غير مستعدة للارتباط و بنفس الوقت لا اقدر على تركه

مرحبا بتمنى تكونوا مكاني وع هاد الأساس اعطوني حلولكم انا فتاة عمري 22سنه وبشتغل سكرتيرة بشركة طيران ....أنا عايشه عيشه ممله كتير وكلها عزله ومن البيت للشغل وهيك شي ... مابحب اطلع مع صديقاتي بالعمل ... لانه مابحس بالأمان الا مع اهلي يلي مع الاسف كل ما طلعت معهم وهاد روتين الطلعات معهم كلها طوش وعصبيه وصراخ ... ولما اطلع معهم بميل اني اظل لحالي وكل حدا بعيلتنا بيعرفش شيء عن التاني ... من فترة سنه تعرفت بشاب ع الفيسبوك بالبداية دخلت هالشي لحتى اقطع وقت ومع انه مش متعلم بس نمى عندي حب المطالعه وصرت اقراء كتب بس عشان نتناقش فيها ... وغيرت طريقة لبسي ... وطريقة عيشتي كلها قلبت رأسا ع عقب ... وصرت قريبه لأهلي ولله ... وصرت ساعد امي بالبيت ... وصرت ذات دائره اجتماعيه موسعه ... يعني كتير شغلات تغيرت في ... صرت قويه لمجرد شعوري في حدا بهتم في بصوره مختلفه عن صور المعتاد عليها ... حدا بيزعل لزعلي ... حدا بفرح لفرحي .... حدا بيشعرني انه موجود معي دائما حتى لو ما بعرفه شكلا وما بيعرف صوتي حتى لان أنا هيك طلبت تكون نمط علاقتنا ... المهم الكل لمس علي هاد التغير ... بس أنا صرت خاف من لما بلش يحكي عن الارتباط ولازم علاقتنا تصير رسميه لانه لس في شغلات لازم اغيرهم بحالي ونفسيا أنا مش مستعده ومش ببالي فكرة الإرتباط وبنفس الوقت مو حابه اتركه لانه هو مش مصباح علاء الدين بس هو شيء صعب استغني عنه لانه حبيت التغيرات يلي كان اله دور فيهم بحياتي ... وأتفقنا أن نلتقي وجها لوجه بعد فترة قريبه من هلأ ...