مشكلتي كتومة جدا

السلام عليكم ورحمة الله وبركاته، انا بنت عمري ١٧ سنة، عندي مشكلة وهي اني كتومة، كتومة جدا جدا جدا!! يعني اي مشكلة تصير لي او اي شي ما احب اتكلم عن مشاعري او عن وش احس حتى لو كنت ابغى شي او متضايقة من شي مستحيل اتكلم، دايم راسي يوجعني بسبب كثرة التفكير، اذا حاولت اطلب من ابوي شي، على طول ابكي ابكي حتى لو كان شي تافة ومايدعو للبكاء!! مره اخوي شافني متضايقة وراح كلم ابوي وقال له ليش ماتشوف اختي زعلانة ليش ماتكلمها؟ وابوي زعل علي يحسب اني اكلم اخواني عن مشاكلي وما اكلمه هو لانه ابوي، يوم قال لي ليش؟ بكيت! وامي الله يحفظها تعيش بسوريا من يوم كنت صغيره، ونادر تكلمني بسبب الاحوال اللي عندهم الله يفرج عنهم، واصلا ادري اني بابكي لو قلت لابوي اني ودي اكلمها! ما اكلمها لين هي تدق، وزوجة ابوي طبعاً مستحيل اكلمها عن مشاكلي لان علاقتي معها متوترة! حتى خواتي ما اقدر اكلمهم عن هذي المشكلة لانهم خواتي من ابوي واصغر مني ويحسبون اني بس ابكي دلع، مستحيل يحسوا باللي احس فيه!!! حتى صديقاتي ما اكلمهم عن مشاعري ابدا ودايم ابين اني بخير الكل يحسبني قوية وما احس، حتى ان البعض يحسب ان قلبي قاسي وعديمة الاحساس!! احاول ابعد عني هذي الصفة واحاول ابين مشاعري واتكلم عن مشاكلي ولو شوي لاني اعرف ان هذا الشي مضر بالصحة ويمكن يسبب امراض خطيرة! ساعدوني في حل هذي المشكلة؟ وجزاكم الله خيراَ!