بدأت أخاف من أطباع خطيبي

الحب والعلاقات العاطفية
animate

السلام عليكم ورحمه الله وبركاته:
لو سمحتو انا كنت مخطوبه لواحد عن حب وكده وهو ماشاء الله الي حد كبير شخصيه كويسه بيصلي ومتدين وحافظ القرءان ومتفوق في دراسته بس طبعا مفيش علاقه تخلو من المشاكل فكنا كل فتره نتخانق كان اغلب المشاكل دي ان هو يفهم كلمه غلط يفهمها بمعني تاني أفضل اشرحله انا اقصد ايه قد كده وهو سريع الغضب فكنت اتاسف له مع اني متاكده اني مش غلطانه بس علشان بحبه مكنتش اقدر اسيبه يبقي زعلان كتير من مشاكلنا علي كده وهو من النوع الي مش بيقتنع بسهوله انه غلطان ومقنع بالكلام وانا من النوع الي احس بالحاجه بس معنديش ألطريقه الي اعبر بيها دي مشكلتي فعلا فكان يغلبني بالكلام واعتزر له وكده بس انا من جوايا مضايقه فجينا من شهر تقريبا معاملته معايا بقت لا تطاق كل يومين نتخانق بسبب سبب تافه وكان بيحصل مشاكل الفتره دي معرفتش ده غير بعدين طبعا لانه لازم يغلبني علي مااعرف ايه الي مضايقه وأفضل مستحمله ردوده الوحشه وطريقته الاوحش الي فيها برود العالم فمره حصلت له مشكله جامده فكنت بتصل ميردش ابعت له فيس وهو فاتح ميردش وكنت لِسَّه متخانقين قبلها انه يرد يقولي حتي سيبيني انا زهقان بس انا مبحبش أفضل أفكر وازهق ليه هو مبيردش وابعت رسايل ميردش فلما اتكرم ورد بعد ماقلتله اني أعصابي باظت مش مقتنع برده انه غلطان اليوم ده والله كان أشبه بالتعذيب بالنسبه لي فحسيت قد ايه انه قاسي لان الي بيحب حد مش هيقدر يعمل معاه كده فجيه وعدني لتاني مره انه مش هيعمل كده جينا تاني يوم برده زعل علي كلمه هبله وبيتحول في ثانيه معامله وحشه جدااا وردود وحشه فجه قلتله اني تعبت من الأسلوب والطريقة دي فجه وعدني ثالث انه هيتغير ويكون كويس جه بعدها بأسبوع يقولي شكرًا علي قوه تحملي وانه فعلا كان قاسي بعد كان عنده مشاكل ودي فتره وعدت وكده من اخر مشكله وحاسه اني مش صافيه له قوى بس قلت عادى وهو هيرجع كويس تاني بعدها بيومين الاقيها نفس المعامله الوحشه والردود علشان كان زهقان من حاجه تانيه طب بالله عليكم هل انا من المفترض اني أفضل طول عمري أتحمل الطريقه الوحشه دي فجيت قلتله خلاص مش هقدر أتحمل وننفصل قالي عارف انه غلطان وهو كان وحش بس يلا نفتح صفحه جديده وهغير من شخصيتي كتير وان ده اخر وعد فوافقت لانه فضل ساعتين يصالحني وبتقولي مش متخيل حياتي من غيرك وانا طبيعتي عاطفية شويه بس انا مش حاسه اني عيزاه قوى فهل أدي نفسي فرصه اخيره ومع الوقت ههدى واشوفه هيتحسن ولا ايه ولا ده طبعه ومش هيتغير مع العلم اني بحبه جدااا وهو كمان عارفه اني طولت بس سامحوني وبالله عليكم افيدوني لأَنِّي تعبت وخصوصا الناس الي جربت حالتي دي خايفه يفضّل كده بعد الجواز برده .

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري اولا فترة الخطوبة هي لاختبار الطرفين لبعضهما وهل يصلحا معا وهي ليست جزء من الزواج او مرحلة من مراحله لذلك ممكن ان تطيلي هذه الفترة حتى تتاكدي من مشاعرك وقدرتك على تحمل شخصيته الصعبة وخلال هذه الفترة ممكن ان تتعرفي عليه اكثر ومالذي يغضبه وان امكن تجنبه ام لا ،،لانني لا اعتقد انه قادر على تغيير نفسه هو كما هو فهل ترضين به ،،ومن خلال الدراسات كثير من الزيجات التي فيها مشاكل خلال الخطبة تنتهي بشكل غير جيد وتزداد المشاكل اكثر فعليك ان تجدي مفتاحه وكيفية التعامل معه والوصول الى نتاءج مرضية قبل الزواج
  • صورة علم Jordan
    صورة علم Jordan
    من مجهول
    بعد الارتباط دايما بتبدأ صفات الطرفين اتبين وانت في فترة خطوبة فلازم تتروي بقرار زواجك وتدرسي شخصية خطيبك وتسألي حالك ازا راح تتحملي هالصفات أو لأ! وعليكي بالاستخارة كمان لانها ممكن اتريحك وتختار الك الافضل
  • animate

  • صورة علم Iraq
    صورة علم Iraq
    من مجهول

    لا تتزوجيه احسن لك ... لانه في فترة الخطوبة بتعدبك لو يتزوجك شو كان بتعمل؟ برايي مافيش فايدة من تغير انطباعه على حد علمي يعني ما يتغير و تبدئين حياتك بالعداب والبؤس والحيرة وفي الاخر ينتهي حياتك بجحيم ....اتمنى لكي التوفيق

  • صورة علم Algeria
    صورة علم Algeria
    من مجهول

    لا تتزوجيه بالمختصر رح تتعبي معاها خاصة مع ضغوط الحياة تتحول حياتك لجحيم

  • صورة علم State of Palestine
    صورة علم State of Palestine
    من مجهول
    حاولى تغييره على قدر ما تستطيعين وكونى دوما خير ناصحة له لعل الله وعسى وان يتغير
  • صورة علم State of Palestine
    صورة علم State of Palestine
    من مجهول
    من شب على شىء شاب عليه صعب تغيرى هذه الشخصية مزاجية الطباع اتركيه فانا اعتقد حيجيلك كتير مشاكل من وراه هالزيجة
  • صورة علم State of Palestine
    صورة علم State of Palestine
    من مجهول
    كلامك بيدل ان خطيبك كتير فى اشياء سلبية عنده مثل عصبى وسريع الغضب ومبيعترفش بخطاه وكمان بتتخانقو كتير مع بعض وانت بفترة الخطوبة انا لو مكانك افكر كثيرا فى هذه العلاقة ولا سيما انتم لسه على البر

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟