قبل الزواج بشهر تحول لإنسان أخر

قضايا اسرية
animate

انا فتاة ابلغ من العمر 33 سنة ..تعرفت علي شاب من اكثر من عامين احببته بشده للدرجة التي كنت ﻻ أريد ان اري عيوبه كان كثير الاهتمام بي وحنين عليا ويتمنالي الرضا ارضي..ولكن كنت كل ما اقوله انا بالنسبة لك اي يقولي اختي.كنت ببعد عنه وكان بيحاول دايما يكلمني تاني وترجع ريما لعادتها القديمة..ونعيد السناريو من اول للاخر تاني..لحد من 9 شهور لما الح عليا انه يقابلني برة وﻻني مش متعودة اني اخرج من ورا اهلي كنت مرتبكة جدا ومتضايقة جدا..وساعتها ماخرجناش وهو قاللي خﻻص روحي.. في اليوم ده صرح ليا بمشاعره وقاللي انه عايز يخطبني وجه واتقدملي فعﻻ وﻻنه صاحب اخويا وعارفينه وافقوا علطول وكنت انا واهلي مشترينه اوووي واتفقنا علي موعد الزفاف بعد 3 شهور وعدي اول شهر وتاني شهر وقبل الجواز بحوالي شهر ابتدي ببقي انسان تاني مش عايز يكلمني بيعمل مشاكل من مفيش معايا علي لون النقاشة مرة وعلي العفش مرة ..وكان بيتصرف معايا بنفور وقسوة مفهمتهاش..وقبل الجواز باسبوعين حصلت مشاكل اكبر مع اهلي وكان دايما اهله بيدخلوا ويحلو المشاكل دي..وهو كان بطل يكلمني خالص..اهله كانوا بيقولوا انه معموله عمل وكل مابنقرب من الجواز هو بيبقي بيتخنق وبيخاف وكانوا بيصبروني طول الوقت وانا مش هكدب ﻻني كنت بحبه تغاضيت عن كل المشاكل دي لحد يوم كتب الكتاب الصبح كلمته عشان الطف الجو بينا بعد كل مشاكل الايام اللي فاتت وكانت المفاجأة لقبته بيقولي انا مش عايزك ولو عندك كرامة تسيبيني ياما ماتشتكيش بعد كدة..تفكيري اتشل بتقولي الكﻻم ده يوم كتب الكتاب وقبل الفرح بيوم جريت علي اهله وقلتلهم اتصرف ازاي والناس والفضايح واهلي ..قالولي وﻻ اكنك سمعتي منه حاجة كل حاجة هتبقي كويسة ..واضطريت اكمل يومي وانا متجاهلة الكﻻم ده ولكن كان جوايا خوف وحزن والم ..كتبنا الكتاب وتاني يوم اتجوزنا وانا طول الوقت بفكر في اللي اتقال واللي جاي هيحصل اي..وبعد مادخلنا البيت لقيته انسان غاية في الحنية والرومانسية وقاللي كل اللي فات ننساه ونبتدي حياتنا من النهاردة وصفحة جديدة... بس للاسف كل تصرفاته معايا كانت قاسية وكلها تلاكيك وخصام وهجر وخناق وكنت كل ماقوله نفسي انسي المشاكل اللي حصلت بينا عشان يحسن تصرفاته معايا يقوللي انت بتنامي في حضني وقلبك شايل مني ويزعل ...لحد اخر مشكله اتلككلي علي زلة لسان وانا منهارة وجايبة اخري من الصبر ومن كتر المرار اللي اسيته قلت كلمة علي والدته والله والله العظيم مااقصد اني اغلط فيها وعملها مشكلة وفضلت اعتذر كتير اني ماقصدش ويوم ورا يوم وهو بينام في اوضة لوحده وقافل علي نفسه لمده 11 يوم .. ولما مالقيتش حل سبت بيتي بعد 3 شهور جواز ورجعت ببت اهلي وخصوصا بعد ما قاللي اثناء المشكلة انا اهلي دول اللي اتحايلوا عليا عشان اكمل جوازي رجعت بيت اهلي وانا مليانة بخيبة الامل والحزن ..وبكسرة نفس وكم وجع انا سايبة بيتي بقالي 3 اسابيع وهو وﻻ سأل وﻻ حد من اهله سأل وكل لما حد يكلمه يقوله هي ترجع البيت لوحدها زي ماسابته لوحدها انا مش حابة ان بيتي يتخرب بالسرعه دي وف نفس الوقت مش هينفع اني ارجع من غير الحياة ماتتظبط ..اهلي كلموه كذا مرة وهو مش سأل حد يقوللي اعمل اي...انا بنهااااااار

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي اتخاذ قرار الانفصال يلزمه وقت وتفكير شديد ، فأنت لا زلت في اول أشهر من زواجك ، اصبري عليه كفرصة اخيره تحددي فيها موقفك منه وان لم يتغير فعندها تنفصلي بعد ان قطعت الامل في اي تغيير . عودي الى بيتك فان المكوث عند اهلك لن يحل المشكلة معه واعتذري عن غلطتك بالكلام عن أمه وإبدئي طريقه جديده في التعامل معه . لا تغضبي ولا تتركي له اي مجال للشجار ، اسكتي تماما عندما يغضب وانتظري حتى يهدأ بعيدا عنه حتى لا تجاوبيه ، ولا تعاتبيه ابدا . كوني دائما مبتسمه ، فرحه ، اهتمي بنفسك وحسني علاقتك مع أهله وتقربي منهم. كوني صبوره وثابري على هذه المعامله، سيتغير حتما . لقد تزوج وهو غير مقتنع بفكره الزواج او ربما غير جاهز معنويا او ماديا ، كل زواج يحتاج الى مده تطول او تقصر حسب الازواج لإرساء قواعد التعامل بين الزوجين والتفاهم. اصبري وغيري في تعاملك معه واذا بعد كل هذا الجهد لم يتغير لا يبقى لك سوى الانفصال.
  • صورة علم
    صورة علم
    من مجهول
    بطل صراحة انت لست مجبورة على تحمل هذه الحياة يعني انت حاولتي تغيري فيه و تتحمليه لكن لكل شيء حد ..اطلبي منه الطلاق و خليه يشعر انه خسرك ممكن بعدها يتغير
  • animate

  • صورة علم
    صورة علم
    من مجهول
    حسبي الله و نعم الوكيل يعني انت ما غلطتي في حقه ابدا كيف بيعاملك بهذه الطريقة ..كل ذنبك انك حبيتيه و اخلصتي له ! انا برأيي الطلاق هو افضل حل لك خاصة انه ما في بينكم اولاد
  • صورة علم
    صورة علم
    من مجهول
    عزيزتي تغير هذا الشخص قبل الزواج بيدل على انه ما كان جاهز لهلذ الخطوة وكان ناوي انه يتراجع و لكن اهله اجبره ..أنت اهنتي نفسك انك بقيتي معه الى هذا الوقت لنه ما رح يتغير ابدااا فكري بنفسك و فقط
  • صورة علم Egypt
    صورة علم Egypt
    من مجهول
    عزيزتى ، أشعر بكمية خيبة الأمل و الأسى التى تمر بها كسرة النفس أسوأ شىء خصوصا لو من شريك حياتك تقربى من الله فوحده القادر على أن يطمأنك و أتركى المشكلة ستحل وحدها و إن لم يسأل عنك لن تجدى حل سوى الطلاق .يبدو عليه شخصية ملهاش رأيى و مذبذبة شخص هوائى ، شوية حلو و شوية وحش و أما عن حكاية العمل ، ربما و لكننى أؤمن بأن لكل شىء سبب هل سمعتى يوما عن أن رئيس دولة لم يحضر مؤتمر لأن معموله عمل على الرغم من أنه رؤساء الدول الأولى و الأهم من زوجك كى يفعل لهم العمل .

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟