صورة علم Qatar
من مجهول
منذ سنتان 2 إجابات
0 0 0 0

سم الثعبان في المنام

السلام عليكم ورحمة الله وبركاتة ساعدوني في تفسير الحلم انا كنت متزوج وفي وقت الحلم ده كان في مشاكل كبيرة بيني وبين زوجتي ووقت الحلم كانت بنتي عمرها سنه الحلم (عندنا ارض زراعية ملك لعمي وفي اخر الارض حلمت ان في غرفة صغيرة والغرفة دي كان فيها ثعبان كبير طولة تقريبا من 3 ل4 متر و لونه اخضر وعلية نقط سوداء والثعبان كانت راسة مسحوبة وكبيرة وعلي رأس الثعبان موجود جوهرة بحجم راس الثعبان حاولت اخرج الثعبان من الغرفة دي لحد ما الثعبان خرج انا خوفت وجريت علي الطريق جنب الارض والثعبان بيجري جنبي في ترعة جنب الطريق والناس بتجري وراه عشان يموتوه الثعبان خرج من الترعة وانا في الوقت ده كنت بالظبط جنب دماغة وحاول الثعبان يعدي من فوق دماغي انا مسكته من رقبة بإيدي وضغط عليه لحد ما الثعبان عضني في ايدي ونزل مني نقطتين دم بس وانا مسبتوش خالص بنت عمي كانت مع الناس اللي موجودين قالت لازم ياخد الثعبان معاه للمستشفي عشان يخرجوا المصل بتاع السم من الثعبان نفسه واخدت الثعبان في شنطه كبيرة وروحت للموقف بتاع السيارات عشان اخده واروح بيه المستشفي . الثعبان مش عايز يهدئ خالص وانا ماسكة من دماغة . انا مسكت راس الثعبان وفتحت بوقة للاخر خالص لحد ما بوقة انفصل لنصين ودماغة انفصلت عن جسمة في الوقت ده الثعبان اتكلم وكلمني وقال . انت ليه موتني قولتله ماهو انت كمان كنت عايز تموتني قال انا لو عايز اموتك كان زمانك ميت من اول ما انا عضيتك انت متعرفش السم بتاعي قاتل قد ايه بس انا منزلتش من السم بتاعي في ايدك انا كنت عايز اهرب من الناس وانت اللي مسكتني وانا عضيتك عشان تسيبني بس قولتله طيب انا اسف والثعبان سكت ورجعته تاني داخل الشنطه بس بدون راسه اللي اتقطعت وكان اي حد من الناس الموجودين يقرب جنب الشنطه الثعبان يحصل عنده هيجان وميسكتش غير بعد ما انا افتح الشنطه واقولة انا احمد يعني ميطمنش غير وانا موجود جنبة واعرفه ان انا احمد ورجعت بالثعبان في الشنطه لعند الارض بتاعت عمي تاني وانا في طريقي للبيت في مبني صغير جنب ارض واحد تاني وفي ركن الارض كومة من الطوب انا رفعت طوبة لقيت تحتها فلوس كتير واخدت فلوس كتير جدا لدرجة ان الفلوس من كثرها بتقع مني في الطريق ومشيت وسيبت باقي الفلوس جه ابن اعمي واخذ من الفلوس اللي موجوده هو كمان وقالي يا احمد تعالي نغسل الثعبان في الترعة ونخليه يستحمي ووافقت والثعبان كان مطمئن معايا جدا لدرجة ان اي حد يقرب منه يحصل عنده هيجان وميهداش خالص الا لما انا اطمنه واقوله انا احمد ونزلت الثعبان في الترعة عشان يستحمي الثعبان هرب وجري في الاراضي الزراعية وانا قولت لابن عمي روح هات الثعبان قال مش هيرجع معايا قولتله روح وهيرجع معاك راح وجاب الثعبان وفضلنا ننزل الثعبان الترعة ويهرب وابعت ابن عمي يرجعه تاني ويرجع معاه .. انا اسف للإطالة عليكم بس ياريت لو حد فيكم يقدر يفيدني في تفسير الحلم ده اكون شاكر ليكم جدا. والسلام عليكم ورحمة الله وبركاتة