صورة علم Oman
من مجهول
منذ 10 ايام 13 إجابات
0 0 0 0

هل تنصحوني بالزواج من رجل سيسكن مع أهله في نفس البيت؟

السلام عليكم ورحمه الله لو سمحتوا بغيت آراؤكم متقدم لي شخص من نفس المنطقة اللي اسكن فيها بس الرجال كانت له علاقه مع الخادمة في وقت مراهقته ومن غير مكالماته  مع البنات من فترة وعرفت هالشي من زوجه خاله لانها تصير رفيجتي ودايم تنصحني لا تتزوجيه لان الولد كانت له علاقات سابقه واهله مراح ترتاحي معاهم لانهم وأيد يضغوطوا ع زوجات اولادهم ف شغل البيت والحريه بس اخواني وأهلي الكل يمدح اخلاقه الحين والكل يقولي تزوجيه وتوكلي ع الله بس أنا مترددة من موضوع علاقاته وثانياً أني بسكن مع أهله ف نفس البيت واخوانه متزوجين كلهم في نفس البيت مع عيالهم مدري هل راح أتأقلم معاهم لأني كنت أتمنى أخذ شخص عنده بيت بروحه عن أهله أرجو من اللي سكنت مع أهل زوجها تنصحني كيف العيشه مع أهل الزوج في عائله كبيرة مع العلم أنا فتاة مدلله في بيت اهلي وجامعيه وموظفه الان وابلغ من العمر 27 سنه اخاف ان ارفض الخاطب ويقلوا الخطاب وتروح فرصه الزواج واخاف ان أوافق وأندم في النهايه بماذا تنصحوني