صورة علم Egypt
من مجهول
منذ 3 شهور 1 إجابات
0 0 0 0

البقالة في المنام

أنا بعد صلاة قيام لربنا ودعاء كتير لحل مشكله عندى وعريس متقدم ليا نمت بعد تعب فى الصلاه والدعاء لربنا قبل الفجر ونمت ساعه صلاة الفجر وصحيت ساعه الاقامه وحلمت انى كنت فى محل بقاله لسيده اسمها بهجه ولقيت على الرف زجاجه شربات بلاستيك فراوله (الشربات الحجم العادى ) ومكتوب عليها 35 فأخدها وفرحت قوى لانى بحب الشربات الفراوله قوى ولما مسكتها بأيدى لقيت حجمها بقا صغير قوى زى زجاجه البرفان ولما فتحتها لقيتها عباره عن ماده بيضاء لزجه بس سايحه شويه وفيها حبيبات حمراء وطعمها معجبنيش خالص ورحت لصاحبة المحل وقلت ليها انتوا نصابين دى مش شربات وصغيره قوى وده ميش حجمها الطبيعى وطعمها وحش قوى ومشيت وبعد لما مشيت شويه لقيت رف عليه مصاصات بس قديمه قوى فقلت هيه المصاصات دى لسه موجوده دى مصاصات قديمه قوى وكانت مصاصات اللى بتعمل صوت ( بتصفر لما تنفخ فيها ) فقلت هأجربها وأخد منها اتنين فتحت الأولى لقيتها فاضيه وفتحت التانيه لقيتها عباره عن جيلى فراوله لما أكلتها لقيت طعمها حلو قوى وعجبتينى قوى لانى بحب الفراوله اصلا وحبيتها جدا وقلت هأجيب اتنين كمان لأولاد أختى إيمان ( البنت اسمها براءه والولد اسمه ياسين عمرهم 6 سنين فى وقت الرؤيه ) ولما مشيت شويه لقيت ست وبنت لابسين محترم وواقفين قدام التلفزيون ومركزين فيه قوى بس رافعين مؤخرتهم ( اسفه على اللفظ ) فسألت بنت صاحبة المحل اسمها رانيه هما بيعملوا كده ليه قالتلى هما بيقلدوا اللى فى التلفزيون فقالتلها بس ده حرام وبصيت على التلفزيون لقيت راجل وسط مجموعه وبيقلهم حاجات وهما بيعملوها واستغربت ازاى بيعملوا كده وده حرام ولفت نظرى ست وسط المجموعه لابسه عبايه بس رافعه مؤخرتها عالى شويه عن كل المجموعه ( اسفه على اللفظ مره اخرى ) وكان فى لبانه لاصقه فى العبايه من وراء والراجل شيلها فاضيقت جدا وقلت ازاى يعملوا كده ازاى راجل يلمس ست كده وهيه لابسه عبايه كمان ده حرام وبعد كده كلمت الست والبنت اللى بيتفرجوا على التلفزيون ان ده حرام وبيغضب ربنا وربنا هيزعل مننا وده غلط لكن محدش سمعينى ولا اهتم بكلامى خالص وصحيت وانا بنصح فيهم بس ارجو التفسير ملحوظه : الحلم ده من شهر فى فصل الشتاء وكنت فى الوقت ده فى مشكله كبيره عندى واتحلت الحمد لله وظهرت براءتى فيها والمشكله اتحلت تانى يوم الرؤيا الحمد لله وفى نفس الوقت اتقدملى عريس متدين واخلاقه عاليه وعارف ربنا بس انا ميش مقتنعه بيه خالص وبحاول اقنع نفسى بيه لكن اوقات اقتنع واوقات لا وقلت له ادينى شهر افكر ووافق واتمسك بيه اكتر والشهر حاليا خلص ووافقت رغم عدم اقتناعى لكن وافقت لان أهلى راضين وكل اللى حواليا راضين ولانى خايفه ارفض ممكن يكون رزق من عند ربنا وخاصه انى فى حاجات بتمناه لقيتها فيه بس لازالت ميش مرتاحه بس بقول ممكن ارتاح فى الخطوبه والخطوبه هتتم ان شاء الله قريب وهيكون عمرى فى الوقت ده 35 سنه انشاء الله فهل ده ليه علاقه بالرؤيا وهل ليه علاقة بالشخص اللى هيخطبنى ان شاء الله وخاصه ان مفيش حد اتقدملى غيره طول الفتره دى ولو ان الفرق بينا 6 سنين بس وياريت معنى الشربات ايه والجيلى الفراوله ايه والست والبنت معناهم ايه وهل معنى وجود الست والبنت ان فى مس او حسد او سحر مانع عنى قبول هذا الشخص ولو انى بقرأ كل يوم سوره البقره كامله بعد الفجر وحاسه انى كويسه الحمد لله ارجو الرد سريعا