كيف اثق بنفسي

قضايا نفسية
animate

السلام عليكم انا عمري 22 وبدرس في الجامعة مشكلتي انه في عمر 14 قررت اجتهد وادرس وابدا من تحت الصفر وتحديدا لانه اهلي كانوا رافضين دراسة البنت في الجامعة وانا عملت كل جهدي لحتى اكون من المجتهدات وتعبت كتير لانه اهلي ما كانوا معي بهاد القرار ابدا كانوا بس همهم الوحيد هو الاختلاط وأنه حرام بس انا ابدا ما كنت افكر بهالطريقه ولا كان يهمني الاختلاط وكان كل شي صعب لحتى اعرف طريقة الدراسة الصح وعافيتك كتير وكنت مصره كتير على نجاحي وكنت بحب القراءه كتير وكتير انبسط لما أقرأ اي كتاب وفي سنة اول ثانوي فجأة صرت اتعب من الدراسة وما بحب ادرس ولكن حلمي أقوى من الي كان يصير فيني واعاند كل شي واجتهد واهلي حكولي انه هاد عين أو حسد ولكن بهديك الفتره ابدا ما كنت مقتنعه في هاد الكلام لانه الله خير الحافظين ومع هاد الاشي الي ما كنت اعرف افسره توفى والدي في حادث وهاد زاد همي وحزني ووصلت لمرحله مو قادرة اتحمل اي ضغط ولا عارفه افتح كتاب وادرس حرف واحد وطبعا كان صعب علي انه اقدم لشهادة الثانويه لانه ممكن ارسب وهاد الشي الي خلاني أجل الدراسة لحتى استوعب شو عم بصير معي وبرضوا هاد الشي ما نفع معي وزادت المشاكل بحياتي ولكن هدفي خلاني ارجع اتحدى كل ظروفي وانجح في الثانويه ودخلت التخصص الي بحلم فيه ولكن ما فرحت ابدا وحسيت انه راح من عمري سنتين هيك من دون أي شي وخلال الفتره الماضيه كنت بس اخد المحاضرات في الجامعه احس بهم وحزن وما الي رغبه في الدراسة ابدا وكنت بس ادرس قبل الامتحان بيوم وانا الحمد لله الله أكرمني بالذكاء يعني كنت اشوف كل صاحباتي الي كانوا يدرسوا بشكل يومي يجيبوا اقل مني في العلامه وانا الي ادرس قبل بساعات بس اجيب علامه منيحه وهاد الي كان يحزني اكتر يعني لو بس اعرف ارجع وادرس متل اول بكون من الأوائل في الجامعه وقبل شهرين التزمت بالاستغفار والدعاء وفعلا حسيت انه فيني شي اتغير صرت انتبه في المحاضرة اكتر واتزكر المحاضرة السابقه ورجعلي املي في الحياة وحابه اتفوق اقدر اكمل في طريقي وحلمي وهدفي الي حطيته وانا بعمر 14 سنه ولكم مشكلة العمر بحسها دايما مسيطرة على تفكيري انه انا بس اتخرج بكون عمري 24 سنه وبحاول اقنع نفسي انه عادي والأهم ما اضل فاشله العمر كله يعني لو اخسر سنتين من عمري ولا اخسر كل عمري ونفسي ارجع اثق بنفسي أكثر وترجع طموحي بدون خوف من الفشل ساعدوني ارجوكم .

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري انت انسانة جيدة وذكية وتجدي دوما طرقا لحل مشاكلك وتحليلك للامور جيد جدا واكيد سوف تنجحي ولكن معها ليكن طموحك ان تنجحي وتكوني سعيدة في نفس الوقت. طلب العلم لا علاقة له مع العمر هناك من لا تسمح ظروفه بكمال الدراسة حتى سن الاربعين او الخمسين وهناك حتى من يبلغ السبعين ويحب ان يتابع الدراسة وانسانة بذكاءك وقوتك وتحديك لا يجب بتاتا ان تؤثر عليها سنتان او عشر سنين تقدمي حبيبتي ولا تخشي شيءا
  • صورة علم Jordan
    صورة علم Jordan
    من مجهول
    انت إنسانه جدا رائعه والله يحميكي ويزيدك قوة واصرار وتحدي فأنت تستحقين كل ماهو أفضل ولا ينقصك شيء عمن هم من عمرك ثابري من اجل هدفك والله يحميكي
  • animate

  • صورة علم Jordan
    صورة علم Jordan
    من مجهول
    ما شاء الله عليكي..يصراحة ما بتحتاجي نصيحة ...في ناس بضيعوا سنتين في شغل بلعبوا و ما بتطوروا ...و في ناس بتحول من تخصص لتخصص و بتضيع عليهم سنه ..في ناس بتقعد سنه في البيت على القليله لتلاقي شغل...لا تخافي الله بعوضلك ياهم وبباركلك في وقتك وبرزقك الوظيفة اللي بتتطوري فيها في سنه عن خمس سنين ...ما تحسبيها انه عمرك 24 بصير ...المهم البركه وانه كل شيء نصيب في الحياة...واهم اشي ارادتك وتصميمك على النجاح ..وتوكلك على الله
  • صورة علم Jordan
    صورة علم Jordan
    من مجهول
    بصراحة اعجبت جدا جدا بتصرفك وتفكيرك ونضوجك العقلي وكنت وأنا بقرأ كلماتك أصفق لك تقديرا على مثابرتك ومحاربة نفسك وأهواءك رحم الله والدك وجعل قبره روضه من رياض الجنه وعافى الله والدتك واطال في عمرهاانت والحمد لله بنت ذكية تعرضت لظروف قاسية لكن ثقتك وايمانك بالله عز وجل ثم طموحك ساعدك في تخطيها الثقة في النفس هي ما اوصلتك لمستواك الرائع هذا فلديك ثقة في النفس لكنها بحاجة لتعزيز بعض الشيء وذلك من خلال زيادة المثابرة والاجتهاد والوقوف على قدميك لمواجهة التحديات وحبذا لو اطلعت على كتب الدكتور ابراهيم الفقي عليه رحمة الله للتوسعة في مفهوم الثقة بالنفس

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟