لست مجبرة للرجوع له

قضايا اسرية
animate

تزوجت من ٦سنوات من ابن العم وخلال هذه السنوات كان مسافر سنتين منهم الي دولة عربية وحملت وقبل الولادة بأيام توفت كان مسافر لما رجع اجازة رفض السفر مرة اخري وجاب سيارة صغيرة هى الأستفادة من السفر وتوالت المشاكل والسب حاله تغير انا شكت بسبب تاخر الخلفة مع اننا ذهبنا للطبيب اكتر من مرة وقلنا مفيش سبب للمنع وعملنا تلقيح مرتين وربنا مرزقناش تاني توالت المشاكل وكل شويه لورحتي الحجرة التانية تبقي طالق اورحتي عند امك واكتر من مرة عديت المشاكل واخوه واخويا تدخلو قبل ذلك وصلحوا جاء فوجأت بكلام غريب زي انا متجوز وعندي طفل كنت بكبر واخدها هظار لقيته اكثر من مرة بلغني زعلت بعد كدا قلي انه متزوج وعنده ولد سالته مقعدهم فين قلي مأجر شقه ومقعدهم ويقلي اسم ابنه وساعات يقعد يبص في السقف عشان مقشر من الرتوبة ويقلي شيفه عمل ازاي اقله عايز يتعمل يقلي لاء معملنا عمل ومرة خضني باليل بعد ما نمنا الشقة كانت ضلمة جدا بدور وجهي لقيت حد واقف جنب السرير وبصصلي وموطي علي وجهي رحت مصرخة صراخ شديد جدا لكن مبيولعش النور ولا بيجبلي ماء من الخدة ولا بيقول بسم الله راح في الاخر لما صرخت وقلتله ولع النور انت بتعمل كدا ليه قلي مالك حببتي كنت ببوسك من راسك قلتله حرام عليك كان ممكن يحصلي حاجة انت قاصد قلي لاء مش قاصد وحاول بعد كام يوم يعملها تاني بس كنت عاملة نفسي نيمة عشان اتأكد فعلا كان عايز يخضني تاني بس زأته من صدره وقلتله أتقي الله بعد كدا فضل بقة يقلي منحقي اتجوز قلتله روح مفيش مشكله بس نسيب بعض ويقلي تروحي المقابر وتلفي وتدخلي من باب وتطلعي من الأخر وتعملي حجامة وانا رفضت الكلام دا عشان انا عرفة انه حرام هو بيقول عشان الخلفة ولقيته بيزهقني متخرجيش عند ماما ولا للجران متلبسيش كدا سدأيني خفت منه جدا ومش حسه بالأمان لما كان يدخل المنزل مكنتش بعرف انام بخاف ليخضني اعصابي تعبت ورحت عند ماما بعد خناقة كبيرة ومبحسش معاه الحب والحنان جاف المشاعر والألفاظ يقعد يدعي علية عقبال ميهفك قطار او ترمي نفسك من البلكون كنت اقله اللي يكرهني حيحصلهة كدا وكان يقلي انتي طيبه طلعتيلي منين كنت مريحاه اخر راحة اكل وبيت نظيف وحنان وخوف علية بس مكنتش بلاقي غير الأهانة والصوت العالي لحد مطلبت من اخويا اني مرجعلهوش تاني وصممت وفعلا أطلقنا ومن بعد مطلقنا حيموت عشان يرجع والأسبوع الماضي ذهب لأخي بمنزله طالب الرجوع وانا لما بسمع الموضوع دا بتنرفز جدا ومش طيقة اشوفه خالص لأني لا بثق فيه ولا حأدر انام تاني وانام مرتاحة في بيته وغير لسانه اللي ع طول بيدعي عليه ومبحسش بالحنية داخله قسوة غريبة عشان كان بيشوف مشاكل امه وأبوه ميعرفش حاجة عن الحنية واللسان الطيب كل كلامه صعب القلب يتقبلهويبات بره البيت او يينزل من اول النهار لأخره ويزعقلي لو اتصلت بيه في الأخرباع تليفونه وماشي من غير فون وبقله طب تعرف اهباري منين يقلي منتي مرزوعة في بيتك حتروحي فين ومرة بيت عند اني خميس وجمعة المفروض يجي يخدني لأقيته كل يوم يطلع ححة عنده شغل اخر الأسبوع جالي خدني وأعترفلي انه كان مأجر الشقة لناس عرب جين يعلجوا بنتهم هنا قلتله ليه كدا تنيمهم ع فرشي دي مشقة مفروشة دي احنا عيشين فيها قلي خللص مش حغمل كدا تاني قلا أسترزق قلتله عندك عربيتك وارضه باللي قسمه ربنا وامنته ميغملش كدا تاني ومرة كنت عند امي بردو خميس وجمعة وقلي في الفون ان جايب خروف حطه في الشقة مع العلم الشقة صغيرة جدا قلتله في حد بيعمل كدا وقبل مروح البيت حكالي ان الجو كان سقعة وفتح كل عيون البوتجاز عشان يدفي هو والخروف في البيت وراحت عليه نومه والخروف قعد يصرخ من السخونة اللي بالشقةوراح صحاه وفعلا قام طفي العيون وبعد كام يوم الخروف مرض وراح شرح للصيدلي البطري وكتبله ع ابر الخروف لازم يأخذها را ح عطي هو الأبرة للخروف علي بللليل الخروف كان مات قلتله حرام عليك انت متعرفش فحاجة ليه تعملها اهو مات وانت دكتور استغربت بيعمل حاجات غريبة انا كنت بقلق منه اي حاجة تيجي في دماغة بينفذها تعبت منه دا كان بيصلحني بالخروف ولا شفته لما جابه ولا لما مات روحت بعد كل دا ما حصل وقلتله الحمد لله لأني كنت مش حنام وقلي انا كمان واللهي زعلت عليه قوي انسان غريب وانا مش مجبره اني ارجعله لمجرد محملش لقب مطلقة للأسف تعبت انصحيني اعمل ايه

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟