يضربني ويطردني خارج المنزل ولكن لم أعد أتحمل

متزوجة من خمسة عشر عاما و عندي خمسة اطفال بنتين و ثلاث صبيان و أعيش في الغربة مشكلتي إن زوجي كتير عصبي و ما بيعرف يشتغل شي كل ما يروح ع وظيفة بيشتغل شي أربع شهور و بعدين يفنشوه و يبقى بدون شغل باقي الأشهر لحد ما يلاقي شغل تاني وإذا اشتغل بينفش ريشو بدو يلبس احسن و أغلى الماركات وبروح المطاعم و يوم الجمعة مخصوص إلو بيضهر و برفه عن نفسوو انا كمان يشتغل من شغلي بدفع إيجار البيت وبصرف علبيت و علولاد وكل سنة بعمل جمعية مع الجيران عشان أقساط المدارس و طبع الإقامات و ما عندي خدامة يعني بشتغل برا البيت و جوا البيت وهلق بنتي الكبيرة و ابني الكبير حرام بساعد وني بشغل البيت هو كمان بيطلب مني و ازا ما عطيتو بيضربني و بينعتني بابشع الصفات إني جوعانةمن بيت أهلي و مش شايفة خير وإنو هو ل جابني علغربة وإنو بدي يكنسلي إقامتي و بدو يطردني من البيت و حكي من هلنوع ل بيتعب النفسية و الأعصاب و إزا رديت عليه بيضربني وياااااامااااا طردنيي برا البيتو انا ل عم ادفع الايجار و عم اصرف علبيت.....مرقت السنين وقلت يمكن يتغير يمكن حظهبلشغل قليل يمكن كذا و يمكن كذا و قدم أعذار لنفسي و كذب ع حالي و عا أهلي و قلن إنو انا بخير و إني ما بشتغل و إنو هو كل شي و انا كتير مرتاحة و مبسوطة بحياتي و اهلي ما بيعرفو شي ابدا ابدا عن حياتي مع إنو أهلي وضعن المادي منيح و خاصة إخوتي الشباب ....آخر شغلة اشتغلها قلتلو خفف عصبية و كون منيح بلشغل و ما تغلط بشي لان هذه آخر فرصة ما عاد فيني اتحمل ازا تركت الشغل رح يكون آخر يوم بحياتي معك و هلق هو رح يترك آخر الشهر اعطاه مديرو مهلة لآخر الشهر ليدبر إقامة و شغل....صرت بعمر ما فيني اتحمل ضغوطات نفسيةوكل ل ايجوو علغربة صارو و وتصورو إلا انا مكانك راوح..... بشو ممكن تنصحوني