تأقلمت مع الندبات وكأنها شيء جميل ميزني الله عن غيري

قصص النجاح
تأقلمت مع الندبات وكأنها شيء جميل ميزني الله عن غيري

سلام عليكم حابه اشارك جزء او قصه من حياتي معكو : لما امي حبلت في كان الدكاتره يقلولها بنتك رح تخلق مشوها يعني رح تكون مريضه (متلازمه...) طبعا القرايب والكل كان يقلولها نزليها حرام تعيش هيك وتعذبيها طبعا الام بتحس بأبنها رفضت وكان بكل فحص يقلولها نفس الحكي ليوم الولاده الكل تفاجئ انو خلقت بأحسن صوره وكل ما يشوفني حدا يحمد بجمالي فيكو تقولو ربنا بعث لاامي رحمه لانها صبرت وتحملت حكي ناس كان عندي مشكله صغيره... اصابع زياده بكل كفه اصبع زياده (٦) تخلصت منهن بعمليه بس كان في علامه بعد العمليه هي القطب هذول بضلهن مرافقيني طول عمري انا صرت اعتبرهن مني وفيني حبيتهن وتأقلمت معهن وعودتني امي ومن وانا وصغيره الي بسألني عنهن مأستحيش واحكي بكل ثقه بس للاسف كنت لما احكي الحقيقه اشوف القرف بعيونهن وتعابير وجههن وكيف بكل مره يطلعو ع ايدي بقرف واشمئزاز كبرت والاسئله نفسها تعودت ع نظرات ناس مره من المرات تعرضت لموقف من قريباتي كان محرج جدا وللاسف ما اجت واجهتني واعتذرتلي بس بما انو انا متأقلمه مع الاشي ماخذتش ع قلبي ولحد اسا الاسئله نفسها عشان اختصر ع حالي واخلص من نظرات الناس صرت احكي انو ماكله ضربه حبيت احكي شوي وافضفض يمكن لانو الاشي مضايقني ما بعرف وشكرا ❤

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • صورة علم Saudi Arabia
    صورة علم Saudi Arabia
    من مجهول
    كل انسان معرض لحوادث ممكن تترك ندبات على مكان بجسمو .. العبرة بطريقة تعاطيكي وتقبلك لنفسك .. كتير بحترمك وبحترم امك بس يا بنتي الناس ما الها دخل كان ممكن تقولي اثار عملية جراحية وبس بدون تفاصيل ما خص الناس فيكي وبتفاصيل حياتك .. الله يحميكي ويبارك فيكي ولا يهمك الناس اللي بنفوسا ندبات مش انتي
  • صورة علم Canada
    صورة علم Canada
    من مجهول
    مرحبا فيكي كمان تعملي مكان الندبه بتقينه البلازما هي تقنيه جديده بخفض الأثر 50 بالميه عند أخصائي جلدية تجميل
  • animate

  • صورة علم Jordan
    صورة علم Jordan
    من مجهول
    عزيزتي ربنا خلقك بجمال عقلك وشخصيتك فخر لامك واهلك ربنا يكتبلك الخير والنجاح ويوفقك بحياتك لا تهتمي لكلام الناس نفسيات مشوهه لا تدعيها تؤثر بحياتك .
  • صورة علم Jordan
    صورة علم Jordan
    من مجهول
    بالعكس احكي الحقيقة وما تهتمي .. حتى لو ما كان فيكي هاد الشي الناس راح يطلعو فيكي عيب من تحت الارض.. وللعلم هاد مش عيب هاد فعلا تميز فيكي.. ويلي بعلق وبشمئز جاوبي بكل مرح وابتسامه احكيلو اذا بتقدر تخلقني غير هيك يلا اخلقني.. هم ما بعيبو عليكي هم بعييو على خلقة ربنا.. انا عندي ميزه برضو متلك .. الابهام كل اصبع شكل

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟