هل معقول أن أضحي بحياتي من أجل غيري!

هل معقول اضحي بحياتي من اجل غيري ! عندي ولدين احبهم كثير ويحبوني وكل يوم العب معاهم سوني وورقة انا وهم مثل الاصحاب ، اذا احد فيهم مرض او انجرح يجيني ويشكيلي ولا يروحوا عند ولا يشكوا لامهم لاني احن عليهم اكثر وهم ملاحظين هذا الشي اني اهتم لامرهم ، وبعد طلاقي من امهم اعطيت لامهم الخيار اما يجلسوا عندي او عندها فاختارت انهم يكونوا عندي ( او ابوها اختار لاني عرفت هذا الشي ) المهم صرت افطرهم واغسل ملابسهم واذاكر لهم والعب معاهم ولا اشتكيت ولا شي بالعكس احس بسعادة وانا أخدم اولادي ، لكن احس ان في الجو غيم ! احس ان الولد الثاني يبغى امه ترجع على انه عارف المشاكل اللي صارت واقول له كل تذكر تصرفاتها معي هي امك لازم تبرها بس انا مش ولدها انا زوجها فيختلف الموضوع هي امك مهما صار وواجب انك تطيعها وتبرها ولكن هو يبغاها ترجع وانا الصراحة ما ابغاها ترجع ولا ابغى اظلم احد ولا اظلم نفسي ادري انه صغير ويمكن قراره ما يكون صواب ويمكن قراره صحيح وايضا امهم كلمتني وقالت تبغى ترجع عشان الاولاد ! الصراحة انا انصدمت من الكلام لما قالت تبغى ترجع عشان الاولاد وانها ما يكفيها يزوروها يومين بالأسبوع بسبب مدارسهم وفي العطلة يجلسوا عندها ، طيب وانا اروح انتحر يعني ، يعني اعيش مومياء بالدنيا ! ربنا خالق الدنيا عشان نعيشها وكمان انا ابغى اخلف ويكون عندي كمان اطفال يعني اضحي بحياتي ولا الاقي احد يحزن علي بمرضي او بتعبي ، ولا يشاركني لحظات فرحي ! تتوقعون بكون غلطان اني اضحي بحياتي من اجل غيري ، او اناني اني اعيش مرتاح ؟؟؟