أقرأ كلام الناس في عقولهم

السلام عليكم انا بطرح مشكلتي الغريبه، انا بنت اسمع الناس لما يتكلمون بعقلهم.. دايماً اذا جيت اتكلم مع اي شخص اسمعه لما يتكلم مع نفسه واعرف نوايا الناس بسبب اللي يقولونه عني زمان كانت عندي صديقه احبها لدرجه كنت اعتبرها اختي! كنا نتكلم عن بنت وبعدها سمعتها تكلم نفسها وتقول عني " ع اساس طالعه منها دي دحين شايفه نفسها مدري على ايش " للعلم اني من يوم عرفت نفسي وانا عندي المشكله ذي وما علمت احد لأنهم ما بيصدقوني متأكده واصلاً انا استفيد من المشكله ذي واعرف ايش يقولون الناس عن الناس الثانيين وايش يتكلمون بعقلهم وذا شيء ممتع مع انه متعبني ، وعارفه نسبه كبيره منكم ما بتصدقني وحتى ممكن كلكم ما تصدقوني وتقولون متأثره ومدري ايش لكن والله اسمع كل شيء يقولونه بأنفسهم ساعدوني ابغا اعرف فيه احد زيي يسمع الناس تتكلم بعقلها؟ ولا تقولون يمكن تتوهمين مستحيل أتوهم لأني دايماً لما اتكلم مع وحده تتكلم بعقلها وتقول "كيف اصرفها ذي الحين؟ بسوي كذا وكذا " وفعلاً تسويه! ودايماً لما اطلع مكان عام اسمع اصوات كثيره وتكون عاليه باذني عن ناس تتكلم وناس لهم وجهين وكثير! يوم كنت صغيره شوي فيه بنت معي بالمدرسه تهاوشت مع صديقه احبها وتتكلم مع عقلها وتقول بكب مويه بشنطتها وتفكر افكار تخوف! وانا رحت قلت لصديقتي انتبهي بتكب بشنطتك مويه وصار سوء تفاهم كبير وتخاصمت معاها.. اتمنى منكم ما تكذبوني لأني ما كذبت بحرف واحد، انا احب هالشيء فيني مع انه بعض الاحيان يسببلي حزن بس استفيد من هالشيء كثير بحياتي واعرف مين الصادق ومين الكذاب، علموني ايش تفسير المشكله وفيه احد زيي ولا لا؟