بسبب سمعته السيئة أهلي فسخوا الخطبة مو قادرة أنساه أو أكرهه
مشكلتي مو قادرة انساه او اكرهو ..موقادرة اطلعو من قلبي ..كل يوم بتذكرو كل لحظة جمعتنا مع بعض قضينا ايام صح قليلة بس كانت احلى ايام بحياتي اللي استنيتها سنين كتير كتير لوصلت التلاتين ..لبسنا الدبل وقرينا الفاتحة عنية التوفيق..ما بعرف كيف جمعنا القدر وجمعتنا الدنيا مرة تانية لفت ولفت ورجع صار من نصيبي بعد ما فقدت الامل ..كنت اتخيل صعب يرجع يطلبني مرة تانية وخلص نسيني ... بس لما قرينا الفاتحة اعترفلي اني ما غبت عن باله وتعبت لقدرت اوصلك وليوافقو اهلك علي ..كنت اخصصك بالدعاء انو ربنا يجمعني فيكي ...كانت مفاجاة بالنسبة الي ربطت لساني معقول فيه حد بحب التاني هالقد !..كنت استغرب واحكيلو شو بفرق عن باقي البنات ...حكالي انتي غير واللي ما بعرفك ما بعرف الحياة والدين وانتي الحسنة اللي بالدنيا وانتي الجوهرة اللي تمنيتها وححافظ عليها وححطها بعيوني وين كلامو هاد راح بين يوم وليلة ...وين؟! وين؟!.. بنينا احلامنا مع بعض وجهزنا خطبتنا مع بعض..وتعبنا لنكون لبعض ..بس شاء ربنا نترك ونفسخ الخطبة قبل ما نكتب كتابنا ...جد ما اصعبها ...واذاني وجرحني وانصدمت فيه كيف تحول حبه لعداوة ليه لاني طلعت ما بستاهل بنظره مع اني ما لي ذنب فيه وبماضيه ومشاكله والناس اللي بتجيب بسيرتو بالعاطل واللي خلت اهلي ينهو الخطبة ..السمعة الطيبة نادرة بهالايام ولا مصاري الدنيا كلها بتسواها .. ولا مصاري الدنيا كلها بتشتري راحة البال... ما اصعب انك تمر بلحظات تنجبر تتذكر ماضي بتحاول تنسيه بس عالفاضي ...لانه فيه جوا شي انكسر وانخدش وانجرح من مين من انسان وثقت فيه واعتبرته انسان حيخاف الله فيني واول واحد جاب بسيرتي هو واهانني واهان عيلتي كلها... وبالاخر بتطلع انا اللي اتخليت وبعت الانسان اللي اشتراني...انا ما قدرت اعامله بنفس الطريقة واذيه لانه فيه رب شاهد وعارف مين المظلوم فينا ... ما بعرف شو حيداوي هالجرح وكيف ممكن حيطيب بيوم..ساعدوني..
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
- المدربة ميساء حموري من الطبيعي أن تتعلقي وتتالمي فقد مررت بأيام جميله مع بعض وذكريات لا تنسى بالنسبه لك. ولكن يا صديقتي انظري رده فعله على التحديات التي مررتم بها وهل شخص بهذه الأخلاق والصفات يستحق العذاب. انت لا تعذبين بحبه انت تعذبين بذكريات وتعيشين على الأطلال. لا تخافي واعط نفسك بعض الوقت لتحزني وتغضبي وتفكري فلا بد من المرور بهذه المراحل بعد الانفصال ولكن الخبر الجيد بعد مده قصيرة ستكونين بخير ولكن اسمحي لمشاعرك بالخروج والارتياح ولا تقاوميها
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
مقالات ذات صلة
فيديوهات ذات صلة
أسئلة ذات صلة
مقالات ذات صلة
احدث مقالات الحب والعلاقات العاطفية
احدث الوصفات
4.75طريقة عمل حلى كرات الشعيرية السهل والسريع
5 دقيقة 5 اشخاص 68 سعرة حرارية متوسطة3.2طريقة عمل كيكة الجيلي الباردة
15 دقيقة 5 اشخاص 176.4 سعرة حرارية سهلة4.722طريقة عمل حلويات سهلة بدون فرن وبثلاث مكونات
10 دقيقة 10 اشخاص 203 سعرة حرارية سهلة2.929طريقة عمل آيس كريم بدون سكر
15 دقيقة 3 اشخاص 637 سعرة حرارية سهلةاحدث اسئلة الحب والعلاقات العاطفية
اسئلة من بلدك
احجز استشارة اونلاين