بين نار حبي له و حبه لي

انا بنت مصرية وعايشة في السعودية وعندي ابن خالتي اكبر مني بخمس سنين من وانا صغيرة وبابا مانعني اروح عند خالتي علشان ابنها وكنا ننزل الاجازة ماما كانت تروح تشوف خالتو من ورا بابا وكنت بروح معاها واشوفه وهو كان عارف ان بابا ما بيحبنيش اروح اشوفه وانا بنت من النوع المجتهد واللي بتهتم بدراستها والحمدلله وضعي في الدراسة عالي وكويس المهم كنت كل ما انزل الاجازة احاول ما احبش ابن خالتي لحد السنتين الي فاتوا بدأت الاحظ ان عيلة ماما بتلمح لكلام عليا انا وهو وكل ما كان يجيني احساس اني بحبه كنت اقول لنفسي خلي بالك من دراستك وبلاش تعذبي نفسك المهم كنت ناوية السنة ديه لما انزل الاجازة احاول اوصل لقرار يااكمل معاه يا اسيبه مع العلم اني مش عارفة مشاعره تجاهي المهم السنة ديه بابا ما نزلش معانا مصر فبقينا نروح عند خالتي ونبات عندها يومين وتلاتة بس ولقيت خالتي جت كلمتني وقالتلي انا عيزاكي مرات ابني وشايفة انك مناسبة ليه والكلام ده بعد كلامها معايا حسيت اني عايزة اقربله اكتر واتعرف عليه وفجاة صحي الاحساس بتاع زمان اني بحبه بس كنت مش عايزة اعترف لنفسي بكده المشكلة بقى انه باني حاجز ما بينا يعني لما اكون في مكان ما يقعدش فيه ولما اخرج انا وبنت خالتي واخواتي في مكان يوصلنا ويمشي لما نكون احنا وخالتي وابنها التاني وبنتها بناكل ما ياكلش معانا ويعني الكلام ما بينا في حدود اتفضلي انا اسف بس كده وحاسة انه ساعات بيشوفني يبتسم ويداري واقول بيحبني وساعات احس انه بيكرهني او انا عنده كاخته او بنت خالته وخالتي قالتلي انها كلمته وقالتله لف زي ما انت عايز بس في الاخر اتجوز الي تصونك وانا شايفة ان بنت اختي انسب واحدة قالها ربنا يسهل سبيها على ربنا وقبل سنتين كده كلمني واتس وساعتها كانت اول مرة يكلمني وقالي بحبك وانتي غالية عندي ساعاتها قولتله احنا لسه صغيرين ولسه بدري ع الكلام ده وعملته حظر بس انا دلوقتي مش عارفة اكمل وادني لحد الاخر ولا انساه وانا فاضلي سنتين وانزل مصر واكمل تعليمي وممكن اشوف الف حد مناسب بس انا وصلت لدرجة انه مالي عينيومش عايزة حد تاني بس انا خايفة لو كملت يكونش ما بيحبنيش واكون كده خسرت ناس بتحبني واخاف لو نسيت الاقيه بيحبني وساعاتها ممكن ما اكونش بحبه