زوجي تغير فجأة.. والإهمال عنوان تصرفاته

السلام عليكم مشكلتي مع زوجي هو بحبني وانا بحبه وعنا بنوتة بس اله فترة بعيد عني تغير كتير اغلب وقته بالشغل او مع اصحابه وحتى لما يكون عنده وقت فراغ بكون جالس لوحدة ما بحكي معي دايما بلعب بتلفونه او الابتوب وازا بطلب منه شغلة بتنرفز مع انه ما كان هيك ابدا انا الله شاهد علي ما بخلي شي بحبه الا بعمله من اكل من حلو من نظافة بيت و البيبي من تجهيز نفسي دايما باجمل صورة بس اخر فترة كتير اهملني لدرجة انه ما جابلي شي لا بعيد ميلادي ولا عيد زواجنا ولا عيد الام مع انه ظروفه المادية منيحة كتير وانا ما بقصر بجيبله هدايا من اتقل و اغلى الانواع الموضوع مو هدية لأ بس بطل يبادلني الشعور ما بحس بحبه الي نهائيا للعلم انا بغربة و الي سنتين ما سافرت اشوف اهلي نهائيا عشان ما يظل لحاله واظل ماكلة همه اكل شرب نام مبسوط او زعلان انا كتير بحبه و متعلقة فيه شو اعمل ساعدوني