هل أصبر على أمل ان ينصلح بعد الزواج

مشكلتي مع خطيبي، انا فتاة أبلغ من العمر ٢٥ سنة خريجت كلية علوم مخطوبة من ٥ سنوات (الضروف بالأول خلتنا ما نقدر نتجوز او بعدها السفر) هو من الأقارب معرفتي له كانت سريعة بفترة قصيرة إجى خطبني كان مابحب نظل نحكوا دون علم اهلي،او من هنيك بلشنا بسنواتنا الأولى علاقتنا كانت منيحة بس سطحية نوعا ما انا حبيته بسرعة او هو ماتجاوز الإعجاب شايفني البنت المناسبة ليتزوجها كنت متضايقة من بروده بس كان ع طول يجي لبيتنا او يأكدلي انه هاد طبعه او مستحيل يتركني لغاية ماسافر من سنة فالبعد المكاني كبر قلة التواصل بنا صرنا نحكي نادرا بس مؤخرا اكتشفت انه عم يحكي مع بنات كتير الحقيقة هو اعترفلي بهاد او حكالي انه هلا ماعاد يحس بشي تجاهي بس مستحيل يفكر يتركني لأني اول شي الفتاة المناسبة شايفني و كمان أخلاقه ماتسمحله يتركني بعد خطبة ٥ سنوات طلب مني اتحمل اهماله او راح يحاول يبعد ع البنات لغاية مايجي بالصيف او نتزوج ع أمل يتصلح كل شي بعد الزواج..أنا ماعرفت شو ساوي احمل حالي او بعد عنه لأن مابحبني او اصبر ع امل يتصلح بعد الزواج مع العلم اني حاولت اتقرب منه كتير بس ماإقدرت كان ع طول متجاهلني او من ناحية التانية انا بنت ريف حكي الناس كتير او اهلي مستحيل يوافقوا ان الخطبة تبطل بعد كل هاد و اهم شي انا بحبه او مو قادرة بلش انساه او اتخيل حياتي من دونه. حاسة حالي واقفة بالنص خايفة كمل معه على هذا النحو او خايفة اتركه او واجه مجتمعي الي ماراح يتركني بحاليأريد مساعدتي بأرائكم علني استطيع التوصل الى قرار وشكرا