عودتي لزوجي شبه مستحيلة بسبب عناد اهلي واهله، فما الحل؟

قضايا اسرية
عودتي لزوجي شبه مستحيلة بسبب عناد اهلي واهله، فما الحل؟

السلام عليكم ورحمة الله وبركاته أنا مطلقة عمري 25من شهرين تطلقت وأنا أحب طليقي وهو يحبني جدا عشت معه 8شهور سعادة وهنا وراحة بال بآخر شهر قبل الطلاق انضغط زوجي ماديا وقفت معاه وتحملته لكن هو كان جدا مضغوط واصبح يتجاهلني ويخترع مشاكل على أي شيء كنت اتحمله لأني بعرفه وبعرف انه إنسان طيب وحنون تفاجئت بيوم من الأيام أنه حدث بيني وبينه جدال وبعترف إني استفزيته وقام مد أيده علي وضربني بغل وقال ما بده اياني وكانت بالنسبة إلي جدا غريبة طبعا خلال فترة حياتنا مد أيده مرتين بشكل تاديبي مو ضرب ضرب بس لأني كنت ارفع صوتي واغلط وبعترف بغلطتي بعرف اني الي بالموضوع المهم بآخر يوم الي معه يوم ما ضربني أنا سكتت وهو كان إنسان ثاني ما قدرت افهم ليه هيك صار رن على اختي وقاللها بدي اهلك ييجوا ويتفاهموا معي مشان أختك وأسلوبها ورن ع أمه قاللها ما بدي إياها تعبت منها طبعا علاقتي بأهله جدا قوية أمه أمي وأبوه أبوي وخواته وأمه لليوم بتطمنوا علي وبحبوني وبعرفو كم كنت صبورة المهم أن زوجي ببداية زواجنا صار مشاكل غبية بينه وبين أهلي بصير اكبر منها بين الناس وبتنحل حاول يصلح علاقته معهم رفضوه اهلي كانوا ما يحبوه وما قبلوا يعملوا علاقة معه لغوه من حياتهم وانا بدي إياه تعبت لأنهم بنبذوه مع أنهم كانوا حبايب تغيروا علي شوي وصاروا يسمعوني حكي طالعة وعالنازلة مع أنه عشت معه أحلى أيام حياتي رغم كل اللي صار المهم بهاليوم اجوا خواني وعمي أبوي ما قبل يجي قعدوا وتناقشوا وزوجي كان معصب أخوه وعمي اقترحوا أنه يوخدوني يومين بيت أهلي اهدى وغير جو طلعت معهم على أساس راجعة بعد ما تنحل مشاكلي لأني والله بحبه ولو ما وصل المشكلة لأهلي كان قعدت معه وحكينا وانهينا الموضوع المهم طلعت هداك اليوم عبيت أبوي وكنت متضايقة ومو بوعيي قلت بدي اتطلق أهلي شدوا عايدي وكان أبوي معاه الوكالة وبعد أسبوعين بالزبط اتفق أبوي مع المحامي وطلقوني وانا بالعمل ما رجعوا سألوني عن رأيي وأنا هسا النار بتحرقني حرق رجع زوجي بعد الطلاق بفترة يعتذر وندمان ومو مستوعب أنه انفصلنا وللأمانة أنا كمان مو مستوعبة وحابة نرجع نكمل حياتنا مثل ما كنا هو ما بفارق بالي ورافض يتزوج وبعمل جهده يرجعني لكن أبوه واقف بطريقنا واهلي واقفين بطريقنا بنحس رجوعنا مستحيل مع العلم أنه ما عندي اولاد حملت ونزلت واخدت راحة لأنه نزفت ومدة زواجي كانت سنة بحبها بحلوها وبمرها بس ما لقيت حد ينصحني يدلني إمانة الكلام يكون خفيف عالقلب والله الواحد قلبه مفري والحياة بوجهو سودا

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي سيدتي لا سبب يبرر الضرب وليس هناك ضرب مقبول، العنف يولد العنف، استفزازك له خطأ لكنه لا يبرر ضربه لك. الأفضل أن تفكرا جيدا وتأخذا وقتكما في التفكير قبل قرار الزواج مره ثانيه، أخيرا أنتما راشدان وإن كنتما حقا مقتنعان بما تفعلان ، فلن يقف أحد في طريقكما ولكن أهم ما في الأمر ألا يعود إلى ضربك مره أخرى، تذكري جيدا انك ان تزوجته ثانية وعاد لضربك فغالبا قد لا يساعدك احد من اهلك.
  • صورة علم Jordan
    صورة علم Jordan
    من مجهول
    مشاكلكم عاديه وزوجك تسرع نادى اهله واهلك بصير عند الناس اكثر من هيك مشاكل وما بتطلقو الان بدك تستنى النفوس تهدا وعسى ربنا يهدي القلوب
  • animate

  • صورة علم
    صورة علم
    من مجهول
    ربما نصيبك ليس ان تكملي حياتك معه والله بيوقف هذه العقابات لأنكما الافضل ان تعيشا بعيدا عن بعضكما
  • صورة علم
    صورة علم
    من مجهول
    شوفي اختي الكريمة أنا مررت منذ عام بنفس الموقف اهلي واهل زوجي ما كانوا بدوهن نرجع لبعض ولكني جلست معه وقولت له بصراحة أنا سأقف في وجه الجميه من اجل هل ستخذليني وعدني وقتها انه لن يفعل ان كنت اعرفه انه لا يكذب واجهنا الجميع وعدنا والحمدلله الاوضاع بدأت تنحل الواحدة تلو الاخرى، لذلك انصحك ان تتبعي قلبك
  • صورة علم
    صورة علم
    من مجهول
    اهلك واهله ما لهم دعوى بما حدث بينكما قرار العودة هو قرارك في النهاية، يجب ان تقفوا في وجه الجميع طالما أنتم على ثقة من قرار عودتكما
  • صورة علم
    صورة علم
    من مجهول
    انتي محتاجة القوة اللي تقدري تواجههي الكل وتحكيلهم انا بدي زوجي وبدي ارجعله وبس ...
  • صورة علم
    صورة علم
    من مجهول
    كل المتزوجين بيصير بينهم مشاكل ولو كل وحدة اهلها بيشدوا ع ايدها كان وضع المتزوجين كرب . اهلك اخطأوا واهلوا كمان .. استني شوي . مشكلتك بتنحل مع الوقت بس تهدأ النفوس
  • صورة علم
    صورة علم
    من مجهول
    اذا بتحبيه فعلا تحدي الكل وارجعيله بس اتأكدي انو انتي رح تكونس مسؤولة عن قرارك وبعد هيك لا تدخلي حد بينكم
  • صورة علم
    صورة علم
    من مجهول
    قدر الله وما شاء فعل ممكن هالشي لصالحك حتى تعيشي بعيد عن المشاكل ونصيحتي انك ما تغامري مرة تانية بالرجوع لزوجك

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟