متزوجة وأخطأتُ مع شاب عبر الإنترنت.. فأوقعني في شباك الابتزاز

Question

غلطه واحده ف عمرى بس هتخرب بيتى السلام عليكم قبل ماقول مشكلتى انا عارفه انى غلطانه مليون ف الميه فارجوا بلاش تجريح بالله عليكم انا سيده اربعينيه عندى ولد وبنت اتجوزت جواز تقليدى حالتنا الماديه مش كويسه بس الحمد لله راضيه بكل حاجه بس جوزى اهم حاجه عنده ف الدنيا الجنس مابيهمهموش اذا كنت تعبانه او بشتكى من حاجه اهم حاجه عنده انه ياخد حقه الشرعى حتى لو بموت يقولى وانا مالى حتى لو بفكر ف العيال والبيت والديون بردوا مالهوش دعوه وطبعا مافيش رومانسيه ولا خروج المهم من كتر الزهق دا بدات ادخل الفيس بوك واكلم بنات وشباب وادخل جروبات وكنت مبسوطه بدا وبعد فتره اتعرفت على واحد كنا بنتكلم عادى جدا واخدت رقم موبايلى وكنا نتكلم كتير بس كله ف الحدود وبعدها طلب صور فانا حسيت انه كويس فبعت له صور وانا ف البيت ومره على مره كنا بنتكلم كلام حب ورومانسيه على الفيس بس كنت حاسه انى ف فتره مراهقه متاخره لحد ماجه ف مره قالى انه عاوز يعمل علاقه معايا ع النت انا مافهمتش ف الاول لحد ماقالى دا كلام وبس ووافقت بس بعد كدا فوقت من اللى انا فيه بس بعد فوات الاوان قفلت موبايلى وقفلت الفيس واتجهت لربنا عشان يغفرلى ويسامحنى بس ربنا لسه غضبان عليا لانى فتحت الفيس تانى لقيته عاوز يفضل معايا يا اما يبعت كل حاجه لجوزى وعيلتى كله ومش بس كدا دا مسلط عليا واحده مش كويسه عاوزنى اعمل علاقه معاها انا اتكلمت معاها وقولتها احنا ستات زى بعض خافى من ربنا واتقى الله وفضلت اتوسل اليها انهم يبعدوا عنى لكن مافيش فايده اتبعت نفس الاسلوب بتاع الشاب دا وبقت تهددنى دا غير انهم بيشتمونى ويبهدلوا فيا حاولت اتصل بيه عشان اتوسل اليه لكن لقيه غير رقمه وكل ما اعمل حظر يكلمونى من اكونت تانى وبيهددونى هما الاتنين عليا وانا لوحدى ومقدرش اقول لحد لانى انا الللى غلطانه مش عارفه اعمل ايه بالله عليكم حد يقولى اعمل ايه انا بموت كل اليوم من الرعب منهم مع انى والله كل يوم بصلى وبستغفر ربنا وبتوب اليه وندمت اشد الندم بس ربنا مش عاوز يخلصنى منهم ياريت تردوا عليا ف اسرع وقت واسفه للاطاله

الدكتورة سناء مصطفى عبده · Accepted Answer

يا سيدتي الله ياسمحك ولن اتحدث في المشكلة انت اكتشفتيها بنفسك اريدك ان تحفظي كل ادلة التهديد والرسائل التي وصلتك منهم وارقام هواتقهم واسمائهم واي امر آخر لاستعماله ان اضطررت مستقبلا ثم أن تغلقي حساب الفيس بوك لأنك لما اعدت فتحه واتصل معك شعر انك خائفة من التهديد فتمادى معك انت كبيرة وواعية وستتصرفين وحدك ثم ازيلي الشريحة من هاتفك وغيري رقم الهاتف فلن يصلوا لك ان شاء الله ولن يعرفوا اين تسكنين انت اخطأت بالتواصل معهم والتوسل اليهم اتركيهم ولا تخافي منهم فهو اكثر جبن من ان يفعل بك شيء وان شعرت ان احد اعاد التواصل معك اريدك ان تبحثي عن رقم الجرائم الالكترونية وتتصلي بهم وتخبريهم عما حصل معك وهم سيتعابعون الموضوع واريدك ان تسملي لهم كل الادلة التي معك واكثري من الاستغفار وكوني قوية وهذا درس لك ولكل من يقرأ هذه الرسالة وربي يبعد عنك الشر وبالطبع الجنس هو اساس العلاقة الزوجية وان لم يأت زوجك لك لمن سيذهب وانت شاركيه الحب واعملي رومانسية واطلبيها منه وفقك الله وطمنينا عنك

من مجهول · Answer

اتصلي بالبوليس

من مجهول · Answer

دوري ع مباحث النت فيه ضابط هناك ممك يساعدك احكيله الحكايه وهو هيتصرف مش تقلقي اوشوفي مهندس بيفهم فالفيس كويس يقفل لك الاكونت بتاعك عشان مش يقدرو يوصلو لحد من عايلتك

من مجهول · Answer

مادام ربي ستر عليك لحد الحين انتبهي تفضحي نفسك الجأي لحد تحسي انه مستقيم زي امام مسجد مثلا او جمعية رعاية الاسره وفي سريه تامه اعطيهم التفاصيل وان شاء الله يجيبوا العصابه الفاسده هذي الله ينتقم منهم ومن كل من يحاول تشويه صورة اي انسانه ماراح اقولك خليه درس ليك لأنه اساسا درس مؤلم كمان لكن انتبهي لعيلتك واتقي الله فيهم بعد كدا ولاتفتحي النت خالص وغيري كل الباسوورد تبع اكاونتاتك القديمه بباسورد جديد وقولي لزوجك ان اكاونتاتك شكلها اتهكرت لانك تدخلي بالباسوورد وماترضى تفتح تحسبا للجاي اذا في حال نفذوا تهديداتهم يكون زوجك عارف ان حساباتك تهكرت من فتره كان الله في العون

من مجهول · Answer

نصيحه لله اوعي تصلحي غلط بغلط مهما حصل حتي لو هتخسري كل حاجه لو صلحتي غلط بغلط هتخسري كل حاجه بجد خلي املك ف ربنا غيري رقم تليفونك واقفلي الاكونت خالص ماتديهومش فرصه لتهديدك اصلا هما مش هيستفيدو اي حاجه لو بعتو الحاجه دي لجوزك وهما مش عارفين يوصلولك اصلا هما بيحاولو يضغطو عليكي لغاية ماتوافقي طول مانتي قدامهم حاسين بخوفك ولا حتي تواجهيهم انك مش هامك اختفي وبس وحاولي تضيعي تليفونك لو يسمح ظروفك اكنه ضاع وكسريه فعلا وارميه وهاتي تليفون برقم جديد عشان حتي لو الصور وصلت لحد من عائلتك يبقي التليفون اتسرق وحد اخد الصور بعتهاله وصدقيني لو اختفيتي هما هيملو منك وهيدورو علي ضحيه تانيه

من مجهول · Answer

بلغي الجرائم الالكترونية اولا وماتقلقي مش هايفضحوكي ثانيا احذفي حساب الفيس بوك نهائيا ثالثا الغي رقم تلفونك اللي كلمتية منه لكن لازم تبلغي مكافحة الجرائم عشان تخلصي منه نهائيا وعشان ماتعشيش في قلق ان ممكن يستغل اللي عندة وربنا معاكي واتمني تكون درس لكي ولغيرك

من مجهول · Answer

الحل بسيط جدا وسهل اتلفي هاتفك مع الشريحه واطلبي من زوجك جلب جهاز جديد وشريحه وانسي الماضي وابدئي من جديد ف الحياة تستحق ان نعطي انفسنا فرصة اخرى ولا تفكري بنباح الكلاب سياتي يوما وستصمت للابد

من مجهول · Answer

اقفلي الاكونت بتاعك ومش حيقدروا يوصلوا لك ولاتعريهم اهتمامك وإذا توصلوا إليك بأي شكل من الأشكال اخبري زوجك إنك كنت متواصلين مع واحدة ولكنها طلعت رجل وتريد مني ان أعمل أشياء غريبه أو هدديهم إنك ستبلغين الشرطة

من مجهول · Answer

اولا انزعي الخوف ثانيا انت قمت بعلاقة في عالم الخيال ابدئي بحفظ الأرقام والصور واحفظيهم خارج الهاتف في شريحة خاصة لا تتواصلي معهم بأي طريقة واقطعي علاقتك بالست واعملي تحريات عنها ولا تتصلي وغيرى الرقم والأصدقاء وان اتصلوا لا تردي ابدا واتصلي بمصلحة جرائم الأنترنت بالشرطة وكفى

من مجهول · Answer

متعبرهمش وهدديهم انك هتبلغى الشرطه واقغلى تليغونك وهاتى خط جديد واكونت جديد وضفينى عندك وانا هتصرف معاهم

من مجهول · Answer

كتير من الناس بيغلطوا والناس المبتزين هم اول ناس جبناء والمفروض يخافوا أطلب منك تحطي اسماء كل أكونت فيس بوك هنا وكمان حطي الارقام اللي هددوك والغي صفحتك من الفيس بوك وقفلي الموبايل وأي برامج تخص الموبايل وسيبي الباقي علي ربنا ومساعدة أهل الخير لأن واضح انهم عصابة

من مجهول · Answer

تغلطت عندما اظهرت خوفك لهم كل ما عليك احفظي كل الادلة والمحادثات واقلبي الطرابيزة عليهم قولي ا نك حتبلغي الشرطة بالتهديد ولو على جووزك قلهم اعملو لي بدكم فيني اقول انو الحساب اتسرق واستعمل من طرف ناس تانية وان الشرطة حتجيب قرارهم لو رجعو اتصلو بيك وحتحطي حسابك ورقمك تحت متابعة الشرطة عشان يجيبوهم ابعثي الرسالة ده واغلقي كل شي عندو علاقة بيكي وقولي لجوزك انو حساباتك اتسرقت وعملتي واحد تاني ولا ترجعي تفتحي وغيري رقمك وكل شي حاولي ماتتركي اثر اغلقي الحساب نهاءي حت ما يوصلو لاصدقاءك ومعارفك

من مجهول · Answer

اقفلي الفيس خالص و غيري رقم تليفونك و لا تردي عليه و لا عليها و لا تتوسلي و تبيني ضعفك و قربي من ربنا هو ها يدافع عنك لو صدقت توبتك

من مجهول · Answer

اقفلي الأكونت بتاعك خالص واعملي له ديليت من الفيس وسيبيها على ربنا

من مجهول · Answer

اغلق حسابك و غير رقمك و ما تخللهمش فرصه يتكلمو معاكي هم مش هيبعتو صورك لجوزك عشان كده هيخسرو سلطتهم عليكي و قدمي بلاغ للشرطه و حاولي تشوفي حد يعرف مين صاحب الرقم و لو لقيتي اسمو الحقيقي هددو و قلو انا هشتكي عليك

من مجهول · Answer

بسيطة جدا عندك الشرطة وقسم الجرائم الإليكترونية

من مجهول · Answer

قدمي بلاغ في المباحث الالكترونيه بمصر

من مجهول · Answer

الحل بسيط جدا و الحمد لله انتي لم تتورطي بما هو اشد ما عليكي الا ان تنفذي خطوتين فقط و تكوني قد خرجتي من مشكلتك الاولى الغاء حساب الفيس الثانيه تغيير رقم موبايلك

من مجهول · Answer

لو كان الكلام كلو عالفيس افتحي حسابات كثير باسمك بحيث زوجك يفهم انه تشابه اسماء من سكرين يعني محادثات مفبركة مش من الحساب الحقيقي من حد متسلط صديقة استعملت صورك لو الصور عادية ومتخضعيش للابتزاز تحت اي ظرف لانهم لن يتوقفوا فحتخسري نفسك قبل جوزك حاولي تستري على نفسك ان الله حليم ستار وتوبتك ونذمك يشفع لك عند الرحمان الرحيم اهم حاجة اياك واياك ان تخضعي لهم ومتدخليش الفيس ولو طلموه فرضا انكري كل حاجة لانه لن يقبل الخيانة ولو مساجات وحيحتقرك واظن انه الاولاد لا ذنب لهم يسمعو عن سمعت امهم ويفهموا انها عملت واعترفت ولو حذث طلاق لا سمح الله استري على نفسك خليها شكوك بلاش اولادك يتجرحوا

من مجهول · Answer

ابحثي على رقم مباحث الانترنت وبلغيهم وهما هيتصرفوا معاهم ربنا يتقبل توبتك ويبعدهم عنك

من مجهول · Answer

لا تخافي لن يمسوك بشىء هدا التهديد لاجبارك فقط اغلقي كل شيء ولكن قبل ذلك اكتبي لهم انك اعلمت الشرطة و انك اخبرتيهم انك تهدديهم و انك تحتفضين بكل شىء من رسائلهم و كل شىء و انك لن تسامحيهم و سيكون مصيرهم السجن و الابتزاز و سترين كيف سيهربون منك كوني قوية لا مجال للضعف لانك ستكونين انت الخاسرة

من مجهول · Answer

لا يوجد رد افضل من رد الدكتورة سناء عبده

من مجهول · Answer

اثبتي على موقفك طالما لم يمسك أحد واتركى الفيسبوك وغيرى رقمك ومهما عملم لا تستسلمى لاغرضهم الدنيئة وصوني شرفك لأنك لو ضعفتى معناه ضياع كل شيء وانت والحمدلله لم تغلطي جسديا وحتى لو تكشف الأمر ممكن تقولى أن حصل لك هكر لموبيلك واتسرق كل الى عليه أو كنت بتصلحيه وبعد فترة بدأ التهديد وان شاء الله ربنا بيسامح اهم حاجه صوني نفسك حتى لا تكون المصيبة اكبر والله المستعان لنا ولكى

من مجهول · Answer

اغلقي كل حسابك ورقم غيري والتزم الاستغفار سيجعل لكي من كل ضيق مخرج اذا مسحتي الكونت وغيريالرقم ليه خايفه

من مجهول · Answer

هدديهم باللجوء الى المحكمة

من مجهول · Answer

بكل بساطه الله يسامحك واتعلمى وعلمى غيرك وبكل بساطه غيرى شريحة تليفونك ورقمك وصفحة الفيس والخاص وغيرة كل حاجه ستنقطع الاتصالات معهم تمام ولن يهددوكى

من مجهول · Answer

مادام هو هددك صوري ليه رسائل التهديد وهدديه بانك سوف ترفعي عليه قضية ابتزاز و بيني نفسك و انت جامدة و مش خايفة منو ومن الاحسن تغلقي ذلك الحساب

من مجهول · Answer

كان ممكن تعملي له بلوك حظر وتنتهي الحكاية من أصلها

من مجهول · Answer

اقفلي الاكونت ده وغيري رقم تليفونك

من مجهول · Answer

غيري رقمك واحذفي الفيس بوك واكثري من الاستغفار

من مجهول · Answer

من ترك شىء لله عوضه الله خيرا منه ان شآء الله اثبتى فانت على طريق التوبه ولن يخزلك الله لان الله لا يصلح عمل المفسدين

من مجهول · Answer

انتي غيري رقمك واحذفي الفيس بتاعك نهائي متخليش بينك وبينهم اي وسيله اتصال نهااااائي واستمري في توبتك لربنا وكوني على يقين ان ربنا غفرلك للانك اقبلتي ع التوبه بصدق وندم وانسي الموضوع نهائي ومع الوقت هترجعي لحياتك الطبيعيه جدااا واستفيدي من الدرس

من مجهول · Answer

رأى الدكتوره صحيح اغلقى كل حاجه على تلفونك وغيرة رقمك ولا يصلوا اليكى ابدا والجاى إلى الله وبالتأكيد هيستر عليكى وأرجو انك ما أعطيته عنوان المكان الذى تسكنون فيه او جهة عملك او جهة عملك زوجك الله من الله ان يستر عليكى وتعدى الازمه على خير وكونى قويه مع نفسك

من مجهول · Answer

اولا لازم تتقبلى نتيجة فعلك مهما كانت العواقب او بمعني اخر حاسبى على غلطك انت بتقولى ان الراجل مش مقصر معاكى فى الجنس ايه لازمت تخوني جوزك بالسكس فون وخصوصا انك ست اربعينيه ناقصة رومانسية سبتي ايه للعيال وانت لو تعرفى ربنا كويس مش حتعملى كده ثم موضوع ان تستغفري ربنا وتصلى او متصليش فانت اذنبتي وربنا لوحد اللي برحمته يغفرلك او لا اما حق جوزك هو حر فيه يطلقك يخليكي فانت تستهلى كفاية منظرك قدام اهلك ولادك مش كل واحد يغلط عايز ربنا يستره وصاحب الحق يسامحه مش كنتي مبسوطة وقت ماكنتي بتعملى كده ادفعى الثمن

من مجهول · Answer

أقفلي حساب الفيس بوك وغيري رقم تليفونك مش هيقدروا يعملوا معاكي حاجه بيعتمدوا علي خوفك وتوسلاتك وبيتمدوا في التهديد أكيد عندهم كتير غيرك

من مجهول · Answer

انتي كمان أمنعي النت خالص ولا فيس ولا كلام فاضي الفيس والنت ده سبب البلاوي كلها وربنا يحفظك منهم يارب

من مجهول · Answer

عليك اولا اختي الفاضله التصرف بحكمه عليك عمل محضر رسمي في الشرطه دون خوف ثانيا عليك الهدوء انااعرف اختي العزيزه انه لان يستطيع ان يؤذيك لكن الهدوء مطلوب منك عليك الرجوع لله فالله غفور رحيم لاتهتم او تتخوفي من زوجك او غيره الوضع لاتكبريه اكثر مما يستاهل انتي بحاجه لهدوء نفسي اكثر ومراجعه مع نفسك

من مجهول · Answer

حضرتك لازم اللى يتعامل معاهم راجل من اهلك عشان يقدر يوقفهم عند حدهم حتى يقدر يهددهم انه ممكن يبلغ عنهم الشرطه ويقدر يجيب حقك

من مجهول · Answer

الله يسامحك ومااكثر هذه المصايب في تلك الايام اغلقي الصفحه خالص نهائيا وشريحه التليفون كسريها وبلاش نت خالص وان وجدتي صور لكي او احد اخبرك ان فيه صور لكي علي النت قولي اكيد فيه هاكر دخل صفحتي واخذ صوري وركبها زي ماهو عاوز وربنا يسترها علي ولايانا ويسترك يارب بلاش استهتار واللعب بالنار مره اخري

من مجهول · Answer

اشتكي للشرطة الااكترونية في بلدك يجيبوه من ذيلة وربنا يهديكي

من مجهول · Answer

اعملي اغلاق للحساب وكدا هتختفي خالص نت الفيس بوك

من مجهول · Answer

وطبعا انتي مش قادره تستغني عن الاكونت بتاع الفيس ما تستغني عن ام النت خالص لحد ما ينسوكي

من مجهول · Answer

اتصلي بمباحث النت واقفلي حسابك ومتعمليش الغلط تاني واتقي الله في نفسك

من مجهول · Answer

اولا لو يقدروا يعملوا معاكى حاجة او يعملولك مشكلة كانوا عملوها بس هما اخرهم كلام وبس اكلمى ادام اهلك انك بتفتحى صفحتك لقتيها اتهكرت واتسرقت وعليها صور ليكى وشوية وقولى الشريحة ضاعت وعطلى الاكونت بتاعك وبلاش تعملى صفحة تانى عالفيس وسيبك من الكلام الفاضى ده وبعدى عن كل مايغضب الله

من مجهول · Answer

المباحث الالكترونيه قدم شكوي فيهم

من مجهول · Answer

لا حول ولا قوة الا بالله العلي العظيم

من مجهول · Answer

بلغي مباحث المعلوماتية انشالله يعلموة الادب و انتي اتقي الله في اولادك و جوزك و توبي توبة نصوحة و ماتعملي اي شيء من هذا القبيل

من مجهول · Answer

حاولي تجمعي قد ماتقدري من ادله عن هذا الشخص وصوري كل المحادثات اللي بينك وبينه وهو بيهددك واحتفظي بيها واغلقي اي وسيلة تواصل معاه او معاها وطز فيهم والله مايقدرو يسووو شى ولا تعبريهم وغيري كل شي تربطك بية وراقبي الوضع عن كثب وحتشوفي انه اجبن من ان يفعل شئ لانه حقير وواطي وماتخافي منه او منها

من مجهول · Answer

اتركي الفيس زفت هذا اللي لم يجلب الا الخراب ووجع الدماغ وكمان غيري رقم تلفونك واذا تمكن من الوصول اليك مرة اخري حولي ان تبلغي فيه شرطة الاتصالات هما هيجيبوه ويعملولة قضية ولواتكلم انه في رسايل والكلام دا فدا كان على الخط القديم اللي انت ما تعرفيش عنه حاجة او هو بقا مع مين الان

من مجهول · Answer

تغلق الصفحة الفيس نهائى احسن حل لكى

من مجهول · Answer

بامكانك استغنى عن تلفون فتره بسيطه وبتنتهي المشكله استعملي تلفون زوجك لحاجه ضروريه وخلص نامي البيك طويل

من مجهول · Answer

فيه تطبيقات هاكرز بتاخد كل الصور اعمليها واتصلي و خدي كل الصور من تليفونو وسكري النت و رقمك حتى ما يعرف شو بك

من مجهول · Answer

ابعثيهن للشرطة او مكافحة الجرائم الالكترونية وقفلي حسابك وفهمي كل يلي حواليكي انو حسابك مسروق من فترة وحاطين يلي سارقنلك الصفة كلشي انتي عاملتي واسمك وصورك لحاطتيها عليه وبيعي جوالك وعملي انو انسرق وعليه الفيس وصورك بالبيت وانشالله بتنحل ومعش تثقي بحدا ماحدا بيستاهل تحبيه وتصونيه غير زوجك

من مجهول · Answer

إحفظي سجل المحادثات والمكالمات والتهديدات وأتجهي للشرطة

من مجهول · Answer

افضل حل هو الاتجاه للشرطه

من مجهول · Answer

أولن وعليكم السلام ورحمة الله وبركاته وهذا ابتلاء من رب العالمين عشان تتعلمي وتصبري كنتي عايشه في نعمه وقلبتي حياتك إلا جحيم إلا تذكري يا أختاه أن المعاصي تزيل النعم ربنا يهديك ويبعد عنك أهل الحرام وتوبي وارجعي لربنا وان شاء الله حكايه الناس دول الي بتزوكي اقفلي حساباتك معاهم وفتحي حساب مع رب العالمين وربنا ستار ومتخافيش بس هذا درس لك واختبار من ربنا أسأل الله العظيم رب العرش الكريم أن يسترنا ويستر جميع المسلمين

من مجهول · Answer

بلغي مباحث الإنترنت ولو تعرفي عنه حاجة هددي انتي بفضحه عند أهله أو أسرته ولاتخافي أبدا لأن الفضح مش هيكسبه حاجة ودة آخر حاجة ممكن يلجأ لها وياريت لو تخوفيه من أهلك وجوزك وتفهميه انه حتى لو فضحك عنده بعد ما يعاقبك هيبدأ في إيذاؤه هو ومش هيسيبه يمكن كدة يسيبك ويصرف نظر عنك

من مجهول · Answer

السلام عليكم اولا احب اشكر حضراتكوا على الردود والنصيحه بس فى حاجتبن احب اوضحها اولا انا مش ظالمه جوزى بالعكس انا مش برفض ليه طلب وبلبى كل احتياجاته لانى مقدرش اقوله لا لانه بيبهدلنى قدام الولاد وطبعا هما بيسالوا بابا بيزعق ليه بس هو مش عنده اى رحمه لان فى حاجات شخصيه مقدرش اتكلم فيها ثانيا فى ناس قالولى انتى قفلتى الاكونت ليه فتحتيه تانى احب اوضح انا لما قفلته لقيت الراجل والست دول بيكلموا ولادى وقرايبى وبيسالوا عنى بطريقه مريبه مثلا بيقول لابنى فين ماما عاوزها ضرورى وطبعا ابنى بيقولى فانا بخاف وبفتح بسرعه كل لما اقفل القيهم بيكلموا حد اختى مثلا تقولى مين دى وهكذا

من مجهول · Answer

ما تقفلى ام النت و خليكى فى البيت و بعدين الراجل مش عاوزه تديله حقه الشرعى لو تعبانه ولا بتفكرى فى ديون يعنى ولا اكل ولا بحلقه و منين يجيب رومانسيه و هو مديون مش لما ياكل الاول و بعدين كويس ان بياخد حقه الشرعى منك من بيلف برا البيت

من مجهول · Answer

إبلاغ شرطة الإنترنت ولا تخشيهم إنشاء الله ربنا ينجيك

من مجهول · Answer

لا تستجيبي للابتزاز كوني واثقة من نفسك واشطبيهم من مخيلتك

من مجهول · Answer

بلغي المباحث او الشرطة عنهم او هدديهم بالتبليغ اوعي يا ستي تستلمي لكلامهم وتخافي

من مجهول · Answer

اصحاب الابتزاز بياكلو على خوفك ورعبك وهذا اللي مشجعهم هدديهم انتي كمان بالمباحث صدقيني حيخافو لما يخطر في بالهم انهم ممكن يتسجنو خاصة انك تعرفيهم

من مجهول · Answer

الأمر ببساطة روحى يلغى الشرطة هما حيعرفوا يجيبوا الشخص الوسخ دة وكمان الست دى وحياخدوا اللى فيه النصيب انتى غلطانة مفيش كلام لكن مفيش غير الحل دة والللى حيخليكى تعملى علاقات جنسية مع ستات ورجالة لأنك خايفة منه

من مجهول · Answer

لا تستسلمي للتهديدات واحذري تكلميهم بلهجة ضعف وخوف

متزوجة وأخطأتُ مع شاب عبر الإنترنت.. فأوقعني في شباك الابتزاز

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

مقالات ذات صلة

قصص حقيقية عن الابتزاز الإلكتروني

وسائل مراقبة ما يشاهده الأطفال على الإنترنت

لماذا تفشل علاقات الحب عبر الإنترنت؟

التحرش بالأطفال عبر مواقع التواصل الاجتماعي

نصائح أول موعد مع شاب وما بعد اللقاء الأول

خيانة الزوج لزوجته عبر الانترنت

فيديوهات ذات صلة

أسئلة ذات صلة

مقالات ذات صلة

احدث مقالات قضايا اجتماعية

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

طريقة عمل حلويات سهلة بدون فرن وبثلاث مكونات

طريقة عمل آيس كريم بدون سكر

احدث اسئلة قضايا اجتماعية

اسئلة من بلدك

احجز استشارة اونلاين

شارك في اخر الاختبارات

اختبار إدراك الذات العلني: هل تتأثر بنظرة الآخرين لك؟

اختبار العين الثالثة: هل تمتلك عين ثالثة مفتوحة؟