أفضل الانسحاب من هذه العلاقة لأنه ليس لدي القدرة على مواجهة الناس

مش عارفه ايه اللي بقوله داه انا بحب ابن خالى مش ديه المشكله المشكله انه اصغر منى بحوالى ٥ سنين ونص لا هو قادر يعترف بحبه ولا انا انا وهو بقالنا ١٣ سنه علاقتنا قوية جدا بكل ما تحمله الكلمه من معنى كبرنا انا وهو سوا احنا بنسكن جمب بعض بيته جمب بيتى بالظبط حتى رمضان اللي فات كنا بنتسحر سوا فى جنينة بيتنا وبعدين نفضل سهرانين لتانى يوم سوا مفيش حد مبيتكلمش عن علاقتنا لغاية ما مامته لما شكت ان ابنها بيحبنى خلتنى عندهم وقالتلى انتى اخته الكبيرة وكلام كبير زى داه حسستني ان انا عندى ١٠٠ سنه بعدها رجعت علاقتى بيه سطحيه وهنا بدأ يسأل اذا كان زعلنى او ان كان شخص فى حياتى جرحته بالكلام وقولتله انت بتدخل فى خصوصياتى مش من حقك تسأل وكمان انت اخويا الصغير اكيد مش هزعل منك وبعدنا بقالنا شهور من ٣ يوم عيد الفطر واحنا مبنتكلمش نهائى علاقتنا مقتصرة على السلام انا كلمته امبارح قولتله عايزة اقابلك وهنتقابل انهاردة بليل على ما يكون رجع من الشغل هو مهندس انا عايزة اعترفله بحبى بس مترددة اوقات بفضل ان علاقتنا تنتهى بالشكل داه افضل . انا معنديش طاقة اواجهه عالم بنظراتهم ليا ان ضحكت عليه انا عندى ٣١ سنه وهو ٢٦ سنه ياريت تساعدونى