تفسير حلم المبنى الكبير

حلمت بانى فى مبنى كبير ومستنية صاحبتى وهى بتتجوز من جوزها تانى عشان افاجئها فوهى داخلة هى وجوزها بالفستان الابيض طلعت افاجئها وباركتلها وحضنتها وكنت مبسوطالها اوووووى وهى مكنتش مصدقة انى موجودة واتبسطت جدااااا وكانت بتقولى انها متعرفش عملت خطوة انها ترجع لجوزها تانى ديه ازاى فقلتلها وانا بشجعها انها كدة عملت الصح وانى مبسوطة بيها وفخورة حاجة زى كدة يعنى ا وصاحبتنا التالتة كانت موجودة من اول الفرح لما شفتنى هى كمان اتبسطت اوى واتجمعنا احنا التلاتة وطلعنا المبنى نخلص ورق لصاحبتنا العروسة واحنا بنخلص الورق فوق البنت الموظفة هناك كانت كويسة معانا وخلصتلنا الورق بسرعة وقعدت تتكلم معايا فاصحابى خلصوا ونزلوا وانا فضلت قعدة مع الموظفة شوية مخدتش بالى من الوقت بعدها سبتها ونزلت بسرعة غريبة اوى لاقيت اصحابى مستنينى تحت ومردوش يمشوا من غيرى وانا بعدى اروحلهم لاقيت طفل عالارض ادام ناس بسيطة كانه ابنهم كنت خايفة اتكعبل فيه وقعدت سرحت فيه شوية اد ايه الاطفال دول نعمة وانه طفل جميل ما شاء الله لما وصلت لاصحابى كان معايا ورد واكل معرفش جم منين لاقيت صاحبتى التانية مش العروسة خدت الاكل منى تساعدنى وادتهم لناس غلابة قعدين جمبنا اتبسطت منها اوى وقعدت جمبهم على كنبة خشب وناس بسيطة كتير حوالينا قعدين برضو كانهم مستنيين دورهم ... اصحابى الاتنين فى الحقيقة متجوزين ومخلفين وانا عزباء تفسير الحلم ده ايه لينا لو سمحتم