي نفسيتي لان صاحباتي بتمسخروا علي انه كيف راح يكون منظري وانا عروس بجنبه ... بس انا زعلانه عليه لانه بستحق وحده احسن مني بكل شي ... كيف بدي اخلص منه صرله تمن شهور ما عمل بمل ... ماظلش الا اطلبله الشرطه

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صارحيه بلطف انك لا ترغبين الزواج الان واطلبي منه ان يتوقف عن ملاحقتك والا ستضطرين اخبار اهلك. لا تسايريه او تعطيه املا، كوني حازمة ولكن بلطف وادب دون جرح المشاعر.

قبل 2 شهر

قبل ان تذهبي للشرطه وسطي محامي كبير في السن وسوف يستدعيه ويفهمه بأن عليه ان يبتعد عنك وانك غير راغبه في الارتباط وانا متاكد بانه سيبتعد لأن المحامي يستطيع ان يكتب عليه تعهد ....هذا غنسان معقد ولا يناسب شخصيتك كما انه طمعان في اهلك لأنك وحيده

قبل 3 شهر

انتي ماعطيتيه عين ...انا زميلي بالشغل بلش يعجب فيني بس ما استرجا يصارحني باشي..لكن بلش باضافات على الفيس و السناب عملتلو بلوك دغري من كل الاضافات ..ودغري فهم اني مش بتاعت الكلام ده...بس ما شاء الله عليكي تمان اشهر مش حالل عنك سبحان الله..اتقلي واتعيشيش دور ازميرالدا مع واحد بتعرفيش اصله و ونواياه شو بالزبط...تستعبطيش

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه