لم ينسى لي ارتباطي بغيره

انا مطلقة عمري 34 سنه عندي ولد عايش بالامارات مع طليقي مشكلتي اني فتت بعلاقة عاطفية مع شب بسني كان حنون وبسيط وطيب وبيحبني عرف عن مرضي .. روماتيزم .. وعن ظروفي ومااعترض وكنا ننتظر انه يشتغل عشان نتزوج ونعيش بظروف مقبوله ونساعد بعض ... بس هوة ماجتهد وماجمع عشاني ولا فلس انا طلعت عالامارات اللي بحمل جنسيتها مع العلم انا فلسطينية مواليد الاردن حاولت ازبط اموري في الامارات بس وجدت انه الغربة صعبة عبنت هناك بلحظة زعل وانقطاع بيني وبين الشب تعرفت عشب اخر معرفة بريئة بقصد الزواج ... لانه العمر بيمشي فيي وانا محرومة جنسيا من ايام زواجي الاول ... بس مامشي موضوعي مع الشب التاني لظروف معينه .... حاليا انا رجعت من الامارات بشتغل بس مشكلتي بالشب اللي بحبه مازال بحبني بس تغير كتير صار لئيم حقود مش ناسيلي اني كنت بدي ارتبط بغيره .... قلت رغبته بالزواج فيي مع انه بحبني . مازال لايملك شيئا والاكتر من هيك حاول يخطب بنت مغربية انتقاما مني بس ماحبها لكنه مو قادر يتركها لانه قطع وعد لابوها قبل مايموت وهالشي بعذبه كتير ... الشب حاليا بفترة توتر شديده جدا كل ساعة براي وعصبي وبعمل مقارنات بيني وبين المغربية لانها هادية وانا عصبية .. بس مع هيك مو قادر يندمج معها .. اخر حل قلي انا اسف مو قادر اقرر راح اتركك مع انك حب حياتي واعملك بلوك وراح اتركها وبعمري مارح اتزوج .... ملاحظة الشب عاطفيي وحساس وصادق جدا .. وانا هلا صارلي اكتر من شهرين من يوم ماعرفت بخطبته بدوامه وبضل ابكي وكئيبة واكتشفت انه روحي ومابقدر تبعد عنه ومابقدر اقبل اي رجل ومش عارفة انساه .. شو اعمل ارجوكم ساعدوني سكرت الدنيا بوجهي ..