أمه رفضتني لأنها تريد له زوجة موظفة!

قلبي لسه متعلق به وارغب في انهاء قصتي معهانا بنت ابلغ من العمر 27 عام . تعرفت على شاب عبر التواصل الاجتماعي لمدة (8) سنوات ، كتابياً . تعلقنا ببعض واعترف لي بحبه لي لكني لم اعترف له بمشاعري مع اني احمل له نفس الشعور . لكني اردت ان اكون صعبة المنال . لما بلغ عمري 26قررت ان افتح معه موضوع الزواج ولكن لم اعرف كيف ابدأ ومن اين ابدأ . تشجعت واجمعت بقواي واخبرته بما اريد . ومن ثم اعطاني رقم اخته وعرفني عليها وزارتني . وارادوا مني ان ارد الزياره لهم . لكني رفضت . بعد مرور شهور على هذا الموضوع جاء الي خطاب يخطبوني ف اخبرته ف استاء وانا ايضا كنت نفس الشعور لاني كنت اريده . واخبر اخته وجاوء لزيارتي امه واخته مع العلم الام لاتدري اننا نعرف بعضنا بل اخته وهو الفو قصة انوا على اساس انا صديقة اخته وجاوء ليروني . عندها الام لم اعجبها وانصدم وانصدمت عندما اخبرني ان امه قالت له انها تريد ان تشوف له اكثر من وحده مو من اول طقة باب راح تخطبها له . وبعد المحاولات والتمسك فيني قالت له اريد لك موظفة لكي تساعدك . انا انصعقت بسماع الخبر منه . وانهرت وللآن أعاني . وعندما رفضت امه وقالت لا الولد تغير علي صار يصدني ويعاملني بجفاف ويوم زعلت من تصرفاته ماحاول حتى يراضيني . بعدها جاني وقالي انه متفشل مني لانه ماقدر يوفي بالوعد اللي قطعه لي قالي بااي وجهه اجي اكلمك ومرت سنه على هالقصة وقام يفكر يشتري سياره ومحتار فيني وفي السيارة مع انه حالته الماديه وراتبه صعب جدا صار كثير يعصب علي . وكثير يتنرفز مني لتكلمت . ولناقشته بشي يايعطيني كلام يجرح او يسكر الموضوع واذا جاء الموضوع صدفه عن الزواج يقوم يتنرفز ويعصب ويبي ب اي وسيلة يسكره ومانفتحه ثانيه ولما انفتح مره للحين مانسيت كلامه لما يقولي اللي علي سويته واذا تبين تظلين ظلي واذا تبين تروحين روحي حسيت بالخذلان وحسيت تخلى عني عشان يسلمني بيد ثانيه وصرنا الان من نتهاوش هو يبي اني ابادر مع اني اكثر المحاولات انا ابادر هالمره الاخيره انا مابادرت وطنشت او تقدرون تقولون اني احاول اطنش او اتصرف بتطنيش بس العكس غير انه قلبي لساته متعلق فيه ولساتني اراقب دخوله وطلعاته وللحين حنا من عصب اخر مره ماجيت كلمته بكلمة ولا هو جاء يكلمني ونتبادل العناد وانا هالمره ابي منه المبادره مادري اللي اسويه شي صح او خطأ اني للحين ظاله افكر فيه وافكر انه بيوم يرجع ولرجع افكر انه يرجع مثل قبل ماكنت ابي اخسره مادري انتوا سمعتوا قصتي حكموا عليها وقولولي رايكم شنو اسوي عشان اتخلص من قصتي هذي ماني قادره اقرر ابقى اكمل او انسحب نهائيا من هالعلاقة ساعدوني محتاجة نصيحتكم