زوجي يحب انتقاد الناس كثيراُ

السلام عليكم ...انا عندى مشكلة بتضايقنى و علطول بفكر فيها زوجى ليل نهار بيتريق عليا ومهما اعمله مش بيرضى و علطول بيحب الانتقاد على كل حاجة باعملها وبيحب ينتقد الناس كلها عامة للاسف دى صفة وحشة فيه ، ويبصلى دايما بنظرات تريقة علطول مع انى ببقى نظيفة ولابساله ملابس حلوة ومتزينة و معطرة ملابسى و مظبطة نفسى قدامه علطول لبسى وشعرى و كل اللى هو بيحبه باعملهوله بس لازم يتريق عليا ويقلل منى واحس بردو بالنقص وانى مش عارفة ارضيه، ده غير انه بيقولى انه كان بيعرف ستات قذرة وبيعمل معاهم حاجات قذرة و بيعد يوصفلى فى جسمهم وبيجرحنى بكلامه مع العلم انى بيضاء وجسمى حلو وهو اللى كان دايما يمدح فى جسمى ويقولى انه بيحب شكل جسمى ، المهم بيعد يقولى انه كان بيروح الكباريهات مع اصحابه ويعد مع الستات هناك ، وان هو واصحابه كانو بيركبوا بنات قذرة معاهم فى العربية ويعملو حاجات قليلة الادب ،وكل ده يحكيهولى ويضحك ويبص عليا وانا ببقى بسمعه وانا متغاظة ومذهولة من اللى بيقوله و متضايقة انه عمل كدة و مش مصدقة انه بيعترف عادى قدامى بكل ده ،يعنى اللى بيعمل كدة بيخبى ويدارى مش بيقول ويتباهى ! انا باستغرب هو ليه بيقولى الكلام اللى بيضايقنى بيه ده ،يعنى مستنى منى ايه لما اعرف ، وقولتله كذا مرة ان كلامه بيضايقنى ،انا محتارةمنه هو عايز ايه؟!!