اختي تعاني من الهوس الشبقي

السلا عليكم ..دكتور عندي اختي الكبيره عمرها تقريبا(٣٢) لاحظت عليها قبل اسبوع تصرفات غريبه وبحثت في الانترنت بناء على التصرفات اللي تتصرفها وحسيت اللي فيها هو (الهوس الشبقي ) للمعلوميه بنت عمي متزوجه من احد الشعار المشاهير و صديقه ايضا شاعر و في اعتقادها ان صديقه بيجي يخطبها وانه اللي تحس فيه الهام من ربي وتفتح لي مقاطعه في السناب شات و تقولي (هنا يقصدني في الاشعار) و ايضا تفتح لي سناب شات زوج بنت عمي و تقول بيننا انا وياه الغاز ما احد يفهمها غيري وسألتها ايش الالغاز تقول من كلامه يقول لي ان صديقه بيجي يخطبها علما بأني اشوف المقاطع و تكون عباره عن تحليل لمباريات او شي بعيد كل البعد عن اللي تفكر فيه وتشوف تغريداتهم في تويتر وتقول يقصدني وهو يتكلم عن شي سياسي بحت ،، مع العلم انها كلمت بنت عمي و تقولها الا اكيد عندك خبر انها بيخطبني بحكم انه صديق زوجها ردت عليها بنت عمي انها ما فهمت وش تقول ومو عارفه السالفه وانها تتكلم بألغاز ..انا كلمت اختي و وضحت لها انها مجرد اوهام و سألتها انتي تعلقتي فيه وردت قالت ايه و كانت ترتجف وخايفه و تقول انا مدري وش يصير فيني هديتها وما كلمتها في الموضوع ، في اليوم الثاني رجعت ارسلت لها مقاله عن الهوس الشبقي وانه مجرد اوهام وهي صدقتهاأثرت فيها المقاله مره و رجعت ارسلتها لبنت عمي (في اعتقادها ان بنت عمي تعرف بالعلاقه بس ما علمتها) وقالت لها شوفي اختي ايش راسله لي مقال وتتكلم معاها و تقول انا عجزت اني افهم اختي ان اللي فيني الهام وهي تقول لي خزعبلات ردت عليها بنت عمي انه فعلا هذا وهم واساسا زوجها ما يعرفنا وان اللي فيها مجرد اوهام وكذب بعدها رحت كلمتها مره ثانيه وقلت لها قريتي المقاله قامت وبكت وقالت انا مدري وش فيني وقلت لها اقتنعتني انها مجرد اوهام مو الهام زي ما تقولين قالت اي اقتنعت وعرضت عليها نروح لدكتور نفسي و رفضت الفكره تمام قررت اسجلها في نادي و وافقت ابغاها تطلع من البيت ..انا مره شايله همها كيف اقتنع انها فعلا ما صارت تفكر بالافكار الغريبه وكيف اقدر اتعامل معاها او اتصرف عشان ما ترجع لنفس الحاله..