animate

انا شاب حاليا 23 سنة شوفت وحده اعجبت بيها واتشديت ليها من اكتر من 4 سنين في الاول محصلش بينا كلام غير في طبيعة الشغل انا كنت شغال في مركز صيانه وقتها وهي كانت بتصلح عندي جهاز الكمبيوتر فضلت أسأل عليها لحد ماعرفت كل تفصيله عنها كان وقتها ليا صديقه اقسم بالله صداقه بس من دولة تانية علي الفيس وصديقتي دي كانت عاوزه تساعدني وحاولت تتعرف عليها وانا اديتها اكونت البنت اللي بحبها بعد كام شهر قالتلي الخبر الزفت انها اتخطبت اتصدمت شوية بس قولت فترة وهتعدي وقولت لصديقتي دي ماتقولهاش انا مين لان الحوار كده خلص وانا مقدرش اكلمها وهي مخطوبه عدت اول سنه وسبت الشغل وكل مانساها اتصادف بيها في مكان مالحقش انساها السنه التانيه دي هي فشكلت الخطوبه صديقتي عارفه اني لسه بفكر فيها بحكم الكلام قالتلي احاول اخليك تتكلم وكلمتها بس مرضتش اقولها انا مين اتكلمت يومين تلاته كل ده فيس بس كانت عاوزه تعرف مين معرفتش عملت بلوك وقالت انها مش عاوزه تظلمني عشان لسه متعلقه باللي فات غصب عني كنت بتابعها علي الفيس اشوف تعليقاتها من بعيد وبحاول كل فترة اتكلم من اكونت مختلف تعمل بلوك ومرة فيهم قولتلها انا مين مافتكرتنيش بس حاولت افكرها وكان نفس الرد لسه متعلقه باللي فات لحد من 5 شهور قررت اكلمها تاني بس المره دي قولت احاول ابينلها اني مش شايف غيرها عملت كل حاجه مافكرتش ف يوم اني اعملها صارحتها بكل حاجه قولتلها اني بعشقها بحبها لدرجة اني مافيش يوم بيعدي مش بفكر فيها قولتلها كل حاجه في نفسي وبعتلها صور ليا وخاولت ابهرها بكل التفاصيل اللي اعرفها عنها انا كنت عارف حاجات كتير انبهرت واستغربت اني 4 سنين ولسه عاوزها وبفكر فيها كلمتني شهر كان احلي واصعب ايام حياتي احلي لانها كانت معايا بكلمها فون وواتس واصعب لان ابويا كان تعبان بمرض صعب شوية وكنت مقضي معظم الوقت معاه ف المستشفى خلال الوقت ده جه عيد حبيت افرحها اخدت بوكيه ورد وروحت لحد البيت وسبته قدام الباب وكلمتها وكان احلى يوم ف حياتي حسيت بفرحتها ودعواتها اننا نفضل مع بعض كنت بحاول اخبي عليها موضوع مرض والدي لكن عرفت وانا مكنتش عاوزعا تعرف عشان محسش انها بتقولي كلام كويس شفقه او مش عاوزه تسيبني عشان ظروفي زعلت اني ماقولتش وبينتلها ماقولتش ليه بعدها بكام يوم وعدتها اني هتقدملها بعد ماخلص اخر شهور ليا ف الدراسه ووعدتها اني مش هسيبها وكنت بحضر لها هديه عشان عيد ميلادها قرب ابويا تعب ونقلناه المستشفى وفي اليوم ده كانت بتتكلم بس بطريقه مختلفه حسيت في حاجه وسالتها مردتش بعدها بكام ساعه بلوك من الواتس ومن كل حاجه خدت يوم اعيط فيه وكملت ان والدي عنده عمليه تاني يوم بقيت مش عارف اعمل ايه اناوحيد ولد وحيد لابويا كان نفسي تبقي جنبي مفسرتش هي عملت كده ليه علقتني بيها بزياده ليه بعد العمليه حاولت اكلمها افهم منها مردتش ف الاول بعدين قالت احنامش هينفع نكمل كده قولتلها طيب اكلم والدتك وانا اقسم بالله كنت ناوي فعلا افهمها انه كله كام شهر اتقدم رسمي بس عشان مابقاش بعمل حاجه غلط وقولتلها اخلي والدتي واخواتي البنات يكلموكي قالت مش هينفع قولتلها سيبي رقم والدتك لو عاوزه تعرفي انا هتقدم ولا لا ولو مش عاوزه مترديش وانا هفهم مردتش عدي ٥ شهور وكام يوم ونكمل السادس وانا مش قادر انساها يوم بنزل ف الشارع نفسي اتصادف فيها ناحية بيتها ف الأماكن اللي ممكن تروحها وفعلا كذا مره اشوفها وابص الناحيه التانيه عشان ماابنش ضعيف لكن الحقيقة اني كل فترة ببعت رسايل من ارقام مختلفه اطمن عليها واعرفها ان ف حد بيسأل عليها من غير اسم كل يوم بتمني القاها بتكلمني بحلم بيها انا وصاحي وانا ونايم مع العلم اني بشتغل ومافيش وقت فراغ كبير برجع من الشغل انزل مع اصحابي بس مش عارف حاسس انه مرض تعبت هي رفضتني وانا بحاول اقنع نفسي انها عملت كده لظروف مستني كل يوم انها تنزل بوست حتي تلمح فيه وانا اكلمها تاني تعبت والله ومش قادر احكي لحد بحس بالم في قلبي كل مافتكر مش عارف انا شكلي مقبول حاولت اغير فيه حاولت اغير من لبسي عملت كل اللي اقدر عليه عشان الفت نظرها وتفكر حتي فيا ثاتيه مع العلم اني بصلي وفي كل صلاه بدعي ربنا يقربها مني وبقره كتب وتفكيري مش سطحي وحاولت انساها بكل الطرق والله مش قادر حاولت اتعرف علي غيرها بس مش لاقي حد يشبها تعبت وحتي لو مخدش رد عليا كفايا اني اتكلمت لما بتكلم برتاح شوية

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي أعتقد ان تخفيك ومراسلتها من خلال صديقتك تارة ومن ارقام وحسابات أخرى اثر شكوكها بجديتك ونواياك. كذلك من الممكن انها لا ترى فيك الزوج المناسب لسبب يخصها او ان تقدم لها شخص آخر اختارت ان تكمل معه. اسباب او ظروف كثيرة قد تكون ابعدتها عنك. الزواج قسمة ونصيب كما يقولون، لذا لا تتعلق بامل ضعيف، اعتبرها تجربة وتعلم منها ان تفصح عن نواياك ومشاعرك مباشرة ودون إطالة. أنت الان متأثر جدا برفضها خاصة ان كل الاحداث توالت في فترة مرض الوالد الصعبة. نصيحتي لك ان لا تقف عند هذه القصة، اقلب صفحة جديدة في حياتك واهتم بنفسك وعملك ولا بد ان تلتقي بفتاه تناسبك و تحبك وتقدرك.
  • الخبيرة النفسية د.سراء فاضل الأنصاري الفتاة انسانة جيدة وترغب في علاقة جدية وحياة زوجية مستقرة وربما هي تراك انسان رومانسي وغير واقعي والبنات تخاف ايضا من عشق شديد ولفترة طويلة دون قدرات ودون شيء رسمي هي فتحت لك الباب لفترة لتدخل بالطريقة الصحيحة ولكن ظروفك عارضتك ،،،تذكر انها خرجت من علاقة وخطوبة فاشلة ولا تريد ان تكرر الخطا تقدم لها عندما تتحسن ظروفك واذا كانت قادرة على الانتظار واذا كانت من نصيبك سيحصل النصيب باذن الله ولكن عليك العمل بجد ولا يكفي السؤال عنها من اكوانتات مختلفة هي تريد شيء قوي وواقعي يشعرها بالامان ويطمانها
  • animate

  • صورة علم State of Palestine
    صورة علم State of Palestine
    من مجهول
    ابحث عن واحدة تحبك وما تتزوج واحدة انت تحبها خود هالنصيحة من واحد مجرب
  • صورة علم State of Palestine
    صورة علم State of Palestine
    من مجهول
    انت متعب نفسك اوى وشاغل بالك عشان واحدة ما بتستاهلك
  • صورة علم State of Palestine
    صورة علم State of Palestine
    من مجهول
    يا اخى انساها وفكر بواحدة تانية
  • صورة علم Saudi Arabia
    صورة علم Saudi Arabia
    من مجهول
    ياحظ هذه البنت فيك . بس بعطيك احتمالات وحطها براسك ..سؤال يعيد ويكرر براسك ليه هي تعطيني بلوك ؟ يمكن اهلها دروا بكل شيء وهي ماتقدر تتكلم معاك ويمكن فهموا الموضوع غلط ومنعوها من مكالمتك لها او ان تقابلها وتتزوجها..او الاحتمال الثاني انه حقاره منها وتتغلى عليك

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟