لم اعد اتحمل زوجي ولا استطيع الرجوع لأبي

قضايا اجتماعية
animate

انا بكره اهلي صدقالا اذكر بيوم من الايام منذ صغري الى الان وانا حاليا ب30 من عمري ولدي ابن وعندي مشاكل كبيرة مع زوجي لكني ارغب بتحملها لكي لا اعود لاهلي او بالاحرى لابيوالدي تزوج وعمره 18 سنة وامي 15 سنة كانو لا يعرفون ما مفهوم الزواج الا بدلة واغاني لصغر عمرهم المهم ان والدي لا اذكر منه الا الشتائم وبيسب علينا مسبات بنات الشوارع وع امي اكتر من ذلك يعني عشنا معه بذل وهو شكاك جدا كان بيشتغل وبدل ما يصرف علينا يروح يصرفهم ع النسوان بحجة انو ما عاش زي الشباب واتزوج بدري، ومن زمان كان يلحن انو بده يتزوج وع قد ماهو حقير امي مرضت ربنا يشافيها صابها السرطان صار يطلع حجج اني بدي اتزوج مرتي مريضة واولادي معاقين عنده 6 بنات وولدين ، والله البنات والاولاد بينحطو ع الجرح بيطيب من ناحية الحلاة حلوين من ناحية الشطارة بالدراسة البنات شاطرات كتير مو شوي بس طبعا اللي بهالنفسية ما بدرس البنات يقعدو احسن بكره بيتجوزو،اختي الكبيرة حاليا عمرها 34 سنة وهي صغيرة كان معها خلع ولادة واثر ع رجليها بس الحمدلله ازوجتوزوجها كويس مع انه في مشاكل بس هي بتحكي اتحمل ولا ارجع عند بابا العيشة مع بابا سيئةاختي التانية مع افراز هرمونات وناصحة كتير ما اتزوجت ولعدم الاختلاط الناس عامةما بتعرف اشي اجتماعياانا التالتة كنت شاطرة بالمدرسة واتعرضت لعنف جنسي من خالي وانا صغيرة وما استرجيت احكي لحدا وبس صار عمري 14 سنة فهمت انو اللي صارلي بس كان عمري 6 سنين هو التحرش الجنسي وخفت اتزوج واتعقدت من الموضوع وحطيت راسي بالدراسة ع امل ادرس وافش غلي بالدراسة والتهي بس خلصت توجيهي جمعت معدل دخلني على الجامعة الاردنية بتخصص هندسة بس بتعرفو رسوم الجامعة عالية نوعا ما وما في شغل كتير للمهندسات المهم بابا ما استرجى يحكي لا بسبب اسم الجامعة ومعدلي وراح سجلي ودفع 500 دينار بس ما بعد 500 دينار تعامل جدا عاطل انا بدي اراقبها اشوفها وين بتقعد بدي اشوفها اذا بتضل لابسه نفس اللبسة ولا بتغير بالجامعة ومرة منعني اروح ع الامتحان بحجة انو يوم عطلة وانا كدابة اكيد بدي اروح اصيع او اقابل شباب ومعي حساسية بوجهي وبتبين الحساسية من المكياج مرة بيحكي ليش حاطة حمرة بحكيلو مو حاطة اشي حتى حس وبعدين هاي الاشياء وغيرها كتير وما بتنحكي بيني وبينه او بيبتنا عادي باي مكان بالشارع وباكراج البيت ع مسمع الجيران والناس ومواقفتاني كتير مسبات بنات الشوارع، ويضل يحكي لازم اغير تخصصي علشان ادرس تخصص تاني عليه شغل وانتو بتعرفوا الجامعات ما عندها بسهولة تحويل التخصصات ومو بسرعة بصير وهو بيضل يتذمر بده يضل يدفع ميشان يروحن لواحد الله اعلم من هو،بعدين قلتلهم انا مو رايحة على الجامعة ما بدي اياها اه استسلمت لانو مو قادرة ع الصراع النفسي جو جديد في الجامعة اول مرة بطلع لحالي ع مجتمع وفي البيت شك ومش ضامنة ادرس ويوديني على الامتحان تاني يوم او يخليني اروح مع العلم انو المسافة بينا وبين الجامعة 15 دقيقة بالزبط اذا مش اقل، تركت الجامعة وقضيت حياتي نوم شو اعمل وغير زيادة الوزن وكنت شاطرة منيح مو شوي، هو ما كان معارض الدراسة معارض انو يدفع فلوس. ضليت تقريبا سنة ونص بهالاجواء نوم واكل وبكى، والمصيبة الي زادت كرهي لبابا انو مرة اجاني عريس بس انهم رنو بده الام تيجي تشوفيني وتخطبني لابنها انا رافضة بسبب اشي قديم صار معي وخايفة اتزوج ميشانه ومش قادرة احكي لحدا وما بعرف وين اروح ووين اجي علشان احل مشكلتي، المهم بس بابا عرف انو في فلانة بدها تيجي تشوفني لابنها قبل ما تيجي وقبل اي اشي راح رن ع وحدة من العيلة بيحكيلها يوخدوني لابنهم انا سمعته وهو بيحكي معهم ع التلفون ورجع رن عليهم وقالولو لا ما بدنا هاد من ورانا مو بوجهنا بس انا سمعته عل التلفون وطلب مني استقبل الناس قلتله لا ما بدي اتزوج قلي براحتك بس شوفو لوين التسرع من اول عريس صار يدلل ع بنته وياريت اجى او كانو موافقين بلكي ما نعجبهم، ضليت بالبيت اكتر من سنة ونص على هالموال وضليت اصلي لربنا وابكي تعبت كتير، في يوم من الايام حلمت انو رح يصير معي موقف سيء بالجامعة استوعبت انو مشيئة ربنا اكبر من مشيئة البشر وتركي للجامعة افضل اللي، انا بعرف انو ربنا كريم وكاتبلنا الخير، بس انا الجو اللي كنت عايشة فيه هو المقرف مع والد شكاك بخيل مع العلم انو كريم ع الناس بس ع اهل بيته بلمرة ما بيدفع الا بطلوع الروح، نويت اخد دورات حاسوب بس ميشان اطلع اشوف الدنيا اشوف العالم بابا ما كان عنده مانع المهم ما يكون غالي ومو هو اللي يدفع قلت انا اللي بدفع مع انو المبلغ 20 دينار بس، مرة وانا قاعدة بحكي انا شاطرة كتير بالرياضيات والكيمياء قلت ليه ما راوح ع المركز واعطي دروس خصوصي بالعلوم والرياضيات للاولاد الصغار للمرحلة الابتدائية لانو اكيد صعب حدا يثق ويخليني اعطي اكبر من هيك كان في مرككز فاتح جديد رحت عليه بحكيلهم انا طالية جامعة وبدي اعطي دروس عندكم قالتلي اوك ع اساس انو للصغار وشوي شوي دخلتني ع الصفوف الكبيرة والحمد والشكر لله اتفوقت وكنت قدها وجمعت فلوس الجامعة وكملت جامعة والمصيبة وانا بعطي دروس مرة اعطيت طالبات جامعة وبابا عرف قال خليهاتروح تدرس اللي بدها اياها بس كلية او بمكان ببلاش انا مو معارض قلتلهم انا ما بدي كلية، الحمد والشكر لله اقدرت انجح بالتدريس واتعينت بوظيفة حكومية وكبرت شوي بالعمر واجاني شب بيشتغل معي بنفس الدوام صحيح طلع بخيل وكنير فيه مواصفات من بابا ومش عارفة شو اعمل هسه كيف اتطلق وكيف بدي ارجع عند بابا وعندي ولد عمره سنتين وعمري 30.اختي الرابعة اقنعوها تتزوج من ابن عمي اللي لف ع كل بنات البلد ميشان يدور ععروس وامه ما كانت بدها ايانا وكل البنات رفضوه لانهم بيسالو عنه وبيحكولهم كلام مو كويس عنه مع انه من نفس العيلة بس ما كنا نعرف عنهم اشي، وطلع سكرجي حشاش ما بمر شهرين الا التالت بالسجن تعاطي واختي تروح عنا بابا معها مو عاجبه بس مو عاملين اشي.اخختي الخامسة هاي كمان مصيبتها مصيبة شاطرة وذكية بس عرفت انو بابا ما رح يدرسها طنشت الدراسة وعالماشي تخلصت توجيهي ونجحت بمعدل كتير قليل وطبعا ممنوع تطلع ممنوع تفوت كل اشي ممنوع اجاها شب واتزوجت والشب هاد اكدب واحد ع وجه البشرية بيالف قصص وولد وبيركبها الغلط بكل اشي بتعمله.اخوي الاول عمره حاليا 24 سنة بخلان عليه يفتحله محل مع انه الناس بتحلف بحياته قد ماهو محترم وقد حاله قدام الناس والكل بيقدرو وبيحترمه بس ابوه مو شايفة بعينه وبيسب عليه قدام الناس مع العلم انو معه شهادة تدريب مهني وشاطر كتير بشغله والناس بتجيه والكل بيحكيله افتح لابنك محل وهو بس يصير زلمة ويعرف يشتغل ومن هالكلام اخوي التاني امي ضلت وراه ميشان يكمل دراسة مع انه عاد صفين بالمدرسة وكمل تدريب مهني وبابا طول نهاره ع مسبات عليه وقدام الناس يا معاق يا متخلف وغيرها كتير هاي اقلهااختي الاخيرة هيها توجيهي وجمعت علامات منيحة الفصل الاول بتحطها بتخصصات كتير كويسة اتحمست متل بنات اعمامي اللي قبلها قلتلها ما تدي كتير بلاش يصير فيكي زي.انا طولت كتير بس لازم احككي عن امي اللي كان الها دور انها كانت تضل ساكتة وتجبر ع حالها الذل والاهاننة والمسبات وقلة القيمة والبخل والقلة وعلمتنا هيك نكون او بالعشرة لازم نكون متلها ومو عارفة شو اعمل امانة انصحوني مو قادرة اضل عايشة مع زوج متل بابا ومو قادرة ارجع عند بابا مو قادرة ارجع عند واحد يضل يسبسب ويلعن وعدم ثقة ومادي وغيرها كتير، واقعد لحالي مو راضي.

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري الافضل ان تبقي متزوجة وحاولي ان لا تربطي الافعال والاشياء مع بعض الناس لا تكن نسخ واحدة ومن كلامك اظن زوجك افضل اهتمي بشغلك واعتبريه هو حياتك وطنشي زوجك ولعل الله ييسر لكم الامر ،،،الحياة صعبة مع نماذج كهذه ولكن اعرفي انك لست وحيدة في هذا الامر هناك الكثير من امثالك ،،،الحياة تستمر والناس اذكياء يعرفون قدركم ويعرفون طبع والدك ولا تظني انهم لا يفهمون احمدي الله ان اخوانك لم يتاثروا به ونجحوا في الحياة وانت واخواتك من طينة طيبة وجاهتم ونجحتم وانتم بهذه الظروف ،،،تعلمي واكتشفي مواهبك وركزي على نفسك وابنك والحياة ليست كلها زوج ورجل
  • صورة علم State of Palestine
    صورة علم State of Palestine
    من مجهول

    عيطت وما إلي بالقصه الله يساعدك يارب ويصبرك بس دحكي رأيه في مهر عندكم بتوخدي وبتسكني لحالك بعيده عنهم كلهم عيشه هنيه كريمه مش مذلولي واشتغلي وعيشه ابنك عيشه هنيه عشان بكرا رح يذكر شو عملتي وإذا مستصعبه فكرت الطلاق بتلجأه لحالك رعايه هيك اشي والله يوفقك

  • animate

  • صورة علم
    صورة علم
    من مجهول

    شو هالاب القاسي اللي مابقلبه رحمة ولاانسانية لا يااختي مش لازم ترضوا بهالعيشة مع هذا الاب الظالم القاسياتركوا له البيت  وذهبوا للعيش مع حد من اعمامك او عماتك اوخوالك والله يصطفى منوولايلاقي خيرعلى كل مافعله بكم انت الان متزوجة  او تطلقت مافهمت عايك عندك مشكلة مع جوزك تفاهمي معو وافضلك من الرجوع لسجن ابوك والعذاب اللي شفتيه منوطوال تلك السنين  وكل مشكلة ولها حل يابنت الناسالمهمتحافظي على بيتك وحياتك الزوجيةوتسعين لاصلاح حالك مع جوزك منشان ابنكالصغيروابوك حسابه عاى رب العالمين في كل ماسواه معك انت واخواتك 

  • صورة علم Jordan
    صورة علم Jordan
    من مجهول
    اختي الكريمة كثير تأثرت..... بس نصحيتي الك حاولي تكوني قدوة لزوجك وكوني طيبة حتي يصير بإيدك تعاملي معه بلطف وكماي شغلك وربي ابنك على الخير..... لا تكوني متشائمة... افتحي لحالك كل يوم يوم جديد...... صلي واقرأي قران ادعي الله وان شاءالله تنحل. امورك وامور اخواتك. ولا تنسي دائما صلي على النبي
  • صورة علم
    صورة علم
    من مجهول
    أقدّر ما تشعرين به , لماذا لا تحاولي طلب الانفصال والاستقلال لوحدك بما أنّك موّظفة وتستطيعين إعالة نفسك وأولادك ,فكّري بالامر جيداً , لعلك تقدرين عليه .

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟