يطلب مني الانفصال كي أنجو من حياة البؤس معه!!

خطيبي تعبت معاه لين صرت زوجته وبالحلال بسبب تقوقعاته النفسية والأزمات والمشاكل اللي كانت تكبر فراسه بسبب التفكير الزائد عن اللزوم وبحمدالله تزوجنا بس العرس بعد شهر، المصيبة انه رجع لقوقعته بعد وعوده ان من اصبح زوجته هذي الأوهام راح تختفي وفعلا اختفت إلى قبل ثلاث أيام،، دخل في أزمة وعلى حد قوله انه جاهد نفسه وصارعها ولكن فقد الحيلة من نفسه الإمارة بالسوء، هو يخاف كثير ان ما يسعدني على حد قوله وان أنا تستأهل أفضل منه لان إنسان ما يعرف يفرح أنا من أخذته ما عشت حياة المخطوبين معاه أبداً بس أنا مقدرة هالشي لان هو فعلا جاهل في هذا المجال وما عنده أم أو اب يراعونه أو اهتمو فيه وعلموه هو ربى نفسه بنفسه ،، كثيررررر يخاف الله وجددداااا مؤمن أنا أتعلم منه اشيا كثيرة وحافظ اشيا مب بسيطة من القران والسنة ويخاف الله فيني فعلا وهالشي يخليه يأكل في نفسه وهو معترف بهالشي ويريد الانفصال الان لان على حد قوله يريد يعطيني فرصة من الابتعاد والهرب منه لان شخص مريض ومقتنع ان مافي حل والحل الوحيد ان يمكن هو الله كاتبله يعيش عزابي طول عمره فالانفصال أفضل الان قبل وجود أطفال من خوفه ان إذا سايرني ومشى الموضوع ترجع له الحالة والندم والللوم فيه داخله راح يزيد مليون لان بيقول ليتني من اول تركتها غير اللي هو يحطه على نفسه من ولا شي، أنا فعلا احبه واعرف ان يحبني فعلا وهذا وسواس من نفسه وهو الآي يدمر نفسه بنفسه وهذي الظنون كلها اوهام مب موجوده من الأساس دايما يتوقع الأسوء ونظرته سوداوية ومايعرف يفرح باللي عنده ما اعرف شو الحل ساعدوني هو يقول ان هو من زمان على هذا الحال بسبب مرض أمه وانشغال ابوه معاها طول الوقت ومن صغره وهو عند جدته المريضة أيضا وهو ربى وكبر نفسه من دون وجود مرشد أو اب أنا مقدرة الوضع والبيئة الصعبة اللي نشئ فيها وابغا أساعده لان من داخل أنا متاكدة ان هو نظيف وطفل ويخاف الله هذي كلها اوهام مالها أساس