علاقتي بصديقتي أرهقتني وأتعبت نفسيتي

الصداقة
animate

انا عندى صديقه قريبة منى اصدقاء من ٢١ سنه اما بقالنا ١٦ سنه قريبين من بعض اوى ويمكن اكتر من الاخوات كان حصل بنا سوء تفاهم وانا بعدها سافرت لبابا خارج مصر وموبايلى اتسرق وانا مسافره وفضلت طول فترة بقائى خارج مصر مش عارفه اتواصل مع حد لاسباب كتير اهمها ان انا مش فاكره الباسورد والايميل بتوعى وفضلت شهر ونص مسافره ولما نزلت اول حاجة عملتها روحت لصديقتى اصالحها واتصالحنا وعيطنا ان ازاى بقالنا الفترة دى مشوفناش بعض واتففتا نخرج واحنا خارجين لقيتها بتقولى فلانه هتيجى معانا قلتلها عادى مفيش مشكله طول الخروجه البنت دى غيرانه منى للعلم انا والبنت دى علاقتنا كويسه ونعتبر اصحاب وهى واحده من الشله كبرت دماغى من ناحية البنت وقلت عادى بعدها روحت لصاحبتى وكنت قاعده معاها اتفاجئت وانا قاعده بالبنت دى داخله واول ما شفتنى وشها قلب الوان وقالتلها معرفتنيش ليه انها هتيجى قالتلها مكنتش اعرف البنت دى بعدانى عن صاحبتى بسبب تصرافتها كل ما يحصل حاجة تعيط وتكتئب فى مرة بكلمها وبقولها انتى بتكتئبى ليه بس قالتلى صريحا بسببك انتى وفى مره تانيه كنت قاعده مع صاحبتى واخوها مكنش فى البيت وبنتفرج على التليفزيون فبتقولها متجوزينى اخوكى ضحكت صحبتى وقالتلها لا داه محجوز من زمان لناس وبصلتى ضحكنا كلنا وبعدها بشوية اخوها جيه من بره نادته البنت دى وقالتله اللي حصل وانا وشى قلب طماطم وكانت بتجرح بالكلام اذا كانت صاحبتى تقصدنى انا وتقوله توقع كدا انها فلانه دى تبقى علاقه حقيرة وفضلت تتريق جامد للعلم هى ذكية يعنى حركة زى دى اكيد فهمتها انا من كمية الخجل قمت بعدها مشيت للعلم ان انا وهو اصلا بنحب بعض من زمان اوى بس محدش فينا كلم التانى اخته حكتلى انه راح كلمها عليا وانه بيحبنى وانا كنت معرفها ان بحبه وهو قالها عرفيها ان فى خلال السنه دى هتقدملها ومحدش فينا راضى يكلم تانى غير فى الحلال خلاف كدا علاقتنا سحطيه اوى اما من ناحيه صحبتى البنت دى بتعمل كل حاجة عشان تبعدنى وبصراحه انا بدأت اتعب منها علاقتى انا وصحبتى قبل وجودها كانت جميلة وهادية انا مبحبش العلاقات اللي بتحتاح مجهود عشان تبقى مبحبش العلاقات اللي بتتعبنى نفسيا وبترهقنى انا معنديش مشكله ان حد يقرب من صاحبتى بس ميكرهمنيش ولا يحاول يبعدنى انا وصحبتنى عن بعض تتخيلوا انها بتبعتلى رسايل على صراحه وتشتمنى وبتدعى عليا ورسايلها كاشفه نفسها اوى انا بعدت عن صحبتى بقالى اسبوع وكل ما صحبتى تكلنتى اتحجج ان مش فاضية واتهرب منها وصحبتى لسه مخدوعه فى البنا ومفكراها طيبه وبريئه

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا ابنتي واعتقد ان المشكلة ليست مع صديقتك فعلاقتك بها جيدة وربما تتطور مستقبلا لتصبح عائلية ان تقدم اخوها لك ولكن السوء حسب قولك في دخول تلك البنت ولا ادري هل هو ربما وبدون وعي منك شعور بالغيرة منها او زعزت ثقتك بنفسك او انها حقيقة لها اساليبها وعندها نواياها الخاصة، اولا اريدك ان تكوني واقعية وتعرفي ان الغيرة والقلق ياتيان من قلة الثقة بالنفس فان كنت واثقة من نفسك وتعرفي قيمتك امام نفسك اولا وصديقتك واخوها لن تقلقي من اي شخص، ولكن ان كنت تشعرين ان ثقتك بنفسك ممتازة وان البنت حقا متعبة قولي لصديقتك مباشرة انك لا تشعرين بالراحة واظهري لها الرسائل واخبريها انك تحترمين صداقتها معك ولكن قولي لها انك تتمنين عليها ان لا تدخل وسط ثالث معكما، وتريدين ان تبقى علاقتك بصديقتك لوحدكما طيبة ولها ان تتصادق مع من تشاء ولكن لوحدها، وانت بدلا من ان تقطعي صديقتك احضريها لك واقض وقتك معها لوحدكما بدون تلك الثالثة وهكذا تضمني استمرار صداقتك معها وتبعديها قليلا عن تلك او تكون هي معها لوحدهما، وفي ذات الوقت يجب ان يكون لك صداقات اخرى وعلاقات فانت صبية وواعية وربي يوفقك.
  • صورة علم
    صورة علم
    من مجهول
    صدقيني بانك بجاجة إلى توسيع دائرة الصداقة، والتعرُّف على صديقات جديداتٍ، والاختلاط بالناس بشكلٍ مستمرٍّ وسطحيٍّ، هذا بالإضافة إلى الانشغال بالأعمال التطوعيَّة، وتنمية المهارات والخبرات، وممارسة الرياضة
  • animate

  • صورة علم
    صورة علم
    من مجهول
    تجردي من المواقف السلبية السابقة عن نفسك وابدئي صفحة جديدة كلها ثقة بالنفس، وتأكدي أن من يستهزؤون منك سيندمون يوما، وكما تقول الحكمة الصينية:" أفضل طريقة للإنتقام هي النجاح"
  • صورة علم
    صورة علم
    من مجهول
    اقفلى معها باب النقاش فى هذا الامر وضعى حدود بالتعامل بينك وبينها
  • صورة علم
    صورة علم
    من مجهول
    انا ملاحظ انه صديقتك حقودة وتشيل في قلبها زيادة عن اللزوم، وهذا النوع من الاصدقاء صعب كتير
  • صورة علم
    صورة علم
    من مجهول
    صديقتك لم ترع الصداقة التى كانت بينكما ولم تحفظ وتصون العشرة فهى لا تستحق ان تكون صديقت اشطبيها من حياتك ولا تنظرى للخلف
  • صورة علم
    صورة علم
    من مجهول
    ابتعدى عنها وضعى حد لهذه الصداقة

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟