أحببتها فأهانتني أمام أهلها

انا خريج كلية تجارة حبيت واحده وحبتني من واحنا في 2 ثانوي حبيت كل حاجه فيها وبقت كل حاجه ليا هي من محافظة وانا من محافظة تانيهبعدت عن كل صحابي ومبقاش ليا غيرها ٦ سنين من اول ماصحى لحد مانام اكلمها اتخرجنا احنا الاتنين وهي اشتغلت وانا اشتغلتللاسف انا فضلت زي مانا عمري ما كلمت بنت ولو كلمت زمايلي بيكون بحدود جدا ومبهزرش وبكيون كلام قي الشغل بس هي بقت بتكلم زمايلها ووتهزر معاهم وتقولي عادي يكون ليا زمايل واهزر واضحك قولتلها انا عايز العلاقه بينك وبين زمايلك تكون في حدود الشغل وهي موافقتش وقالتلي لازم تكون متحرر وتبطل عقدة الفلاحين دي هي عايزه تعيش زي الاجانب وتبقي متحرره وكانت عايزاني ابقي زيهاقولتها انا مش هقدر على  كده انا راجل وبغير قالتلي لازم تغير من نفسك لو عايزني وانا معنديش مانع انك تصاحب وتكلم بنات انا مقدرتش استحمل وعملت مشاكل معاها كتير وفضلت اكلمها وخلت اهلها يهزقوني ويقولولي متتصلش هنا تانيحاولت ارجعلها كتير واغيرها موافقتش وقطعت التواصل معايا بحجة اني متخلف وهي متحرره ودلوقتي هي عايشه حياتها وبتهزر مع زمايلها بالايد وبتضحك معاهم وبتعمل كل حاجه انا مقدرتش استحمل روحت وانا بكلمها عيطت قدامها وقدام اهلها واهانتني قدامهم انا حاولت كتير انساها ومعرفتش انا مكنش ليا غيرها و محبتش حد غيرها ولا عمري خنتها انا متدمر نفسيا وانا شايفها باعتني وعايشه حياتها ومبسوطه وبتعمل كل حاجه ومهمهاش انها كسرتني و لا اي حاجهمش عارف انساها وتعبت وحاولت اقرب من ربنا كتير واصلي بس معرفتش انساها برده ممكن تقولولي اعمل ايه