ام زوجي واخت زوجي يحاولون دائما استفزازي

السلام عليكم مشكلتي باختصار، انه الناس تقدر تستفزني بسهولة ، انا انسانة ربي خلقني جميلة بشهادة الناس وحاصلة على ماجستير من احسن الجامعات في لندن وأقرء دائما الناس اللي حولي دائما يرجعو لي لحل مشاكلهم وطلب النصيحة كوني انسانة هادية وحكيمة بنظرهم الحمدلله ولكن من تزوجت وانتقلت لبلد زوجي وبعيدة عن اهلي وصديقاتي احس صرت ضعيفة جدا ، سهل جدا انه احد يهزني ، ام زوجي واخت زوجي يحاولون دائما استفزازي بكل شي و تطور الوضع لاستفزازي ببنتي، اقرء كثير عن تعزيز الثقة بالنفس واكلم نفسي كثير واذكر نفسي بالاشياء الحلوة اللي فيني ولكن يوم اجي اطبق الحلول اجد صعوبة ، عمري ما استفزيزت احد ولا بحياتي نويت اءذي احد انسانه مسالمة وأحب الهدوء وهذا اللي يخليني اعصب ليش اللي أسوي معاهم خير يحاولون استفزازي من دون اي سبب او أني أذيتهم مثلا ، يحاولون التدخل في شوؤني الخاصة والتعليق الغير متوقف على كل كبيرة وصغيرة تخصني وتخص تربيتي لبنتي مع العلم هم ما هم كفو ينتقدون ، تعليقاتهم لا تنتهي أوقات اطنش وأوقات اجاوب ولكن مافي طريقة نافعة معاهم زوجي لاحظ كثرة تعليقاتهم اللي مالها داعي وقالهم لا حد يتدخل هي بنتها وحرة فيها فصارو قدّامه مساكين ومن وراه يشتغلون شغلتهم ، تعبت منهم وحركاتهم هاذي صارت تخليني عصبية حتى خدامتي تحاول تستفزني في بنتي ، تسوي حركات انه بنتي ما تريد الا تكون معاها وحركات ثانية تافهة بس فيها استفزاز لي مع العلم بنتي عمرها ثلاث أشهر للحين يالله تعرف ابوها طبعا انا تعرفني من صوتي تلتفت بس أتكلم . بس ايش الحل كيف اتصرف مع حركات ام زوجي ، انا ماعرف لحركات الحريم ابدا من تزوجت قمت اعرف معنى الكيد بس عشت مع أهل زوجي شفت شي ما بحياتي شفته أوقات اسمع كلام بعدين أقول يا ليتني رديت كذا . ساعدوني