كيف اتخذ قرارات لاني ما بعرفش ومترددة

تطوير الذات
animate

انا مش عارفه اعمل ايه بس مفيش اى حد ممكن اتكلم معاه واحكيله اللى جوايا ويساعدنى من زمان من ايام ابتدائى وانا لوحدى ماليش اصحاب مش بتكلم كتير كنت هادية جدا اى حد يشوفنى بسم الله ماشاء الله ايه الهدوء والادب ده ولحد دلوقت وانا كده بس مافيش حد عارف اللى جوايا نفسى اقولهم صدقونى انا مش نفسى ابقا كده دايما طول الوقت ساكته وهاديه وحزينه انا نفسى ماكونش كده نفسى اضحك من قلبى واهزر واتكلم مع الناس ويحبونى واكون اجتماعيه مش بعرف اخد اى قرار ف حياتى دايما متردده ومش عارفه فى كل حاجه لبس مش بعرف اختار لنفسى لازم ماما اللى تخترلى لو حاجه حصلت معايا مش ببقا عارفه المفروض اضحك ولا عادى ولا ازعل ولا اعمل ايه ايه مفروض يكون تصرفى لو دخلت سوبر ماركت اشترى حاجه مش ببقا عارفه طب اخد شيبسى ولا بسكوت بالطعم ده ولا ده اما كنت صغيرة وكانو يسألونى عايزه تدخلى ايه كنت افتكر ان بنت عمتى قالتلى ان نفسها ادخل صيدله واخد كلامها واقوله لو قابلت شخصيه معينه ولقيت ناس كتير بيحبوها براقبها واشوفها بتعمل ايه وتقول ايه واما اكون مع ناس تانيه احاول اعمل زيها بحاول ابين انى شخصيه قويه ونفسى اكون كده بس للاسف مش بعرف ولا بعرف اعمل اى حاجه اما دخلت ثانوى كنت بقول لنفسى ياترى انا عايزه ابقا ايه ادخل علمى ولا ادبى مش عارفه لحد مابقيت ف 2 ث ودخلت علمى ورجعت حولت ادبى ورجعت علمى ياترى انا عايزه ادخل كليه ايه مش عارفه ايه المواد اللى بحبها برده مش عارفه بالنسبالى الحاجه لو فاهماها خلاص مش هتفرق مره بنت عمى قالتلى نفسك تعملى ايه لما تخلصى كليه قولتها مش عارفه بس هيا كان نفسها تسافر وانا حبيت فكرتها بس مش عارفه برده انا دلوقت عندى 19 سنه وف 3 ث وعلمى ماما وبابا نفسهم انى ادخل يا طب يا صيدله يا هندسه كليات القمه عموما عشان نفسهم ابقا حاجه كويسه وعشان كمان العيله معظمها كده دايما يقولو انهم وهما قاعدين مع اصحابهم بيبقو مكسوفين كل واحد يقول انا عيالى كذا وكذا وهما ساكتين انا الكبيره ونفسهم ادخل حاجه كويسه لكن انا بالنسبالى مش عارفه حاسه الموضوع مش فارق اووى عايزه بس احققلهم اللى نفسهم فيه لكن انا نفسى ف ايه اساسا مش عارفه طب ياترى لو جبت مجموع كويس ادخل ايه طب ولا صيدله ولا هندسه ولا ايه ايه ميولى ايه المواد اللى بحبها مش عارفه بجد تعبت من كتر التفكير طب قريت ان كل واحد عنده موهبه طب انا ياترى عندى موهبه برده مش عارفه نفسى اعرف موهبتى نفسى اعرف نفسى اوقات بتخيل نفسى ممكن اعمل حجات كتيير اوووى واوقات تانيه بحس انى فاشله ومش هعرف اعمل حاجه اما بيتعبنى التفكير ف حجات كتير بجيب حجات حلوه واقعد اتفرج ع التلفزيون او النت اسمع مسلسلات هندى واعيش ف عالم الخيال بتاعى او اى حاجه تضحكنى ودى قمة السعاده عندى بس للاسف بتكون مؤقته مجرد ساعات او النوم اللى بهرب بيه من التفكير وبرده بيكون مؤقت ساعات بفكر هوا ياترى لو مثلا اتقدملى حد هعرف اختار ازاى اكيد ماما وبابا هيختارولى بس انا اللى رسماه ف خيالى لفارس احلامى زى مابيقولو هينتهى ويتمثل ف اختيار اهلى عشان كده بخاف كتير انى احب مش خوف اووى بس خوف مش عارفه دايما بيقتلنى لو اى حد قالى كلام كويس عاملنى كويس من مجرد كلام فجاه الاقينى بحبه يمكن عشان مش لاقيه الحب ده موجود اووى ف حياتى ولا حاساه من الناس اللى حواليا بثق بسرعه ف ناس كتير وده وقعنى ف مشاكل فترة الثانوى دى اصحاب كتييير استغلو طيبتى وهبلى ده بقيت دلوقتى لو حد مش بثق ف حد بسهوله بس برده نفس التردد لو حد عاملنى كويس يبقا مصى واثق ومصدق ونصى شاكك وخايف ومتردد وعشان مش بعرف اتصرف ازاى يا اهرب يا اتصرف بهبل وطيبه واصدق ، علاقتى بربنا الحمد الله يعنى بحاول على اد ماقدر بس ساعات كتير التزم وساعات مش عارفا ايه اللى بيحصلى بوقف صلاه وقران او بأخرهم انا عارفه انو ماينفعش ده بس بحاول احسن علاقتى بربنا بجد نفسى اكون انسانه كويسه ونفسى اتغير واعرف نفسى بس مش عارفه ياريت حد يساعدنى المفروض انى اساعد نفسى بس ازاى مش عارفه

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده يا ابنتي العزيزة، أولًا أحب أن اشكر لك ثقتك بنا لطرح المشكلة التي يعاني منها عدد من الشباب في مثل سنك، وربما تكون منصة حلوها منطلق لمن يحب ان يعمل على تطوير ذاته، سأعمل على طرح بعض النقاط التي ارجو أن يكون فيها الفائدة والخير لك ولغيرك.الثقة بالنفس تعني تقدير الإنسان لقيمة ذاته، بينه وبين نفسه وبينه وبين اقرانه والأشخاص المحيطين به. وهي التي تؤثر في الكثير من سلوكنا وقراراتنا وتصرفاتنا وحتى حركاتنا الجسدية وتواصلنا اللفظي وغير اللفظي مع الآخرين.أولا لا أريدك ان تفكري بالماضي، وتخيلي وكأننا نطوي صفحة قديمة ونريد أن نفتح صفحة جديدة، لا تتوقفي ولا تكرري اي مما قلتيه لنا في السؤال حتى نبدأ بأمل وكأنك ولدت اليوم.عليك أولًا أن تجلسي بصراحة مع نفسك وتحاولي التركيز وتمسكي قلمًا وورقة وتكتبي عليها ما السبب الذي يجعلك تشعرين بانتقاص قيمة تقديرك لذاتك، هل هناك ما يقلقك، أو يضغط عليك، أو يخفيك؟ هل المجال مفتوح أمامك لتحمل المسؤولية ولا مانع لأهلك من أن تتخذي قرار أم تشعرين أنه كلما حاولتِ أن تتخذي قرار يتحكم غيرك بمجريات الأحداث؟؟ حاولي أن تكتبي الجواب من خلال مواقف مررت بها لاخذ العبرة فقط.الآن بعد أن حاولت تحديد الأسباب سنبدأ بمرحلة التركيز على تقوية الذات، اكتبي عبارات ايجابية بحق نفسك والتي تتمنين أن تصبحيها، مثل، أنا قوية، أنا قادرة، أنا واثقة من نفسي، أستطيع أن أتحكم بنفسي، استطيع أن اتخذ القرار، ارسميها وثبتيها على جدار غرفتك وامامك على المكتب واستمري في ترديدها لتصدق نفسك الداخلية الفكرة وتبدأي بالعمل اعتمادًا عليها. وممنوع أن تعيدي اي كلمة سلبية بحق نفسكحددي لنفسك غاية وهدف ولنبدأ بأهداف قصيرة المدى ثم تتطور لنصل لأهداف بعيدة المدى، يعني لا تفكري الان بأمر الزوج والكلية والدراسة الجامعية، ضعي هدف لاجتياز الفصل الدراسي والامتحانات بمجموع 95 مثلًا، واكتبيه أمامك وابدأي بالعمل على تطبيقه، وكرري الهدف وابدأي بالتحدث عنه أنك وضعت هدفك قصير المدى وتريدين تجاوز هذه المرحلة بتحقيقه. ولا تقارني نفسك بغيرك أبدًا، أكثري من التفكير بصفاتك الايجابية ومهاراتك وهواياتك وعندما تجدينها ابدأي بالحديث عنها، والتركيز عليها وممارستها.لا تخافي من المستقبل يا ابنتي وعندما تقوين الآن ستكونين قادرة على اتخاذ القرار مستقبلًا.وفقك الله
  • صورة علم Egypt
    صورة علم Egypt
    من مجهول

    انا حياتي وحشه جدا عديت بمراحل غريبه اوي مبقتش عارفه افكر وتفكيري مشتت انا مش هحكي قصه حياتي ولكن هحكي المدايقني انا ماما مش بتحبني تقريبا عندها حاله نفسيه من حاجه معينه ولكن ايه هي معرفش ممكن تكون معشتش طفولتها بس ده ميفنعش انها تحبني وتحب أخواتي وتتعامل معايا كأم طبيعيه واخواتي برضه بيعاملوني معامله غريبه كل الاخوات بيحبوا بعض بس هما اتربوا على تفكيرهم هما يعني مثلا بابا وماما انفصلوا من سنه ٢٠١٦ فعشان كده كل واحد كان منفصل عن تاني وانا عيشت مع بابا ربنا يخليه لينا ال كان اب وام فنفس الوقت مع انه مش بيقوم بدور الحنان ال هو مثلا عملتوا ايه انهارده وقفتي فين في الدراسه ناقصك ايه كده يعني بس هعذره عشان ربى ٤ اولاد لوحده دلوقتي. انا في تالته اعدادي بطلب انكم تدعولي عشان محدش حاسس بيا وربنا مش بيستجيب دعائي ف يارب انت ال عالم بحالي. 

  • animate

  • صورة علم Egypt
    صورة علم Egypt
    من مجهول

    كان الله معك

  • صورة علم Egypt
    صورة علم Egypt
    من مجهول
    جالى عريس و انا كنت رافضة الفكرة اصلا كلها عشان انا لسة صغيرة (21 سنة بالنسبالى صغيرة) بس بعدين بابا قالى صلى فكرى فقررت اصلى و اسأل عشان مجيش اندم فى يوم انىاتسرعت او خدت خطوة غلط وانا مسيبتش فرصة .. كنت بكلمه على النت قولت اتعرف عليه ومن كلامنا يمكنن احدد اه او لا لكن معرفتش اسبوع كامل بكلمه كل يوم و بنتكل ساعات و بصلى استخارة مبحلمش واحساسى مش واضح بردو لا موافقة ولا رافضة بابا لما سألته قالى ممكن لما تخلصى دراستك على اساس متتعطليش و بعدين قالى بس لو موافقة عادى قوليلى و اكتر من حد تانى بثق فيهم سألت و كله كان رأيه انى صغيره وانه بردو كبير ( هو 30 سنة) بس بعد ما بابا قاله فضلنا نتكلم عادى و انا مكنتش رافضة اكلمه بس خايفه اللى هو اخرته ايه لما انا مش موافقة هنتكلم و نوصل لى ايه و انا بتعلق بسرعة اوى بأى حد (عارفة ان ده غلطى عشان اتكلمت بعد ما رفضت) بس فجأه مبقاش يتكلم وانا من طبعى مش ببدأ كلام عشان مبحبش ابقى تقيله على حد بالذات فى الموضوع ده مش هقول لا كلمنى بس انا مش موافقة بردو فا انا كمان متكلمتش انا بقى حاسة بالذنب جدا حاسة انى سببتله وجع يمكن لو مكنتش اتكلمت من الاول كان هيبقى اهون و كمان انا نفسى تعبانه اتعودت على وجوده كل يوم نتكلم من اول ما اصحى لحد ما انام حتى لو هو بينام بدرى بيفضل صاحى لحد ما انام مكنش عندى وقت فاضى اعمل ايه
  • صورة علم Jordan
    صورة علم Jordan
    من مجهول
    لا تتخذ قراراتك من وجة نظر منطقية و حسب, و لا تضع عواطفك على الرف وقت اتخاذ القرارات, فالقرار المبني على المنطق دون العاطفة, هو قرار لا بد أن تندم عليه, لأنك تعيش الحياة و تستقبل نتائج قرارتك بعاطفتك وعقلك لا بعقلك فقط...قوي شخصيتك وفكري بحالك بالقرارات الي بتخصك
  • صورة علم State of Palestine
    صورة علم State of Palestine
    من مجهول
    مشكلتك في شخصيتك، بتوقع عندك جانب ضعف في الشخصية بسبب طريقة التربية والتنشئة وتعامل الاخرين في المنزل معك، وهذا خلق منك شخصية مترددة ومحتارة وغير قادرة على اتخاذ القرارات، لازم تتحدي نفسك وتثقي فيها وانك عندك مقدرة، والدليل انك شاطرة في دراستك،

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟