السؤال

قبل 2 شهر (4 اجابه)
4 اجابه

أهله رافضين زواجنا لاختلاف جنسياتنا

انا عمري 32 سنة ، بعرف شخص من سنين و بنحب بعض لكن أهله رافضين زواجنا لاختلاف جنسياتنا ! حاول بكل الطرق يقنعهم من تفاهم أو خناق أو توسيط أقارب لكن مو قابلين و حاولنا نترك بعض اكتر من 30 مرة لكن ما بيمر شهر او شهرين بنرد بنرجع نحكي مع بعض . صرت اخاف اضل معه و أضيّع فرصة اني اتزوج و أكوّن عائلة و بنفس الوقت ما بقدر اتركه لاني بحبه و شايفه فيه مواصفات الشخص اللي نفسي أكمل حياتي معه و لما بيجيلي عريس ما بقتنع فيه. شو بتصحوني أعمل . أو هو شو ممكن يعمل ليقنع أهله ؟

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

لا حل سوى ان تحاولان كل ما في وسعكما لاقناع الاهل بزواجكما مجددا. اختلاف الجنسيه ليس عائقا يمنع نجاح الزواج بدليل زواجات كثيره نجحت بين زوجين من جنسيات مختلفه ولكن الافضل الا تدخلي على عائله لا تريدك لانك ستدفعين الثمن بعد الزواج كما ان طاعه الوالدين واجبه . الزواج من جنسيه مختلفه سيؤدي الى بعض المشكلات بعد الزواج بسبب اختلاف العادات والتقاليد وستحتاجان الى مسانده الاهل في تقريب وجهات نظركما وفي حال رفضهم لزواجكما سيزيدون من الضغط عليكما لذلك اصبرا ووسطا شخص ذو ثقه وحكمه عند الاهل ليساعدكما في اقناعهم وكونوا على علم بعادات وتقاليد كل بلد قبل الاقدام على الزواج. ربما من الافضل ان تحددي مدة التجربه فان لم تنجحا في إقناع الأهل فالافضل الانفصال بدلا من تضيع الفرص كما ذكرت.

2 شهر

شكرا للمساعدة .. رح اعمل بنصيحتك


قبل 2 شهر

إبعدي عنه

قبل 2 شهر

لو بده ياكي ما كان مشكلة اهله رح توقف بطريقكم...بس هو الى حد ما مقتنع بوجهة نظر اهله مشان هيك بشد وبرخي معك..اعرفي لو انت محله كان بتعرفي تتصرفي مع اهلك لتقنعيهم واتاكدي انه الشب اضعاف بعرف يمشي اهله متل ما بده...من الاخر بدك ياه يمشي متل ما بدك...اقطعيه فجأه واحكيله انت شاب منيح و فيك الصفات اللي كل بنت بتتمناها لكن انا يمكن بناسبني واحد تاني وانا ما رح اوقف بوجه اهلك و اعيش عيشة ما رح ترضاها لالك او لمرتك...روح دور على وحدة تناسبك وتناسب عيلتك اللي على عيني وراسي لكن ما بقدر افرض حالي عليهم وكرامتي ما بتسمحلي احط حالي واحط ابوي وامي بهيك موقف لانهم هم اللي ربوني وكبروني وعلموني وانا تنكسر ايدي ولا اهينهم بهيك موقف...الله يبعتلك بنت تستاهلك ويبعتلي الشاب اللي بستاهله وبستاهل يمسك ايد ابوي واكون متطمنة ومرتاحة والكل راضي ومبسوط ومعززة في بيت اهله...احكيله كل التوفيق وهاد اخر اشي بحكيلك ياه ويا ريت لا تتصل لاني ما رح ارد والقصة انتهت بينا....واتركيه وخلي هاد اخر كلام بينك وبينه واعصري على عينك ليمونه اذا فكرتي تردي عليه وخليه يتعذب لبيل ما ياخد موقف حازم يتقدملك بالطريقة اللي تناسبك وتناسب اهلك ويجيكي من الباب...بس ما تردي عليه ولا تصدقيه الا لما هو يرن على ابوكي مش يرن عليكي...انت عملتي اللي عليكي...وهاي الطريقة مدروسه علميه واذا بدك ياها تتفركش بس اتواصلي معه وخربي كل اللي بنيتيه...اذا بدك اياه ييجي ما في غير تقطعيه ..بكل الاحوال رح يقطعك..فاسبقيه بطريقتك او بالاحرى بالطريقة اللي تخليه يرجع بكرامتك اللي ما تكون مهزوزه...واذا بدك تتاكدي انه كلامي صح...دوري على اليوتيوب على عمرو جرانه وادرسي شو بنصح وشوفي شو بصير للي ما بردوا على نصايحه..

2 شهر

شكرا على النصيحة . انا فعلا حاولت اقطعه اكتر من مرة لكن غلطتي اني كنت اضل ارجعله كل مرة .. كلامك مزبوط 100%


كلامك كااااااااااافي وواااااااااااااافي وصحيح 100%


المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه