حظي أغبر!

السلام عليكم انا عمري ٣٦ سنه تزوجت و عمري ٢٤ استمر زواجي ما يقارب ٤ سنوات و بعدين تم الانفصال ما حد بيعرف السبب الحقيقي خلف الانفصال لاني بعتبره من اسرار الزواج انا انفصلت مبدئيا لانه شخصية الزوج ضعيفه امام اهله و جوهريا لانه لا يقوم بوظائف الزوج الجنسية يعني والا مره صار بينا علاقه حميميه لكنه بلحضه فض البكارة باستخدام اصبعه انا كنت غبيه و فتها و بفكر بالناس و كلامهم فضليت ساكته بس كنت ما اطيقه و بعد فتره انفصلنا و قبل ٣ سنوات خطبت بس كمان قبل العرس فسخت الخطبة لانه الخطيب كان بده يفرض سيطرته علي و فيكم تحكوا طمعان بالفلوس الي معي المهم والا اي علاقه تعارف بتزبط معي لانه الكل عند لحضة الارتباط ببطل لانه ما بياخد بنت مطلقه علما باني على قد من الجمال و الثقافه و حسن الخلق من سنه سافرت اشتغل خارج الاردن و في الغربة انصدمت بالناس و اخلاقها طلع الكل بمثل على الكل فجاءة تعرفت على شاب من بلادي متزوج و عنده طفلين لكنه على خلاف مع زوجته حسب ما بيحكي و من البداية حكيتله انه لازم نكون واضحين بنوع العلاقة بمغنى انه ازا بس تمضية وقت انا ما عندي وقت فراغ وازا عشان ارتباط بنتعرف و بنشوف فقرر هو انه بده زوجه ثانيه لانه ما بيقدر يطلق مرته خبرته اني برفض اكون ضرع لكن ازا عجبني هو و حبيته لدرجه اغير رائيي ممكن يصير و فعلا بلشت علاقتنا كان اسبوعيا نلتقي و نروح اماكن عامه و احسه بخاف علي و بغار و بعدين بلشت احس اني بميل اله و بطلت اقدر اعيش بدون ما اشوفه هو خبرني عن حياته و انه بيعرف بنات كتير كان و كان يمارس معهم الجنس خارج اطار الزواج و كان يشرب الكحول بس من شي ٧ سنوات راح العمره و استغفر ربنا و بطل طبعا انا صدقته لكن هو دايما كان يحكي عن تجاربه مع البنات وانا كنت اسمعله و اعاتبه انه خلص بكفي يحكي طبعا بلش يعطيني هدايا و ثمنها غالي بالنسبة للبلد الي نحن فيه هالا انا بالبدايه رفضت لكن اصر علي و ما حبيت ازعله بعد مرور كم شهر على تعارفنا عرض علي نروح على فندق كم ساعه طبعا انا رفضت و برر انه هلص احنا علاقتنا جديه و ما في شي يخوف رفضت و زعلت و تركته رجع يراضيني و انا صراحه تعلقت فيه و كنت مصدقته لكن بعد فتره اكتشفت بالصدفه انه بكزب علي انه حكالي اسم زوجته غلط حكيت انا يمكن عشان ما اتواصل معها و هيك نزلنا اجازه حكيتله بما انها طويله شوي يجي عند اهلي يحكي بالموضوع مو ضروري نخطب بس على الاقل يعرفوا اهلي و اهله انه بدنا نرتبط تحجج بمرض والدته و جدته هو اساسا وقت نزلنا الاجازه حكالي انه رايح الامارات مش الاردن بس من هبله عمل check inعالفيسبوك لما واجهته حكالي اضطر عشان مرض جدته ينزل الاردن حكيتله تعال عنا حكى ما بنفع باجازه الصيف بيجي ارجعنا من اجازتنا و بطل يتواصل معي بعد شهر رجع يتواصل بس كل ما احكيله نلتقي يتحجج انا كان بدي نلتقي عشان ننهي الموضوع بشكل صحيح المهم من اسبوع حكالي بده يحجز الي و اله سفره على دبي قلتله ما بدي ما بطلع معه بدون رابط شرعي و بعدها اكتشفت انه طالع مع زوجته و اولاده يعني طلع بكذب من البداية انا حبيته كتير بس بدي اتجاوز هذي المرحله لاني كتير بفكر بالموضوع و خايفه اضعف و ارجع احكي معه وكمان هالا عم بحس انه كل لرحال كذابين وانه كل تحاربي فاشله و اني انا شخصيا فاشله و غبيه وما بعرف اميز بين الغث و السمينمع اني بقدم نصايح لصاحباتي حول لرجال بس شكلي ما بفهم طلعت بالاخر و ما بعرف اختار انا خايفه الفشل يضل ملازمني