اهرب من الواقع بالنوم وشعور الوحدة قتلني

السلام عليكم..حابه اعرف متى احتاج لدكتور نفسي..يعني الهروب الى النوم بسبب الاكتئاب لاني يعني وحدانيه .. من يوم كنت صغيره امي وابوي تعاملهم معي غير عن اخواني وخواتي...سالفه طوويله يعني اتعب وانا اكتب لك واتذكر مشكلتي انو كان اللي يصبرني على تعاملهم معي كنت ادرس بالكليه صحيح انها متعبه بس صحباتي الجلسه معهم ممتع يعني احس انو انا انسانه موو (عبده) والحين متخرجه شهاده دبلوم محد حولي واذا رحت اسولف مع امي بعض الاحيان تسلك لي وبعض تقولي موو فاضيه واذا ذكرتها وش تسوي فيني يوم كنت صغيره تنكر وربي اذكر الاشياء اللي تسويه فيني اذكر قبل برمضان بيوم كنت صغيره شريت ساعه مكي ماوس ساعه بناتيه جالس اخوي يبكي اللي اصغر مني يبي ساعتي ويبكي عند امي المفروض بدال ماتقول هذا ساعة بنات راحت واخذت الساعه مني وقصت الاسوره حق الساعه والله طلع اربع قطع اخوي يوم شافها قطعته سكت وراح واذكر خالتي شافتني عجبتني لعبة بنتاها وجابتلي هديه مثل لعبة بنتها كنت طااأيره من الفرح والله ماالي يووم واحد مستانسه من بكره جيت من المدرسه لقيت امي مخليه خواني يلعبون فيها قلت هذا حقي قاالت انا اشتري لك مثله ولا اعطيك فلوسه والله قلبي كان متقطع عاللعبه ومرر الايام وماعطتني ولا ريال والله في اشييااااء كثيره ..وابوي اذكر انو يوم كنت بتمهيدي عاجبتني مطاره فسحه هذيك اللي علبه مسطيله بعدين الغطى حقها مطاره للماء اشحده وربي ابكي يرفض مره وحده من البنات بتمهيدي نست حقها اخذتها رحت للبيت جلس يهزءني رجعيه ..واذكر بعد اذا ابي لعبه عروس يرفض والله ان فسحتي اجمعها واحرم نفسي من الشبس والبسكويت اشوف البنات ياكلونه الا انا بس عشان اشتري اللعبه ولا بعد اذكر انو برمضان كنا ندرس كنت خامس ابتدائي كنا نايمين ويصحينا للسحور مابي اكل من التعب والله قام يضربني الا اتسحر غصب..والله في اشيااااااء كثيره مااقلتها ماادري شسوي بحالتي