السؤال

قبل 7 شهر (10 اجابه)
10 اجابه

اهلي غير ملتزمين

انا بنت عمري 17 اهلي غير ملتزمين يعني صلاة وصيام وبس ما كنت محجبة ولا اصلي ولا اقرأ قرآن ولاشي صيامي كان امساك عن الاكل والشرب بس ..بعدين شوي شوي ربنا هداني لبست الحجاب بس ما كنت ملتزمة يعني مثلا انزل عالشارع بدونه او عالبلكون كنت بالرحلات والحفلات ما البسه وبس يجي عنا ناس كمان والبس نص كم او اشي اطول من الحفر بشووي بعدين بلشت اصلي من سنتين لاني قرأت اشي عن الصلاة وتاركها والحمدلله تمسكت بالصلاة بعدها حبيت التزم بالحجاب والحمدلله صرلي 5 شهور بجوز بلبس الحجاب وبحبه طبعا ما حد من اهلي مبسوط ع هالتغير غير ماما وسرت اقرأ قرآن ولمست كتير تغير بحياتي وكيف ربنا وفقني وانو الحياه احلى بالقرب منه ولاحظت انو دعائي عالاغلب مستجاب الحمدلله بلشت التزم شوي شوي كان في ناس رجال يعني من عيلتي اسلم عليهم مباوسة او بالايد ونويت مشان الحرام خلص من بعيد ااخر اشي قررت البس الجلباب لانه الواحد ما بضمن عمره ومتى الله بياخد امانته وبدي يكون عندي حسنات وحكيت لاهلي توقعت يدعموني ويشجعوني بس لقيت العكس لما حكيتلهم اللي ضل ساكت واللي حكالي لساتك صغيرة او اهدي شوي مالو كبس عليكي الايمان فجأة بعدين بتلبسي بس تكبري ما حد موافق غير ماما بس هي خايفة اني اتركه لاني طولت لالتزمت بالحجاب بس الفرق اني الحجاب اول م لبسته ما كنت مقتنعة لبسته هيك زي هالناس لهيك غلبتهم اما الجلباب عندي اشي جوااي كتير بده الجلباب يعني كتير اتدايقت ممن ردتهم وكنت رح ابكي كتير نفسي فيه ومو عارفة شو اعمل هلا بس حاسة اني متمسكة بالفكرة كتير لانو الدين فش فيه صغير وكبير في حرام وحلال وهاد هلا واجب علي وسترة الي وما حد رح يفيدني يوم القيامة

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

الله يبارك فيك، وانت فخر لأمك وابيك، اللهم ان تكوني ابنة بارة بهم شفيعة لهم يوم القيامة. جدًا سعيدة لتطورك وهذا رائع، وارجو ان يصحبه وعي وتطور اخلاقي كذلك، لأنه كما قلتِ، الصوم مثلا ليس امساك عن الطعام، قدر ما هو امساك عن الكثير من المعاصي مثل امساك اللسان وغيره. والله اسعدتيني بكلامك بارك الله بك. والان لنأتي لموضوع الجلباب، يجب ان تحافظي على اصرارك عليه لأنه رغبتك وهي امر جيد، واقول لك طريقة، ابدأي بارتداء ملابس شبيهة بالجلباب، مثل فساتين طويلة، تنورة طويلة وقميص مناسب فضفاض، يعني ان تلتزمي بلباس ملابس شبيهة به، وليس بالضرورة ان يكون جلباب، وبهذه الطريقة تكونين في طريق الصواب، وبذات الوقت لا تتعارضين مع اهلك، وهم سيبدأون بالتعوّد على هذا، وربما عندما يشعرون بحسن اخلاقك وسلوكك الايجابي تكونين انت مصدر الهام لهم، وخاصة اذا عندك اخوة واخوات اصغير عليك بنصحهم ومساعدتهم، والالتزام الأخلاقي دومًا لأنك ستصبحين قدورة لهم. وبعد ان تنتهي من التوجيهي، وتدخلين الجامعة سيكون لك حجة مقنعة بارتداء الجلباب الرمسي او ما تريدين، لأنه سيكون اريح لك واسهل وبهذا تكسبين جميع الأطراف. لا تفكري في الجلباب قدر تفكيرك في الالتزام بجميع الصفات الحميدة، تطبيق قواعد اخلاق الدين السمح هي ما نريد بشكل اساسي اضافة للالتزام بالامور الأخرى من ملبس، وعبادات وما شابه. الله يوفقك ويهدي الجميع لأحسن الخلق. سعدت بك وبالتحدث اليك.

7 شهر

كتيير مبسووطة بكلامكك وارتحت اكتر لانو كتير متمسككة بالفككرة


قبل 4 شهر

قال تعالى ( يوم لا ينفع مال ولا بنون - الا من اتى الله بقلب سليم ) نصيحة اتمسكي بحجابك وداومي على الذكر الكثير والتسبيح

قبل 7 شهر

الله يهديكي يا رب

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه